Amǝ Mishan 3:6 - Maləmce Məfele mala Ɓakuli: Kurcau Məbəshe

⁶ Sǝ Bitǝrus banggi wi ama, “Ən panǝ boalo mǝ nǝ po ɗang. Sǝa ma gir mǝnana mǝ ndanǝi ka nda ǝn nggǝ po ka. Aɓa lullǝ Yesu Kǝrǝsti ɓwa Nazarat, lo sǝ wu gya!”

Amǝ Mishan 3:6 ပူးပေါင်းရင်းမြစ်များ

Matiu 10:9

Wu kǝa twal kǝ boalo a bu wun ko a lǝpan ɗang, ko ya ulangyi nani ka.

Matiu 7:22

A masǝlǝata apwari ka aɓwana pas nǝ̀ yiu à nǝ̀ nam ama, “Mǝtalabangŋo, Mǝtalabangŋo, nǝ lullǝo sǝ sǝm hamnǝ cau re, sǝ nǝ lullǝo sǝ sǝm pusǝki akukwar, sǝm pakki agir-ndǝlǝki pas re?”

Markus 14:8

Yì ka, pangŋǝna gir mǝnana gandǝi ka, ak dǝmbǝa soapam muru a nggūrǝam, acau mala cem a ɓembe.

Markus 16:17

Aɓwana mǝnana à paɓamuria abanam ngga, amǝnia yia agir'lǝmndǝa ka à nǝ̀ kpatea: Aɓa lullǝam à nǝ̀ pusǝ akukwar, à nǝ̀ nakia cau nǝ abǝsa kun.

Yohana 19:19

Bilatus gilǝgir arǝ gbǝlang kpamgbang sǝ tsǝa à gballì arǝ nggun-gangndi amur Yesu. Cau mǝnana gilǝ ka nda, “Yesu Ɓwa Nazarat, Murǝm Mala Amǝ Yahudi.”

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 16:18

Twal anonggeo pas camarǝ na cau mǝ'mwashati; gandǝa bum Bulǝs lullo sǝ pǝlǝa arǝ banggi kukwar mǝnana arǝ nsari ka ama, “Aɓa lullǝ Yesu Kǝrǝsti sǝ ǝn banggo, puri rǝ nsari man!” Kara kukwar puri rǝ nsarì àkǝ̀ banì.

Amǝ Mishan 2:22

Wun amǝ Isǝrayila, wu kwaki kir wun, wu ok acau man. Yesu ɓwa Nazarat ka, ɓwa na mǝnana Ɓakuli earnǝi, sǝ lǝmndǝ ama yì nǝ̀ turi ka, sǝ pe wi rǝcandǝa mala pakki agir-ndǝlǝki andǝ agir-gyambǝliban, andǝ agir-lǝmndǝa amǝgulke. Wun nǝ ɓamur rǝ wun ngga, wu sǝlǝna, acemǝnana akani aɓalǝ wun, àkǝ̀ mǝsǝ wun sǝ pea.

Amǝ Mishan 2:36

Ace mani ka, aɓwana mala amǝ Isǝrayila kat, ɓǝa sǝlǝa nǝ mǝsǝcau ama, Yesu mǝnana wu gballì amur nggun-gangndi ka, nda ɓwa mǝnana Ɓakuli ci ɓǝ̀ do nda Mǝtalabangŋo, sǝ nda Kǝrǝsti, Mǝ'amsǝban ngga!

Amǝ Mishan 3:16

Nǝ guliarǝu aɓa lullǝ Yesu, sǝ mǝnia yì gbakǝre ka kum rǝcandǝa. Sǝ wun ngga, wu sǝlǝna rǝ ulang gbakǝri male ɗiɗyal. Sǝ paɓamuru aban Yesu nǝ̀ yinǝi wi nǝ rǝcandǝa mala nggūrǝi, kǝla mǝno ado wun kat wu sǝni ka.

Amǝ Mishan 3:5

Pǝlǝa gbakǝre-ɓwa tsǝk mǝsǝì a rǝia, kǝ sǝni ama à nǝ̀ pe wi ɓoro.

