Amǝ Mishan 3:26 - Maləmce Məfele mala Ɓakuli: Kurcau Məbəshe

²⁶ Lang Ɓakuli loasǝna guro male Yesu ka, tasǝi aban wun, wun amǝ Isǝrayila peatu, ace mǝnana ɓǝ̀ tsǝka wun bu, a njar mala pǝlǝ koyan ata wun ngga, ɓǝ̀ nying ɓealɓikea male.

Amǝ Mishan 3:26 ပူးပေါင်းရင်းမြစ်များ

Matiu 1:21

Yì ka, nǝ̀ ɓǝl muna-ɓwabura, sǝ a wu nǝ tsǝki wi lullǝu ama Yesu, acemǝnana nǝ̀ yia amsǝ aɓwana male aɓalǝ acauɓikea malea ka.”

Matiu 15:24

Yesu pǝlǝia wia ama, “Kǝ anzur mala amǝ Isǝrayila mana à ɓwarki ka nda à turam abania ka.”

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Yohana 4:22

Wun amǝ Samariya ka, wu kǝ peri aban ɓwa mǝnana wu surǝì raka, sǝ sǝm, amǝ Yahudi ka, sǝm surǝna rǝ ɓwa mǝnana sǝm nggǝ peri abani ka. Acemǝnana amsǝban ngga pur nǝban amǝ Yahudi.

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 13:26

Ado ka wun amǝ'eambǝam amǝ Isǝrayila, amǝ kau mala Ibǝrayim, andǝ aɓwana mala acili anzali mǝnana à kǝ ɓanggi Ɓakuli ka, aban sǝm sǝ à turban nǝ mǝnia yì cau amsǝban ngga!

Amǝ Mishan 2:24

Sǝa ma Ɓakuli panzǝi aɓa bu rǝcandǝa mala lú, pǝlǝa loasǝi a ɓembe, acemǝnana lú kārǝa nǝ̀ bwali a ɓembe ɗang.

Amǝ Mishan 2:32

Ɓakuli loasǝ Yesu a ɓembe, sǝm kat ka, sǝm sǝni nǝ mǝsǝ sǝm anzǝm lo male.

Amǝ Mishan 26:20

A tite ka, ǝn hamnǝ cau a Damaska andǝ Urǝshalima andǝ anzali mala amǝ Yahudi kat. Sǝ ǝn hamnǝi gbal aɓalǝ aɓwana mǝnana amǝ Isǝrayila na raka. Ən nea wia nǝma ɓǝa pǝlǝ nzǝmia arǝ cauɓikea ɓǝa pwanzali, ɓǝa nyare aban Ɓakuli, ɓǝa kǝ pak agir mǝnana nǝ̀ lǝmndǝ ama yia ka à nyingŋǝna acauɓikea malea ka.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 3:20

Sǝ Mǝtalabangŋo ka nǝ̀ pa wun apwari mala kum bǝsa rǝcandǝa, sǝ nǝ̀ tasǝa wun Kǝrǝsti Yesu, Mǝ'amsǝban mǝnana turí ace wun ngga.

Amǝ Mishan 3:22

Musa bangŋa ama, “Mǝtalabangŋo Ɓakuli ma'wun, nǝ̀ loasǝ ɓe mǝɓangna, kǝla mim aɓalǝ aɓwana ma'wun. Wu tsǝk kir wun arǝ agir mǝnana kat nǝ̀ bangga wun ngga.

Amǝ Mishan 3:25

Wu nda ka amuna mala amǝno yia amǝ'ɓangna mala Ɓakuli ka, sǝ wu nda aɓa kurcau mala Ɓakuli mǝnana pakki aká wun ngga. Acemǝnana Ɓakuli banggi Ibǝrayim ama, “Nǝ́ bú mǝkeo sǝ mǝ nǝ tsǝki aɓwana a ɓanza kat buam.”

Amǝ Roma 1:16

Mim ngga kǝsǝkya kǝ pakkam arǝ Cau Amsǝban mala Kǝrǝsti ɗang, acemǝnana mǝnia ka rǝcandǝa mala Ɓakuli na ace amsǝ aɓwana mana à paɓamuria ka, tite nǝ ɓwa Yahudi, sǝ ɓwa mǝnana ɓwa Yahudi na raka.

Amǝ Roma 15:29

Ən sǝlǝna nǝma ɓǝ̀ mǝ nǝ yiu aban wun ngga, mǝ nǝ yina wun nǝ tsǝkbu mǝgule mala Kǝrǝsti.

Amǝ Roma 15:8

Mǝ nda aban bangga wun ama, turo mala Kǝrǝsti mǝnana yi pak ka, pè ace amǝ Yahudi ace lǝmndǝ ama Ɓakuli ka mǝ'mǝsǝcau na arǝ apacau male mǝnana pa aban akea ka.

Amǝ Afisu 1:3

Ɓǝ̀ sǝm ɓwangsǝ Ɓakuli, Tár Mǝtala sǝm Yesu Kǝrǝsti, mǝnana tsǝngŋǝna sǝm bu nǝ́ ko ya tsǝkbu mala Bangŋo, mana kǝ yiu nǝ́ kuli ka, aɓa kpapi ma'sǝm sǝnǝa Kǝrǝsti.

1 Bitǝrus 1:3

Ɓwangsǝban kat ka, ɓǝa pe Ɓakuli, Tár Mǝtala sǝm Yesu Kǝrǝsti! Ace mǝsǝswatǝr male mǝgule ka yina nǝ sǝm aɓa bǝsa ɓǝlban. Sǝm kum mǝnia yì bǝsa ɓǝlban ngga acemǝnana Ɓakuli loasǝ Yesu Kǝrǝsti a ɓembe ka. Ado ka sǝm ndanǝ do tsǝkɓalǝu mǝyilǝmui,

1 Bitǝrus 3:9

Wu kǝa wu mbweban nǝ ɓealɓikea a kun ɓealɓikea ɗang. Ɓǝ̀ aɓwana sanggi wun ngga, ce wu nyesǝia wia nǝ sanggiban ɗang; a kun mani ka wu tsǝkia wia bu, acemǝnana nda àkǝ̀ ce mani sǝ Ɓakuli tunǝ wun, ama ɓǝ̀ wu kum tsǝkbu.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.