Amǝ Mishan 27:1 - Maləmce Məfele mala Ɓakuli: Kurcau Məbəshe

¹ Cau yi dumǝna ama sǝm nǝ̀ kutio a waru-mur sǝm nǝ̀ ká a Italiya. Pǝlǝa à pa Bulǝs andǝ aɓea aɓwana mǝnana à kùria ka a bu Juliyos, ɓe soje mǝgulo amur ɓe nggǝsanyi mala asoje Roma, à tunǝia ama, “Nggǝsanyi asoje mala Mǝtala Nzali.”

Amǝ Mishan 27:1 ပူးပေါင်းရင်းမြစ်များ

Matiu 27:54

Lang ɓwamǝgule mala asoje andǝ asoje mǝno à tamsǝia yal Yesu sǝn dǝurǝo mala nzali andǝ agir mana à pak kat ka, ɓangciu pakkia wia, sǝ à na ama, “Ɓafo, ɓwa man ngga Muna mala Ɓakuli na.”

Luka 23:47

Ɓwamǝgule soje sǝn gir mǝnana kum ban ngga, ɓwangsǝ Ɓakuli, na ama, “Ɓafo na, mǝnia yì Ɓwa ka Mǝɓealɓoarna na.”

Luka 7:2

Aɓa mǝnia yì la ka guro mala ɓe ɓwamǝgule soje mala amǝ Roma, mǝnana earkiyi ace raka, nong kwano yi bwal kun-lú.

Amǝ Mishan 10:1

A Kaisariya ka ɓeɓwa nakam lullǝi ama Karnilus. Yì ka, ɓwamǝgule soje na, amur asoje mala amǝ Roma mana à tunǝkia ama, “Asoje Italiya” a ɓinalea ka.

Amǝ Mishan 10:22

À eare ama, “Ɓwamǝgule soje, yì Karnilus nǝ̀ tur sǝm. Ɓwa mǝɓafoe na, kǝ ɓanggi Ɓakuli. Aɓwana aɓa nzali mala amǝ Yahudi kat kǝ na mǝɓoarne amuri. Mǝturonjar mala Ɓakuli ne wi ama ɓǝ̀ no wu yiu a ɓala male, ace mǝnana ɓǝ̀ kya ok cau mǝnana a nǝ bang ngga.”

Amǝ Mishan 16:10

Pǝlǝa sǝm lo aban ká a Masǝdoniya, acemǝnana sǝm sǝlǝna ama Ɓakuli na aban tunǝ sǝm ɓǝ̀ sǝm hamnǝ Cau Amsǝban aban aɓwana mana a bu-nzali Masǝdoniya ka.

Amǝ Mishan 18:2

Abanì sǝ kya kum ɓeɓwa Yahudi à kǝ tunǝi ama Akila, mǝnana à ɓǝli a bu-nzali Pwantus ka. Yì andǝ mami Pǝrisǝla ka, à pur a nggeala Roma, a nzali Italiya sǝ à yiu a dyan tu, acemǝnana Kǝlaudiyus, yì murǝm mǝgule mala amǝ Roma, pǝr amǝ Yahudi kat ɓǝa nying Roma. Bulǝs wario a sǝn a Akila andǝ Pǝrisǝla.

Amǝ Mishan 19:21

Anzǝm amǝno yì agir ka, Bulǝs kum ɗenyicau a ɓabumi ama ɓǝ̀ kar aɓalǝ abu-nzali Masǝdoniya andǝ Akaya sǝ ɓǝ̀ kutio ɓǝ̀ kyane a Urǝshalima. Na ama, “Anzǝm mana ɓǝ̀ ǝn warina a Urǝshalima ka, dumǝnam púp mǝ nǝ kutio, mǝ ká gbal a Roma.”

Amǝ Mishan 21:32

Kara mǝsarǝban mala asoje lo tu, pwan asoje andǝ aɓea aɓwana-mǝgule malea, à ɓangŋa à yiu aban ɓwabunda. Lang aɓwana mǝnia sǝn mǝsarǝban mala asoje andǝ asoje mǝnana ate ka, kara à came, à nying buia arǝ walki Bulǝs.

