Amǝ Mishan 28:17 - Maləmce Məfele mala Ɓakuli: Kurcau Məbəshe

¹⁷ Anzǝm anongŋo tārú ka, Bulǝs tunǝ aɓwana-mǝgule mala amǝ Yahudi mǝnana aban mǝno ka à kpapi. Lang à yì rambǝna ka, pǝlǝa banggia wia ama: Wun amǝ'eambǝam amǝ Isǝrayila, kat andǝ amani ama ǝn pak kǝgir mǝɓane aban aɓwana mem ko arǝ acau mala do kpata kuncau mala aká sǝm raka, à bwalam à kùrram a Urǝshalima. Sǝ à yiu nǝ mim à yì pe amǝ Roma.

Amǝ Mishan 28:17 ပူးပေါင်းရင်းမြစ်များ

Amǝ Mishan 13:50

Pǝlǝa aɓwana-mǝgule mala amǝ Yahudi soakita aɓwana-mǝgule mala nggeala, andǝ aɓea amamǝna amǝgulo mala aɓwana mǝnana amǝ Yahudi na raka, mana à kǝ peri aban Ɓakuli ka. A tita pe Bulǝs andǝ Barnabas tanni, pǝlǝa à pǝria à puri ɓa nzali malea.

Amǝ Mishan 22:5

Nggearǝ Pǝris mǝgule andǝ aɓwana male ka à nǝ̀ earnǝ mim ama mǝ ndaban na mǝsǝcau. Acemǝnana a buia sǝ ǝn nggǝ ak acautera aban ká aban aɓwana-mǝgule amǝla-sǝm amǝ Yahudi mǝnana a Damaska ka. Tǝr wario mem ngga nda mǝnana ama, ɓǝn bwalki amǝ kpata Yesu, ɓǝn kurkia nǝ ansolo, ɓǝn yiu nǝia a Urǝshalima ace mǝnana ɓǝa yi pea wia tanni ka.

Amǝ Mishan 23:33

Lang amǝpǝ̀r yi bwalǝna Kaisariya ka, à pe Nggwamna cautera sǝ à nyinggi wi Bulǝs a bui.

Amǝ Mishan 25:10

Bulǝs na ama, “Awo! Mim ngga mǝ ndya ǝn cam aɓa ndaɓashi mala Murǝm mǝgule mala amǝ Roma, ban mǝnana ɓoaro ɓǝa pakkam ɓashi kam ngga. We nǝ ɓamuro, a sǝlǝna pepe ama ǝn pak mi amǝ Yahudi ɓe kǝgir mǝɓane ɗang.

Amǝ Mishan 25:2

Akano ka agbani pǝris andǝ aɓea aɓwana-mǝgule mala amǝ Yahudi wario abani nǝ acauɓashi mǝnana à ndanǝi arǝ Bulǝs ka.

Amǝ Mishan 25:8

Pǝlǝa Bulǝs bǝl kuni na ama: “Mim ngga ǝn pak ma kǝgir mǝɓane arǝ Nggurcau mala amǝ Yahudi, ko arǝ Ndàmǝgule mala Ɓakuli, ko arǝ Nggwamnati mala Roma ka ɗang.”

Amǝ Mishan 6:14

Sǝm oe bangŋa ama, mǝnia yì Yesu, Ɓwa Nazarat ka, nǝ̀ arki Ndàmǝgule mala Ɓakuli, sǝ nǝ̀ nggaɗi akuncau mǝnana Musa nyingga sǝm mia ka!”