Amǝ Mishan 3:25 - Maləmce Məfele mala Ɓakuli: Kurcau Məbəshe

²⁵ Wu nda ka amuna mala amǝno yia amǝ'ɓangna mala Ɓakuli ka, sǝ wu nda aɓa kurcau mala Ɓakuli mǝnana pakki aká wun ngga. Acemǝnana Ɓakuli banggi Ibǝrayim ama, “Nǝ́ bú mǝkeo sǝ mǝ nǝ tsǝki aɓwana a ɓanza kat buam.”

Amǝ Mishan 3:25 ပူးပေါင်းရင်းမြစ်များ

Luka 1:72

Pak mǝnia ka ace lǝmndǝì atár sǝm mǝsǝswatǝr, sǝ ɓǝ̀ ɗenyi nǝ kurcau male mǝfele.

Amǝ Mishan 13:26

Ado ka wun amǝ'eambǝam amǝ Isǝrayila, amǝ kau mala Ibǝrayim, andǝ aɓwana mala acili anzali mǝnana à kǝ ɓanggi Ɓakuli ka, aban sǝm sǝ à turban nǝ mǝnia yì cau amsǝban ngga!

Amǝ Mishan 2:39

Mǝnia yì ɓwamuru Ɓakuli bangce ka, nda ace wun andǝ amuna ma'wun, andǝ aɓwana mǝnana amǝ Yahudi na raka, andǝa mǝnana Mǝtalabangŋo Ɓakuli ma'sǝm nǝ̀ ngga tunǝia ka.”

Amǝ Roma 15:8

Mǝ nda aban bangga wun ama, turo mala Kǝrǝsti mǝnana yi pak ka, pè ace amǝ Yahudi ace lǝmndǝ ama Ɓakuli ka mǝ'mǝsǝcau na arǝ apacau male mǝnana pa aban akea ka.

Amǝ Roma 4:13

Mǝnana Ɓakuli pacau aban Ibǝrayim andǝ amǝkè ama nǝ̀ tsǝkia wia bu sǝ ɓanza kat nǝ̀ duk malea ka, pa acemǝnana Ibǝrayim bwal Nggurcau mala Ɓakuli ka ɗang. Nda acemǝnana yì ka, earnǝ Ɓakuli, guli a rǝì ama nǝ̀ pak gir mǝnana bang ngga. Sǝ ace mǝno ka Ɓakuli é mǝ'cauɓoarna na.

Amǝ Galati 3:16

Ɓakuli pacau male aban Ibǝrayim andǝ muni. Sǝni pepe, Malǝmce ne ma ama, “andǝ amuni” ɗang, mǝnana nǝ̀ lǝmndǝ ama à nda pas ka. Awo, bangŋa ama “andǝ muni”, mǝnana lǝmndǝ ama nda aban na cau amur ɓwa mwashat. Sǝ ɓwa mwashat mǝnia ka, nda Kǝrǝsti.

Amǝ Galati 3:29

Sǝ ado mǝnana wu dumǝna a mala Kǝrǝsti ka, wu nda ka amuna mǝɓafoe mala Ibǝrayim. Wu nda ka amǝliɓala, sǝ pàcau mala Ɓakuli aban Ibǝrayim ngga, dumǝna ma'wun.

Amǝ Galati 3:8

Malǝmce ak dǝmbǝa bang ɗiɗyal ama, Ɓakuli nǝ̀ ak aɓwana mala acili anzali, à nǝ̀ pǝlǝ amǝ'cauɓoarna, ace paɓamuru malea abani. Nda sǝ ak dǝmbǝa ne Ibǝrayim mǝnia yì bǝsa cau mǝɓoarne ama, “Aɓwana arǝ anzali kat ka, à nǝ̀ kum tsǝkbu mem nǝ bano.”

Sǝna 14:6

Pǝlǝa ǝn sǝn ɓe mǝturonjar mala Ɓakuli aban yale ɓong-ɓong a bumkuli. Ndarǝ yiu nǝ Cau Amsǝban mǝnana masǝlǝate pà kàm raka, ace mǝnana nǝ̀ yia hamnǝi aban aɓwana a ɓanza, aban koya nzali, andǝ tau, andǝ kun, andǝ ɓwapǝndǝa ka.

Sǝna 5:9

Pǝlǝa agiryilǝmu andǝ aɓwana-mǝgule mǝno tu bǝsa nggyal ama: “A karǝna wu ak malǝmce nî, sǝ wu fasǝki amyang-kuni. Acemǝnana we ka à pwanmealo, sǝ nǝ nkilio sǝ a akmúr aɓwapǝndǝa ace Ɓakuli, aɓa koya kun, andǝ koya lasǝu, andǝ aɓwana arǝ anzali ɗàngɗáng.

Sǝna 7:9

Anzǝm mǝnia ka ǝn sǝn nggea rambǝa mala ɓwabunda kǝrkǝr, mǝnana kǝɓwa pà nǝ̀ gandǝ ɓalǝia raka. À pur arǝa koya nzali, andǝ akûn, andǝ aɓwana mala atau ɗàngɗáng, andǝ alasǝu, sǝ à came a ɓadǝm bunomurǝm andǝ ɓadǝm Mǝgam. À oasǝ anggea-daura pwasǝa a rǝia sǝ à bwal ambu nkangga a buia.