Amǝ Mishan 3:7

Pǝlǝa Bitǝrus bwal bui mǝli, loasǝi tamsǝi. Nǝ̀ pa anggo ka, kara akusǝ ɓwabura man andǝ ankpalkusǝi kum rǝcandǝa,

Amǝ Mishan 4:10

Came ɓǝ̀ ǝn bangga wun bwāng, wun, wunǝa amǝ Isǝrayila kat ama, nda aɓa lullǝ Yesu Kǝrǝsti ɓwa Nazarat, yì ɓwa mǝnana wu gballì amur nggun-gangndi, sǝ Ɓakuli loasǝi a ɓembe ka, sǝ mǝnia yì ɓwa ka kum rǝcandǝa.

Amǝ Mishan 4:7

Pǝlǝa à yinǝ alaggana mala Yesu mǝnia yia ɓari ka, à came a ɓadǝmbǝia, sǝ à ɗia ama, “Nǝ ya rǝcandǝa, sǝ aɓa lullǝ yana sǝ wu pak mǝnia yì gir ka?”

Amǝ Mishan 9:34

Bitǝrus ne wi ama, “Eniyas, Yesu Kǝrǝsti twalǝno ban kwano mo. Lo, kar kalnongŋo mo.” Anggo kara Eniyas lo.

1 Amǝ Korinti 4:11

Ko ado ka, sǝm dum nǝ nzala andǝ mǝsamur; kǝ asangginagir nda sǝm oasǝo arǝ sǝm ngga; kusǝ pas sǝm nggǝ kum walban; sǝm nggǝ sokki kun sǝm arǝ aban ɗàngɗáng.

2 Amǝ Korinti 6:10

Kat andǝ amani ama à tsǝk sǝm aɓa bumkiɗikea ka, sǝm nda aɓa bumpwasǝa ko aya pwari. Ko ɓǝ̀ ndo ama sǝm nda ka amǝtǝr ka, sǝm nggǝ tsǝk aɓwana pas à duk amǝkume. Mǝsǝcau na ama sǝm pànǝ kǝgir ɗang, sǝa ma girbunda kat ka ma'sǝma.

2 Amǝ Korinti 8:12

Ɓoro mǝnana ɓwa earǝna nǝ ɓabumi mwashat nǝ̀ pà ka Ɓakuli nǝ̀ é, sǝ yì pa ɓoro ka, ɓwa ɓǝ̀ kārǝi arǝ gir mǝnana ndanǝi ka, pà a kun gir mǝnana ɓwa panǝi raka ɗang.

2 Amǝ Korinti 8:9

Wu sǝlǝna nǝ ɓwamuru mala Mǝtala sǝm Yesu Kǝrǝsti; mǝnana kat andǝ amani ama yì ka, mǝkume na ka, yi duk mǝtǝ̀r ace wun, ace mǝnana wun, aɓa dotǝ̀r male ka, ɓǝ̀ wu pǝlǝa amǝkume.

Jemis 2:5

Wu kwaki kir wun, wun amǝ'eamrǝarǝu mǝnana ǝn earkiyi acea raka, Ɓakuli twal aɓwana mǝnana amǝɓanza nyesǝia amǝtǝr na ka, ɓǝa duk amǝkume aɓa paɓamuru abani. Sǝ ɗǝm ngga ɓǝa kum domurǝm mǝnana Ɓakuli pàcau ama nǝ̀ pe aɓwana mǝnana à kǝ earce ka.

1 Bitǝrus 4:10

Ɓakuli panì koyan ngga ɓoro mala sǝlǝ pak ɓe kǝgir. Ace mani ka, ko yan ngga ɓǝ̀ pakturo nǝ male yi ɓoro ace pakkia acilia ɓwana gbasha, ace mǝnana ɓǝ̀ sǝm duk aɓwana mǝnana Ɓakuli earnǝia arǝ tsǝkir aɓoro male mǝnana à ndakam ɗàngɗáng ngga.