Amǝ Mishan 28:8 - Maləmce Məfele mala Ɓakuli: Kurcau Məbəshe

⁸ Sǝm yì ok ama tar Pubǝliyus ka nda a kurǝm aban nongŋo nǝ rǝkwana ɓauwa andǝ bumɓangna. Pǝlǝa Bulǝs kutio a kurǝm abani, pak hiwi, tsǝk bui amuri, kara twali wi ban rǝkwana.

Amǝ Mishan 28:8 ပူးပေါင်းရင်းမြစ်များ

Matiu 10:1

Yesu tunǝ alaggana male lum-nong-ɓari sǝ pea wia rǝcandǝa ɓǝa pusǝ abangŋo mǝɓane sǝ ɓǝa twalban koya kwano andǝ rǝpangŋa.

Matiu 10:8

Wu twalban rǝkwana, wu loasǝ alú, wu sonzǝ amǝdakali, wu pusǝki akukwar. Ɓah sǝ à pa wun. Wu pe aɓwana gbal ɓah.

Matiu 12:13

Pǝlǝa banggi ɓwabure ama, “Sarǝ buo.” Ɓwabure pǝlǝa sarǝ bui, sǝ bui nyare pak pepe kǝla ɓi.

Matiu 9:18

Lang Yesu na ban nea wia amǝnia yì acau ka, ɓe ɓwamǝgule ndakpapi mala amǝ Yahudi yiu yi kūndǝo a ɓadǝmbǝi ne wi ama, “Ɓoarnsarilem wu àkǝ̀ dyadyan. Yiu tsǝk buo a rǝì, sǝ mǝsǝì nǝ̀ sa nǝ̀ pak yilǝmu.”

Markus 16:18

À nǝ̀ kpa an'yau nǝ buia, sǝ ɓǝa nu barya ka, pà nǝ̀ pakkia wia kǝgir ɗang. À nǝ̀ tsǝk buia amur amǝkwano, sǝ amǝkwano ka rǝia nǝ̀ kum rǝcandǝa.

Markus 5:23

ɓuakia rǝì kǝrkǝr ama, “Muna-ɓwama mem ngga rǝì eari wi ɗang, mala nǝ̀ wu. Ən nggǝ zǝmbǝo, yiu yi tsǝk buo a rǝì; twali wi ban rǝkwana male, ɓǝ̀ auwa!”

Markus 6:5

Ace ɗwanyi earnǝban malea a rǝì ka gandǝ pakkia kǝ turo mǝgulke ɗang, kǝ amǝkwano shen à ndaka mǝnana tsǝkbu amuria sǝ twalia wia ban rǝkwana ka.

Markus 7:32

Aɓea aɓwana yinǝi wi nǝ ɓeɓwa mǝnana mǝkir'ara na sǝ mǝtalasǝ-ɓunna na. À zǝmbǝi wi ɓǝ̀ tsǝk bu amur ɓwe ɓǝ̀ sonzǝi.

Luka 13:13

Pǝlǝa tsǝk abui a rǝì, anggo ka, kara sarǝ pǝrapǝra, kǝ ɓwangsǝki Ɓakuli.

Luka 4:40

Lang pwari na rǝ kpa ka, ɓwapǝndǝa yinǝ amǝkwano ɗàngɗáng, pǝlǝa tsǝk bui amur koyan aɓalǝia ka, twalia wia ban rǝkwana kat.

Amǝ Mishan 28:7

Lullǝ ɓwamǝgule amur mǝnia yì luran ngga nda Pubǝliyus. Ndanǝ aɓea aɓaban akano tu nǝ ban mǝnana à bwala sǝm bǝsa kam ngga. Yì ka, ak sǝm nǝ bumpwasǝa, pa sǝm ban nongŋo, sǝm pakki anonggeo tārú a ɓala male.

Amǝ Mishan 28:9

Lang gir nî pangŋǝna anggo ka, kara acilia ɓwana mǝnana aɓa luran nǝ arǝkwana gbal ka, à yiu à yì twalia wia ban arǝkwana malea.

Amǝ Mishan 9:40

Bitǝrus pusǝia a nza kat, pǝlǝa kūndǝo amur ankuni sǝ pak hiwi. Pǝlǝa pǝlǝ rǝì aban lú, sǝ bangŋa ama, “Tabita, lo!” Sǝ Tabita mǝn amǝsǝì, sǝ lang sǝn Bitǝrus ka, par bui lo dum nǝ do.

1 Amǝ Korinti 12:28

Aɓa ikǝlisiya ka Ɓakuli tsǝngŋǝna aɓwana arǝ abancame. A bancame mǝdǝmbe ka amǝ'mishan na. A ɓaria bancame ka, amǝ'ɓangna mala Ɓakuli na. A tāruia bancame ka, amǝkanigir na. Acilia mǝnana à kpatea ka à nda ka amǝ'pakki agir-ndǝlǝki, andǝ amǝnana à pea wia rǝcandǝa mala twalban rǝkwana ka. Aɓea ɓwana ka, gandǝrǝu mala bwali aɓwana na, andǝ amǝnana malea ka yal aɓwana na ka, sǝ aɓea ɓwana ka, amǝ na akún-takuli ɗàngɗáng na.

1 Amǝ Korinti 12:9

Kǝ Bangŋo mǝ'mwashati mǝnia ka, pe ɓeɓwa guli arǝ Ɓakuli, sǝ ɓeɓwa ka, pe wi ɓoro mala twalban rǝkwana.