Amǝ Mishan 27:41 - Maləmce Məfele mala Ɓakuli: Kurcau Məbəshe

⁴¹ Kara waru yi eauwe amur sala a tamur, cam kingging; múr waru gorǝo ɓinǝ puro, sǝ eaki-nkono mala nggeamur mǝnana gung mǝcande kǝ loasǝki ka, camarǝ walki tǝta waru, arki mesǝki mwashat-mwashat.

Amǝ Mishan 27:41 ပူးပေါင်းရင်းမြစ်များ

Amǝ Mishan 27:17

Amǝ samsǝ waru eamsǝna muna-waru aɓa nggea-waru ka, pǝlǝa à marǝki nggea-waru nǝ anggur-waya sǝ à kurki ace mǝnana ɓǝ̀ kumo ɓǝ̀ bwali kam pepe. Ɓangciu pakkia wia ama, à ndo à nǝ̀ ngga gorǝ a tukio mala Sǝrtis. Nda à sulǝ shel mǝgule mala aɓi ace amsǝ mire mala waru, sǝ à ɗeki ɓǝ̀ keale ata gung.

Amǝ Mishan 27:30

Pǝlǝa amǝ samsǝ waru ɓariki ama à nǝ̀ ɓangŋa, à nǝ̀ nying waru, à nǝ̀ o. À sulǝ muna-waru a mùr, à pǎ kǝla à ndaban sulǝ aɓea atali tamsǝ nggea-waru a mùr.

Amǝ Mishan 27:40

Pǝlǝa à kasǝkia ansolo mala atali mǝnana à tamsǝna waru nǝia ka, à nyia, à ko a tamur. Ata rǝia andǝ mǝno ka, à panzǝki anggur mǝnana à kùrkina apelapele nǝia ka. Pǝlǝa à loasǝ shel mǝnana à dǝm waru ka, ace mǝnana ɓǝ̀ gung twal waru aban ká, a kun nza ka.

Amǝ Mishan 27:42

Kane mala asoje ka nda mǝnana ama, à nǝ̀ wal-lú apursǝna kat mǝnana aɓa waru ka, ace mǝnana ɓǝ̀ kǝɓwa aɓalǝia ɓǝ̀ kǝa kpa a mùr, ɓǝ̀ oakio, ɓǝ̀ eau a nza, ɓǝ̀ ɓwaro a rǝia ka ɗang.

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.