Amǝ Mishan 3:14 - Maləmce Məfele mala Ɓakuli: Kurcau Məbəshe

¹⁴ Wu ginǝki Ɓwa Mǝɓoarne, Guro Mǝfele mala Ɓakuli, sǝ wu banggi Bilatus ama, ɓǝ̀ panzǝa wun mǝ walki alú.

Amǝ Mishan 3:14 ပူးပေါင်းရင်းမြစ်များ

Matiu 27:20

Agbani pǝris andǝ aɓwana-mǝgule ka à ɓorikitakun aɓwabunda ama ɓǝa ear ama Barabbas na ɓǝa nyi, sǝ Yesu ka ɓǝa wali.

Markus 1:24

“We Yesu ɓwa Nazarat, mana a earkiyice arǝ sǝm? A yiua kiɗiki sǝm, a nǝ mal sǝm le? Ən surǝo, a nda Ɓwa Mǝfele mala Ɓakuli!”

Markus 15:11

Sǝ agbani pǝris soakita ɓwapǝndǝa ama ɓǝa ne Bilatus ɓǝ̀ panzǝ Barabbas a kun Yesu.

Markus 15:7

Ɓe pursǝna nakam lullǝi ama Barabbas, à kùrrì acemǝnana yì andǝ aɓea amǝ'candǝmuru ka, à wal lú a pwari zunggǝli mala la.

Luka 1:35

Mǝturonjar eari wi ama, “Bangŋo mala Ɓakuli nǝ̀ sulǝ a muro. Rǝcandǝa mala Ɓakuli mana Karban nǝ Gulo kat ka, nǝ̀ yia zuppi a muro, sǝ Muna Mǝfele mǝnana a nǝ ɓǝli ka, à nǝ̀ tunǝi ama, Muna mala Ɓakuli.

Luka 23:25

Panzǝia wia ɓwa mǝnana à earce ka ɓǝ̀ o, yì ɓwa mana à turi a ndàkurban ace loasǝ munǝo andǝ wal-lú ka. Sǝ twal Yesu pea wia ɓǝa pakki wi gir mǝnana bumia kànì ka.

Yohana 16:10

Nǝ̀ lǝmndǝìa wia ɓwarkio malea amur gir mana nda pepè a njari ka, acemǝnana mǝ ndo mǝ nǝ nyare mǝ nǝ o aban Tárram, sǝ pà wu nǝ̀ sǝnam ɗǝm.

Yohana 18:40

Sǝ à nyesǝi wi nǝ loasǝban ama, “Awo, ɓwa mǝnia na à nǝ̀ panzǝa sǝmi ka ɗang! Panzǝa sǝm Barabbas!” (Barabbas ka à bwali acemǝnana yì ka, mǝ'mgbicau na.)

Amǝ Mishan 13:28

Kat andǝ amani ama à kumi nǝ cauɓikea mana à nǝ̀ wali nǝi raka, à gine, à ne Bilatus ama ɓǝa wal-lui.

Amǝ Mishan 2:27

We ka, a pà nǝ nying yilǝmem ɓǝ̀ ueo aɓalǝ alú ɗang, sǝ a pà wu nǝ nying guro mo Mǝfele ɓǝ̀ rǝmbǝo a ɓembe ɗang.

Amǝ Mishan 22:14

Pǝlǝa na ama, “Ɓakuli mala aká sǝm tàrrǒ ace mǝnana wu surǝ kànì male. Tàrno wu sǝn Ɓwa male Mǝɓealɓoarna, yì Mǝ'amsǝban, sǝ wu ok gi aban na cau.

Amǝ Mishan 4:27

Acemǝnana anggo sǝ Hirǝdus andǝ Buntu Bilatus kpapi kunarǝia aɓa mǝnia yì la ka. À kpapi kunarǝia andǝ aɓwana mǝnana à surǝ Ɓakuli raka, andǝ amǝ Isǝrayila kat, nǝ ɓibura arǝ Yesu, yì guro mo Mǝfele, yì ɓwa mana a ci nda Kǝrǝsti Mǝ'amsǝban ngga.

Amǝ Mishan 5:28

ama, “Sǝm nunkir wun nǝ rǝcandǝa ama, wu kǝa na ama, wu nǝ̀ kanigir nǝ lullǝ ɓwa man ɗǝm ɗang. Ado ka wu tsǝngŋǝna kanigir ma'wun akina ban kat aɓa Urǝshalima, nyar ɗǝm ngga, wu kǝ earce tsǝa ɓǝa na ama, sǝm nda sǝm wal Yesu ka!”

Amǝ Mishan 7:52

Kǝ ɓe mǝɓangna mala Ɓakuli nakam mǝnana aká wun pe wi tanni raka le? Amǝ'ɓangna mala Ɓakuli mana a pwaryan à bangce yiu mala Mǝɓealɓoarna ka, aká wun wal-luia. Sǝ ado ka wu kurkuro nǝi, nyare wu wali wú,

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Jemis 5:6

Wu kumsǝna kun amǝ'kunpwasǝa a ɓashi, wu walna luia, yia mǝnana à pànǝ kǝ cau arǝ wun raka.

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

1 Yohana 2:1

Wun amunem mǝ keke, ǝn nggǝ gilǝa wun mǝnia yì cau ka ace mǝnana wu kǝa pak cauɓikea ɗang. Sǝ ɓǝ̀ kǝɓwa pak cauɓikea ka, sǝm ndanǝ mǝ pwan-nzali ace sǝm aban Tár sǝm, Yesu Kǝrǝsti Mǝɓealɓoarna.

Sǝna 3:7

Gilǝî mǝturonjar mala ikǝlisiya mǝnana a Filadefiya ka ama: Mǝnia ka nda cautera mǝnana pur nǝban Yì ɓwa mana nda Mǝfele sǝ nda Mǝ'mǝsǝcau ka, yì ɓwa mana bwal kyî mala Dauda a bui ka. Gir mǝnana mǝnǝni ka, kǝɓwa kārǝa nǝ̀ gìrì ɗang, sǝ gir mǝnana gìrnì ka, kǝɓwa kārǝa nǝ̀ mǝnni ɗang.