Amǝ Mishan 28:31 - Maləmce Məfele mala Ɓakuli: Kurcau Məbəshe

³¹ Kǝ hamnǝ cau mala Domurǝm mala Ɓakuli sǝ kǝ kanigir amur Mǝtalabangŋo Yesu Kǝrǝsti. Kǝ na cau nǝ rǝcandǝa kat, ko ɓangciu pà a rǝì ɗang. Kǝ ɓwa tamsǝì ɗang.

Amǝ Mishan 28:31 ပူးပေါင်းရင်းမြစ်များ

Matiu 4:23

Yesu gya aɓa nzali Galili kat kǝ kanigir aɓalǝ andakpapi mala amǝ Yahudi, sǝ kǝ hamnǝ Cau Amsǝban mala Domurǝm mala Ɓakuli amur aɓwana. Twalî aɓwana ban ambalang arǝpangŋa andǝ akwano kat.

Markus 1:14

Anzǝm mana à bwalǝna Yohana à oasǝni a ndàkurban ngga, Yesu o a nzali Galili, kǝ hamnǝ Cau Amsǝban mala Ɓakuli.

Luka 8:1

Tu anzǝm man ngga Yesu gya arǝ ala mǝgulke andǝ amuna-là ɗàngɗáng aban hamnǝ Cau Amsǝban mala Domurǝm mala Ɓakuli. Alaggana male man lum-nong-ɓari ka, à nda ate.

Amǝ Mishan 1:3

Anzǝm tanni andǝ lú mala Yesu ka, yi long nǝ yilǝmu ɗǝm. Aɓalǝ anongŋo lumi-ine, pusǝrǝi kusǝ pas aban alaggana male, arǝ anjar ɗàngɗáng mǝnana lǝmndǝia wia ama kàngkàng longŋǝna ndanǝ yilǝmu ka. À sǝni nǝ mǝsǝia sǝ bangcau nǝia amur Domurǝm mala Ɓakuli.

Amǝ Mishan 20:25

Ən sǝlǝna ama wun mǝnana ǝn camarǝ gya aɓalǝ wun, aban hamnǝ cau mala Domurǝm mala Ɓakuli ka, kǝɓwa pà kàm aɓalǝ wun nǝ sǝnam ɗǝm ɗang.

Amǝ Mishan 23:11

Àkǝ̀ bu du mǝno ka, Mǝtalabangŋo lǝmndǝrǝi aban Bulǝs sǝ na ama, “Ɓǝ̀ ɓangciu ɓǝ̀ kǝa pakko ɗang! Kǝla mǝnana a na cau mem a Urǝshalima ka, dumǝna ama anggo sǝ a wu nǝ ngga nakunam a Roma gbal.”

Amǝ Mishan 28:23

Pǝlǝa à tsǝk pwari mǝnana à nǝ̀ yia dum nǝi andǝa Bulǝs ka. Aɓwana pas yiu a pwari mǝno aban mǝnana Bulǝs duk kam ngga. Twal a dǝmbari yi bwal a pwarikpǝra, Bulǝs bǝlia wia ɓa cau male amur Domurǝm mala Ɓakuli. Bulǝs ɓariki nǝ̀ cia ɓǝa paɓamuria aban Yesu, nǝ̀ nun ɗenyicau malea arǝ acau mǝnana Nggurcau Mala Musa andǝ agir mǝnana amǝ'ɓangna mala Ɓakuli gilǝ ka.

Amǝ Mishan 28:30

Arǝ apǝlǝa ɓari Bulǝs bwal ɓala dukam, abanì sǝ kǝ ak aɓwana mǝnana à kǝ yiu abani a sǝne ka.

Amǝ Mishan 4:29

Sǝ adyan ngga, Mǝtalabangŋo, ok cau ɓunggi ɓabum malea, pa sǝm sǝnǝa guro mo, rǝcandǝa mala bang cau mo nǝ ɓabumcandǝa.

Amǝ Mishan 4:31

Lang à nǝ̀ mal pak hiwi ani ka, kara ban mǝnana à ram nggam ngga dǝurǝkio. Sǝ yia kat ka, à lumsǝ nǝ Bangŋo Mǝfele, sǝ à hamnǝ cau mala Ɓakuli nǝ ɓabumcandǝa.

Amǝ Mishan 5:42

Nda do ama ko aya pwari ka, ko a Ndàmǝgule mala Ɓakuli, ko arǝ aɓala, amǝ'mishan ngga, à lidǝmbǝa nǝ kanigir andǝ hama nǝ Cau Amsǝban ama, Yesu nda Kǝrǝsti, Mǝ'amsǝban.

Amǝ Mishan 8:12

Sǝ lang aɓwana yi ak cau amsǝban mǝnana Filip kǝ hamnǝi amur Domurǝm mala Ɓakuli andǝ lullǝ Yesu Kǝrǝsti ka, à kya pakkia wia batisǝma, aburana andǝ amamǝna.

Amǝ Filipi 1:14

Sǝ ace kuro mǝnana à kùrram a ndàkurban ngga, bangula amǝ'eamrǝarǝu mǝnana akani ka, à kum ɓabumcandǝa sǝ à bang cau mala Ɓakuli nǝ rǝcandǝa, ɓangciu pà kàm ɗang.

2 Timoti 2:9

Sǝ acemǝnana ǝn nggǝ hamnǝ mǝnia yì Cau Amsǝban ngga, mǝ ndya ǝn nggǝ tanni, à kùrram nǝ ansolo kǝla ɓwa mǝnana mǝɓealɓikea na ka. Sǝa ma cau mala Ɓakuli ka, à kùrrì ɗang.

2 Timoti 4:17

Sǝa ma Mǝtalabangŋo na atam sǝ pam rǝcandǝa ace mǝnana ɓǝ̀ ǝn hamnǝ Cau Amsǝban kat ace aɓwana mana amǝ Yahudi na raka ɓǝa oe. Nyar ɗǝm ngga, amsǝam a bu lú, a kuna im mǝnana ɓǝ́ à nǝ̀ turam aɓalǝia ka.