Amǝ Mishan 22:26

Lang soje mǝgulo man ok man yì cau ka, kara o aban mǝsarǝban mala asoje, kya ɗi ama, “Mana a kǝ earce ama a wu nǝ pa? Ɓwa mǝno ka, ɓwa nzali Roma na!”

Amǝ Mishan 23:11

Àkǝ̀ bu du mǝno ka, Mǝtalabangŋo lǝmndǝrǝi aban Bulǝs sǝ na ama, “Ɓǝ̀ ɓangciu ɓǝ̀ kǝa pakko ɗang! Kǝla mǝnana a na cau mem a Urǝshalima ka, dumǝna ama anggo sǝ a wu nǝ ngga nakunam a Roma gbal.”

Amǝ Mishan 23:17

Bulǝs pǝlǝa tunǝ ɓe soje mǝgulo ne wi ama, “Kyan nǝ lagga man aban mǝsarǝban mala asoje, ndanǝ ɓe cau mǝnana nǝ̀ ne wi ka.”

Amǝ Mishan 24:23

Pǝlǝa Nggwamna tsǝa ɓe soje mǝgulo ɓǝ̀ yal Bulǝs, ɓǝ̀ panzǝ nsolo mǝnana à kùrrì nǝi ka, ɓǝ̀ nyi atarǝì, sǝ ɓǝ̀ kǝa na ama nǝ̀ ɓinǝì agyajam mala Bulǝs yiu abani ɓǝa kǝ ɗenyi nǝi ɗang.

Amǝ Mishan 25:12

Anzǝm mǝnana Festus ongŋǝna kun amǝkurcau male ka, nda sǝ pa eare ama, “A zǝmna ama ɓǝa kyan nǝ we aban Kaisar, anggo aban Kaisar sǝ a wu nǝ ká.”

Amǝ Mishan 25:25

Sǝ mim ngga ǝn kumi nǝ kǝ cau mǝɓane mǝnana à nǝ̀ ɓashi wi, ɓashi lú nǝi ka ɗang. Sǝ acemǝnana yì, nǝ́ ɓamuri alta o a dǝmbǝa nǝ cau aban Kaisar, yì murǝm mǝgule ka, ǝn náná, nǝma mǝ nǝ tasǝ te.

Amǝ Mishan 27:11

Sǝ ɓwamǝgule soje ka, kǝ cau mǝnana mǝtala waru andǝ mǝkwak waru na ka, kǝ nda kpate ka, ɓinǝ cau mala Bulǝs.

Amǝ Mishan 27:43

Sǝ ɓwamǝgule soje ka, kǝ earce nǝ̀ amsǝ Bulǝs, ace mǝnana ɓǝa kǝa wal-lui raka, pǝlǝa tamsǝ asoje ama ɓǝa kǝa pa anggo ɗang. Nda sǝ tsǝa ama, ko yana mǝnana sǝlǝmur ka ɓǝ̀ ta ɓǝ̀ zurro a nggeamur, ɓǝ̀ oakio ɓǝ̀ eauwe a nza.

Amǝ Mishan 27:6

Abanì sǝ ɓwamǝgule soje kum waru mǝnana pur a Alizandǝriya nǝ̀ ká Italiya ka, pǝlǝa tsǝk sǝm a ɓālǝi.

Amǝ Mishan 28:1

Lang sǝm eauna jam a nza ka, sǝm yì sǝlǝ ama banì ka luran mǝnana à tunǝki ama Malta ka nda.

Amǝ Mishan 28:16

Lang sǝm bwalǝna Roma ka, à nying Bulǝs ɓǝ̀ do aɓa ɓamuri a ɓe ɓala. À tsǝki wi ɓe soje mwashat ɓǝ̀ kǝ yallí.

Amǝ Ibǝru 13:24

Wu makki aɓwana-mǝgule ma'wun kun, andǝ acili aɓwana mala Ɓakuli kat. Amǝkwaɗi mǝnana amǝ Italiya na ka à kǝ makka wun kun.