Amǝ Mishan 3:15 - Maləmce Məfele mala Ɓakuli: Kurcau Məbəshe

¹⁵ Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 3:15 ပူးပေါင်းရင်းမြစ်များ

Luka 24:48

Wu nda ka amǝnakun mala mǝnia yì agir ka aban aɓwana.

Yohana 1:4

Yì nda tǝr yilǝmu, sǝ mǝnia yì yilǝmu ka yiu nǝ tǎlaban aban ɓwapǝndǝa.

Yohana 10:28

Ən nggǝ pea wia yilǝmu mǝnana málá male pà kàm raka, sǝ à pà nǝ̀ kiɗiki à nǝ̀ ueɓà ɗang. Kǝɓwa pà nǝ̀ fea a buam ɗang.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 17:2

A panì wi rǝcandǝa amur ɓanza kat, ɓǝ̀ pea aɓwana mǝnana a yinǝia abani ɓǝa duk amǝkpate ka, yilǝmu mǝnana málá male pà kàm raka.

Yohana 4:10

Yesu eari wi ama, “Ɓǝ̀ a surǝna rǝ ɓoro mǝnana Ɓakuli ndanǝi aceo, andǝ ɓwa mǝnana zǝmnggiyio mùr nuna ka, ɓǝ a zǝmni wi mùr mǝnana pākiyi yilǝmu ka, sǝ yì ka, nǝ̀ po.”

Yohana 4:14

Sǝ ɓwa mana kat nǝ̀ nu mùr mǝnana mǝ nǝ pe wi ka, pà nǝ̀ ok mǝsamur ɗǝm ɗang. Mùr mǝnana mǝ nǝ pe wi ka, nǝ̀ duk mgbeaɗe mùr a bumi mana nǝ̀ nggǝ pe wi yilǝmu mǝnana te pà nǝ̀ mal raka.”

Yohana 5:26

Kǝla mǝnana Tárram Ɓakuli nda tǝr yilǝmu ka, anggo gbal panam mim Muni ɓǝ̀ ǝn duk tǝr yilǝmu.

Amǝ Mishan 1:22

Ɓǝ̀ twal a pwari mǝnana Yohana pakki Yesu batisǝma nǝi, yi bwal a pwari mǝnana à twali nǝi arǝ sǝm aban o a kuli ka. Ɓǝ̀ yana sǝ à twali ka, nǝ̀ duk mwashat ata sǝm aban hamnǝ cau mala loapi ɓembe mala Yesu.

Amǝ Mishan 2:24

Sǝa ma Ɓakuli panzǝi aɓa bu rǝcandǝa mala lú, pǝlǝa loasǝi a ɓembe, acemǝnana lú kārǝa nǝ̀ bwali a ɓembe ɗang.

Amǝ Mishan 2:32

Ɓakuli loasǝ Yesu a ɓembe, sǝm kat ka, sǝm sǝni nǝ mǝsǝ sǝm anzǝm lo male.

Amǝ Mishan 4:2

Yia ka bumia lul kǝrkǝr, acemǝnana Bitǝrus andǝ Yohana na ban kani aɓwana gir ama, nǝ ban Yesu sǝ aɓwana nǝ̀ kum lo a ɓembe.

Amǝ Mishan 5:31

Nda Ɓakuli loasǝi, dumsǝi a buno mala gulo, a bui mǝli, nda sǝ duk Ɓwamǝgule andǝ Mǝ'amsǝban ngga. Ɓakuli pak mǝnia yì gir ka ace pe amǝ Isǝrayila dǝmbǝu mala pwanzali ɓǝa pǝlǝ nzǝmia arǝ acauɓikea malea, sǝ nǝ̀ twalia wia banì.

1 Amǝ Korinti 15:45

Malǝmce ka bangŋa ama, “Ɓwa mǝdǝmbe yì Adamu ka, yi pǝlǝ ɓwa mǝyilǝmuì.” Sǝ Adamu mǝ'nzǝmoe, yì Kǝrǝsti ka, Bangŋo na, mǝnana kǝ pa yilǝmu ka.

Amǝ Afisu 1:20

mǝnana loasǝna Kǝrǝsti nǝi a ɓembe nǝ yilǝmu, sǝ dumsǝi a buno-gulo, a bu-mǝli mala Ɓakuli a kano a kuli ka.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 2:10

Ɓakuli ka nda mǝnana pusǝ agir kat ka. Sǝ agir kat ka àkǝ̀ ce ɓoarɓwa male sǝ à pa. Yi sǝni ka nda a njari ɓǝ̀ yinǝ amuna male mǝnana à nda pas ka, ɓǝa kum kāmbe aɓa ɓoarɓwa male. Pǝlǝa tsǝk Yesu, yì ɓwamǝgule malea, ɓǝ̀ kum lumsǝo aɓalǝ agir kat kǝla mǝnana Ɓakuli earkiyice ka nǝ njar mala nu tanni, ace mǝnana ɓǝ̀ duk ɓwa mǝnana karǝna nǝ̀ yinǝia aɓa amsǝban malea ka.

Amǝ Ibǝru 5:9

Lang yi kum lumsǝo nǝ bu mǝno yì njar mala tanni ka, yi duk tǝr amsǝban mǝnana málá male pà kàm raka, ace aɓwana mǝnana à kǝ kwaɗi cau male ka.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.

Sǝna 21:6

Ɗǝm ngga nam ama: Ko man kat ka à malǝna pě. Mǝ nda Tite, sǝ mǝ nda Masǝlǝate. Ɓwa mǝnana kat mǝsamur wali ka, mǝ nǝ pe wi mùr ɓǝ̀ nu, aɓa mgbeaɗe mur mala yilǝmu, pà nǝ̀ mbwe kǝgir ɗang.

Sǝna 22:1

Ɗǝm ngga mǝturonjar lǝmndǝam nggeasala mala mùr pa yilǝmu. Mur nî kwar gǝraɗau kǝla kǝrstal. Kǝ ɓun aban bunomurǝm mala Ɓakuli andǝ mala Mǝgam sǝ kǝ ɓangŋa.

Sǝna 22:17

Bangŋo mala Ɓakuli andǝ Manfela, à kǝ na ama, “Yiu!” Ɓwa mǝnana kat ok mǝnia yì cau ka, ɓǝ̀ na ama “Yiu!” Ɓǝ̀ mǝsamur wal kǝɓwa ka, ɓǝ̀ yiu! Ɓwa mǝnana earce ka, ɓǝ̀ yi nu mur yilǝmu ɓà.