Amǝ Mishan 28:28 - Maləmce Məfele mala Ɓakuli: Kurcau Məbəshe

^28-29 Pǝlǝa Bulǝs masǝlǝ cau ama, “Ado ka, wu sǝlǝ ama, Cau Amsǝban mala Ɓakuli ka, à tasǝni aɓwana mǝnana amǝ Yahudi na raka. Yia ka à nǝ̀ kwaki kiria à nǝ̀ o!”

Amǝ Mishan 28:28 ပူးပေါင်းရင်းမြစ်များ

Luka 3:6

Sǝ ɓwapǝndǝa kat ka nǝ̀ sǝn amsǝban mala Ɓakuli!’ ”

Amǝ Mishan 11:18

Lang à nǝ̀ o ana ka, à pànǝ kun nacau ɗǝm ɗang, kara à tita ɓwangsǝki Ɓakuli. À na ama, “Sǝm sǝnǝni ado, Ɓakuli pani aɓwana mǝnana amǝ Yahudi na raka gbal njargula mala pwanzali a mala pǝlǝ nzǝmia arǝ acauɓikea malea, ɓǝa kum yilǝmu!”

Amǝ Mishan 13:26

Ado ka wun amǝ'eambǝam amǝ Isǝrayila, amǝ kau mala Ibǝrayim, andǝ aɓwana mala acili anzali mǝnana à kǝ ɓanggi Ɓakuli ka, aban sǝm sǝ à turban nǝ mǝnia yì cau amsǝban ngga!

Amǝ Mishan 13:38

Ace mani ka, wun amǝ'eambǝam, wu kwaki kir wun! Wu sǝlǝ ama nǝ bu Yesu sǝ wu nǝ̀ kum twalban cauɓikea ma'wun.

Amǝ Mishan 14:27

Lang à bingŋǝna ka, pǝlǝa à rambǝa amǝkwaɗi abanɓwáná, sǝ à banggia wia agir mǝnana kat Ɓakuli pe nǝ ta buia, andǝ njar mala paɓamuru mǝnana Ɓakuli mǝnmbi aɓwana mana amǝ Yahudi na raka gbal.

Amǝ Mishan 15:14

Shiman Bitǝrus no bǝl ɓa lang sǝ Ɓakuli ɗenyi nǝ aɓwana mana amǝ Yahudi na raka ka, mana lǝmndǝia wia ɓwamuru, twal aɓwana aɓalǝia ɓǝa duk amale ka.

Amǝ Mishan 15:17

ace mǝnana aɓwana arǝ acilia nzali ka, ɓǝa alta Mǝtalabangŋo, yia aɓwana mana amǝ Yahudi na raka, mana ǝn tunǝia ɓǝa duk amem ngga.

Amǝ Mishan 18:6

Amǝ Yahudi ka à ɓinǝna à pa nǝ̀ ak cau mala Bulǝs ɗang. À camarǝ banggi wi acau mǝɓane. Bulǝs pǝlǝa kǝtǝri tu mana arǝ agir-nggurǝu male ka, ace mǝnana ɓǝ̀ lǝmndǝia wia ama yì ka, pusǝkina abui. Sǝ banggia wia ama, “Ɓǝ̀ nkila ma'wun, ueo amur wun. Ɓǝ̀ wu kutio a lu-bǝsa ka, wu nǝ̀ ɓua nǝ ɓamur rǝ wun! Mim ngga ǝn pusǝkina abuam. Twal ado aban ká a dǝmbǝa ka, mǝ nǝ o a hamnǝ cau aban aɓwana mana amǝ Yahudi na raka.”

Amǝ Mishan 2:14

Pǝlǝa Bitǝrus lo cam nǝ came andǝ acilia amǝ'mishan mala Yesu lum-nong-mwashat gbal ate, loasǝ gi a kuli bangcau nǝ ɓwabunda ama: Wun aɓwana ma'sǝm, amǝ Yahudi andǝ aɓwana mǝnana kat à ndanǝ do kani aɓa Urǝshalima ka! Wu kwaki kir wun pale wu o, wun kat, ɓǝ̀ ǝn bǝla wun ɓa mǝnia yì gir ka.

Amǝ Mishan 22:21

Pǝlǝa Mǝtalabangŋo nam ama, “Kyane, acemǝnana mǝ nǝ turo kuko aban aɓwana mǝnana amǝ Yahudi na raka.”

Amǝ Mishan 4:10

Came ɓǝ̀ ǝn bangga wun bwāng, wun, wunǝa amǝ Isǝrayila kat ama, nda aɓa lullǝ Yesu Kǝrǝsti ɓwa Nazarat, yì ɓwa mǝnana wu gballì amur nggun-gangndi, sǝ Ɓakuli loasǝi a ɓembe ka, sǝ mǝnia yì ɓwa ka kum rǝcandǝa.

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

Amǝ Roma 11:11

Ən ɗiban ɗǝm nǝma, nggearǝ annda mǝnana amǝ Isǝrayila annda sǝ à kpa ka, à kpana anggo à pà nǝ̀ lo re? Awo, pa anggo ɗang! Ata cau mala cauɓikea malea ka, amsǝban yina aban aɓwana mala acili anzali mana amǝ Isǝrayila na raka, ace mǝnana yia amǝ Isǝrayila ka ɓǝa dum nǝ mɓali arǝ amǝno yia ɓwana ka.

Amǝ Roma 4:11

Yì kasǝ-ɓatau mǝnana à kasǝi Ibǝrayim ngga nda gir mǝnana lǝmndǝ ama, nǝ́ paɓamuru male aban Ɓakuli ka, Ɓakuli earǝna angŋǝni, ama yì ka, mǝ'cauɓoarna na abani, sǝ à yì kasǝi wi ɓate. Ace mani ka, Ibǝrayim nda tar aɓwana kat mǝnana à pà ɓamuria aban Ɓakuli sǝ Ɓakuli kǝ ea amǝ'cauɓoarna na, kat andǝ amani ama à kasǝia wia ɓatea raka.