Amǝ Mishan 4:19 - Maləmce Məfele mala Ɓakuli: Kurcau Məbəshe

¹⁹ Sǝ Bitǝrus andǝ Yohana nea wia ama, “Nggearǝ wun nǝ ɓamur rǝ wun ngga, wu gau mǝnia yì ɓashi ka a ɓadǝm Ɓakuli, amur mana ɓoaro ɓǝa pa; ɓǝa oka wun le, ko ɓǝa oki Ɓakuli?

Amǝ Mishan 4:19 ပူးပေါင်းရင်းမြစ်များ

Matiu 22:21

À eari wi ama, “Mala Kaisar na.” Pǝlǝa nea wia ama, “Gir mǝnana mala Kaisar na ka wu pe Kaisar, sǝ mǝnana mala Ɓakuli na ka wu pe Ɓakuli.”

Luka 22:8

Yesu tasǝ Bitǝrus andǝ Yohana, nea wia ama, “Wu kyane wu kya gilǝkia sǝm girlina mala Ɗire Yalimuru mǝnana sǝm nǝ̀ li ka.”

Yohana 7:24

Wu kǝa wu pak ɓashi ace sǝn ɓamǝsǝu ɗang. Wu pak ɓashi amur gir mǝnana mǝsǝcau na ka.”

Amǝ Mishan 4:13

Sǝ aɓwana-mǝgule man kat ka, à pak ndalǝki nǝ mǝsǝkang-kangŋa mala Bitǝrus andǝ Yohana, acemǝnana à sǝnia ka aɓwana na anggo, à kum ɓe kǝ kanigir aɓa Malǝmce ɗang. Pǝlǝa gir nî yi kpakia wia ama Bitǝrus andǝ Yohana ka ado a tarǝia andǝ Yesu.

Amǝ Mishan 5:28

ama, “Sǝm nunkir wun nǝ rǝcandǝa ama, wu kǝa na ama, wu nǝ̀ kanigir nǝ lullǝ ɓwa man ɗǝm ɗang. Ado ka wu tsǝngŋǝna kanigir ma'wun akina ban kat aɓa Urǝshalima, nyar ɗǝm ngga, wu kǝ earce tsǝa ɓǝa na ama, sǝm nda sǝm wal Yesu ka!”

Amǝ Mishan 5:29

Pǝlǝa Bitǝrus andǝ aɓea amǝ'mishan eare ama: Sǝm ngga, sǝm nǝ̀ oki Ɓakuli, amur mǝnana sǝm nǝ̀ oki ɓwapǝndǝa ka.

1 Amǝ Korinti 10:15

Cau mǝnia ǝn nggǝ ne ka, mǝ nda arǝ amǝ'dǝmkwara; wu sǝnggi ɓalǝi nǝ ɓamur rǝ wun.

2 Amǝ Korinti 4:2

Sǝm nyingŋǝna bu sǝm arǝ agir kǝsǝkya mǝnana à kǝ pea aɓa sǝmbǝrǝa ka, sǝ sǝm ginǝce ɓealǝu mala swarkiban. Pà sǝm nǝ̀ na cau mala Ɓakuli nǝ nyir ɗang. Sǝm nǝ̀ dukdo mǝsǝcau aɓa tǎlaban a ɓadǝm Ɓakuli, sǝ sǝm nǝ̀ ɓariki aban lǝmndǝ ɓamur rǝ sǝm a njar mǝɓoarne aban aɓwana kat mǝnana à kǝ gandǝ gakita mǝɓoarne andǝ mǝɓane aɓa ɗenyicau malea ka.

Amǝ Afisu 6:1

Wun amuna, wu oki amǝɓǝl wun, acemǝnana wu nda ka mala Ɓakuli ka. Mǝnia ka nda gir mǝɓoarne mǝnana ɓǝa pe ka.

1 Timoti 2:3

Mǝnia ka ndanǝ ɓoaro, sǝ kǝ pwasǝbum Ɓakuli Mǝ'amsǝ sǝm,

Amǝ Ibǝru 11:23

Nǝ́ paɓamuru sǝ lang à ɓǝlna Musa ka, a tarrí andǝ ngge sǝmbǝrǝi arǝ azongŋo tārú. Acemǝnana à sǝn muna ka ndanǝ ɓoarɓwa ka, nda gir nî sǝ ɓangciu pakkia wia arǝ nzongcau mala murǝm raka.

Jemis 2:4

Ɓǝ̀ wu pa anggo ka, wu lǝmndǝ ma tàrban aɓalǝ wun re? Sǝ ɗǝm ngga ɓǝ̀ wu pa anggo ka, wu pa aban lǝmndǝ ama wu nda ban ɓashi arǝ wun nǝ ɓabum mǝɓike re?