Amǝ Mishan 27:13 - Maləmce Məfele mala Ɓakuli: Kurcau Məbəshe

¹³ Lang gung mǝ ɓukɓuki tita ɓua bǝti-bǝti nǝ njartamur ka, aburana man kǝ sǝni kǝla, à nǝ̀ gandǝ lidǝmbǝa aban o a waru. Pǝlǝa à eamsǝ tali mǝnana tamsǝ waru ka aɓa waru, à loasǝ shel aban o, à kǝ samsǝ tu nǝ kun gwanyi mala luran Kǝreti.

Amǝ Mishan 27:13 ပူးပေါင်းရင်းမြစ်များ

Luka 12:55

Sǝ ɓǝ̀ gung njarkunmur ɓua ka, wu na ama “Ban no nǝ̀ pi yalung,” sǝ ban nǝ̀ pi gbal.

Amǝ Mishan 2:11

andǝ Kǝreti, andǝ Arabiya. Aɓea aɓwana ata sǝm ngga amǝ Yahudi na, sǝ acili sǝm ngga aɓwana na mǝnana à pǝlǝ amǝkpata peri mala amǝ Yahudi ka. Sǝm kat ka, sǝm ok aɓwana man aban na cau nǝ a kun la sǝm amur agir-ndǝlǝki mǝnana Ɓakuli pea ka!

Amǝ Mishan 27:12

Abanì mǝno waru kpashi kam ngga, gung ɓa-nggeamur mǝcande kǝ ɓua kam tutu nǝ kunɗwal. Banì pànǝ ɓoaro à nǝ̀ duk kam nǝ kunɗwal ɗàng. Ace mani ka, bangula aɓwana kat mǝnana aɓa waru ka, à na ama, kǝpǝna ɓǝ̀ sǝm lidǝmbǝa nǝ o aɓa nggeamur. À tsǝkɓalǝia ama ɓǝ̀ nǝ̀ gandǝ pa ka, ɓǝa ɓariki ɓǝa kya bwal Fonis, ban mǝnana à nǝ̀ ngga usǝlǝo à nǝ̀ mal kunɗwal kam ngga. Fonis ka ban kpasha mala awaru na a luran Kǝreti, banì kǝ sǝn rǝarǝia andǝ ɓa nggeamur arǝ anjari ɓari; nǝ njartamur a bui mala njarnzali andǝ njarnza a bui mala takuli, sǝa ma gbarî ban mǝnana gung mǝcande kǝ yiu nǝi ka.

Amǝ Mishan 27:21

Twal anonggeo pas kǝɓwa ata sǝm a waru li girlina ɗang. Nda Bulǝs lo came a ɓadǝm sǝm, na ama: Ɓǝ̀ wu ongŋǝna cau mǝnana ǝn bangga wun ngga, ɓǝ́ wu nying ma luran Kǝreti aban yiu ɗang. Lǝmndǝ ama ɓǝ́ sǝm auwuni mǝnia yì kiɗikea mala waru andǝ ɗwanyi agir ka.

Amǝ Mishan 27:8

Sǝm ging nǝ waru arǝ gwanyi, nǝ tanni mǝgule sǝ sǝm yì bwal ban mǝnana à kǝ tunǝi ama, Ban Auwa-mùr, mǝnana nda tu nǝ ɓe la à tunǝki ama Lasi ka.

Titus 1:12

Nggearǝ ɓe mǝɓangna aɓalǝia ka bangŋa ama, “Amǝ Kǝreti ka amǝnyir na ko a ya pwari, aɓwana na nǝ ɓealǝu mala anyamɓikea, amǝligula amǝnkundǝr ni.”

Titus 1:5

Gir mǝnana tsǝa sǝ ǝn nyio a luran Kǝreti ka, nda mǝnana ama wu masǝlǝata pakki aturo mǝnana ɓoaro ɓǝa pea ka, sǝ wu twal aɓwana aɓa koya la, wu cia ɓǝa duk aɓwana-mǝgule mala turo mala Ɓakuli. Kǝla mǝnana ǝn banggo ka,