Amǝ Mishan 28:7 - Maləmce Məfele mala Ɓakuli: Kurcau Məbəshe

⁷ Lullǝ ɓwamǝgule amur mǝnia yì luran ngga nda Pubǝliyus. Ndanǝ aɓea aɓaban akano tu nǝ ban mǝnana à bwala sǝm bǝsa kam ngga. Yì ka, ak sǝm nǝ bumpwasǝa, pa sǝm ban nongŋo, sǝm pakki anonggeo tārú a ɓala male.

Amǝ Mishan 28:7 ပူးပေါင်းရင်းမြစ်များ

Amǝ Mishan 13:7

Yì ka, mǝtamurǝm mala nggwamna, Sajiyos Polus na. Sǝ nggwamna ka, ɓwa na ndanǝ sǝlǝe, pǝlǝa turban arǝ Barnabas andǝ Sawul acemǝnana kǝ earce ok cau mala Ɓakuli.

Amǝ Mishan 18:12

Lang à tsǝngŋǝna Galiyo, ɓwa Roma a Nggwamna mala bu-nzali Akaya ka, aɓea amǝ Yahudi mana à ndanǝ do abanì ka, à kur kunarǝia à bwal Bulǝs, à wari nǝi a ɓadǝm Nggwamna ace ɓashi.

Amǝ Mishan 23:24

Wu pe Bulǝs pǝr mǝnana nǝ̀ eauwe a nzǝmi ka. Wu um nǝi jam a ɓadǝm Nggwamna Felis.”

Amǝ Mishan 28:2

Amǝ'nzali mala mǝno yì luran ka, amǝ earce aɓwana na. À ak sǝm nǝ bumpwasǝa. Acemǝnana mbulo tita nya sǝ ɗwal na kam kǝrkǝr ka, kara à bwal bǝsa sǝ à tunǝ sǝm kat ɓǝ̀ sǝm kya dandǝ rǝ sǝm.

Amǝ Mishan 28:6

Sǝ yia ka, à twali ama Bulǝs nǝ̀ vwali, ko nǝ̀ kpa a nzali, mǝnana nǝ̀ wu ka. Sǝ lang à kúndǝna zuku sǝ à sǝn ɓe kǝgir kumi raka, kara à nggaɗi ɗenyicau malea, à na ama, “Mǝnia yì ɓwa ka yakǝla ɓe ɓakuli mala amǝ Gǝrik na!”

Amǝ Mishan 28:8

Sǝm yì ok ama tar Pubǝliyus ka nda a kurǝm aban nongŋo nǝ rǝkwana ɓauwa andǝ bumɓangna. Pǝlǝa Bulǝs kutio a kurǝm abani, pak hiwi, tsǝk bui amuri, kara twali wi ban rǝkwana.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

Amǝ Ibǝru 13:2

Wu kǝa aulǝ nǝ ak abǝri ɗang. Acemǝnana anggo sǝ aɓea aɓwana mǝnana à kǝ ak abǝri ka, à kumo à ak amǝturonjar a ɓala malea, sǝ à sǝlǝ ɗang.