Amǝ Mishan 26:3 - Maləmce Məfele mala Ɓakuli: Kurcau Məbəshe

³ Nggeamurǝmi ata agir mǝnana ɓoar nǝi ka, nda mǝnana ama we ka, a surǝna rǝ cau mala akuncau andǝ akunɓuana mala amǝ Yahudi. Ace mani ka ǝn nggǝ zǝmbǝo, kwaki kiro oem, nǝ munyi.

Amǝ Mishan 26:3 ပူးပေါင်းရင်းမြစ်များ

Amǝ Mishan 21:21

Aɓea ɓwana yiu à yì banggi amǝ Yahudi amǝkwaɗi mǝnana akani a Urǝshalima ka cau amuro. À bang ama, we ka a kǝ kania amǝ Yahudi kat mǝnana a do a nzali mala aɓwana mǝnana amǝ Yahudi na raka, ɓǝa ɗeki kpata Nggurcau mala Musa. À na ama, weama ɓǝa kǝa kasǝ ɓata amunia ɗang, sǝ ɓǝa kǝa kpata kuncau mala amǝ Yahudi ɗang.

Amǝ Mishan 24:10

Nggwamna pǝlǝa lǝmndǝì Bulǝs bu ɓǝ̀ na cau. Bulǝs pǝlǝa pǝlǝ cau ama: We ɓwamǝgule, ǝn sǝlǝna nǝma arǝ apǝlǝa pas a ndaban pak ɓashi a nzali man, ace mani ka mǝ ndanǝ banɓoarnado ɓǝ̀ ǝn bǝl kunam a ɓadǝmbǝo.

Amǝ Mishan 24:4

Sǝa ma ǝn earce nǝma mǝ nǝ po aulǝa ɗang, ace mani ka, ǝn nggǝ zǝmbǝo, twal gandǝa nǝ sǝm, ok cau mǝnana sǝm nǝ̀ na bǝti ka.

Amǝ Mishan 25:26

Sǝ mim ngga, ǝn panǝ ɓe kǝgir mǝnana mǝ nǝ gilǝ amuri aban ká aban Kaisar ka ɗang. Nda gir mǝnana tsǝa sǝ ǝn yiu nǝi a ɓadǝm wun, a nggearǝ ɓadǝmbǝo, we Murǝm Agǝripa ka! Anzǝm mǝnana sǝm ongŋǝna, à bǝlkina ɓa cau male ka, mǝ nǝ gandǝ kum gir mǝnana mǝ nǝ gilǝa amuri ka.

Amǝ Mishan 26:2

Murǝm Agǝripa, mǝ ndanǝ dǝmcauwa kǝrkǝr mǝnana ama nda a ɓadǝmbǝo sǝ ǝn came mǝ nǝ nakunam yalung, amur agir mǝnana amǝ Yahudi tsǝkam a rǝam ama ǝn pea ka.

Amǝ Mishan 26:26

Murǝm Agǝripa! Mǝ nǝ gandǝ no cau ɓangciu pa a rǝam ɗang, acemǝnana we ka a surǝna cau mala amǝnia yì agir ka. Mǝ ndanǝ sǝlǝe kàngkàng ama kǝ mwashat pà kàm aɓalǝ agir mǝnia ka, mǝnana api sǝlǝ mo kà, acemǝnana à pea a kanggari ban ɗang.

Amǝ Mishan 26:7

Mǝnia ka nda kǝ gir mǝnana atau ma'sǝm lum-nong-ɓari mala amǝ Isǝrayila tsǝk ɓalǝia aban kúndǝo à nǝ̀ sǝn lumsǝo male ka. Nda tsǝa sǝ à kǝ peri a ɓadǝm Ɓakuli du andǝ pwari nǝ rǝɓǝla ka. Ɓǝ̀ rǝo pwalo Murǝm, kat andǝ mǝno ka, à tsǝkam acau a rǝam, à yinǝ mim aban ɓashi ace bwal mǝnia yì tsǝkɓalǝu ka!

Amǝ Mishan 28:17

Anzǝm anongŋo tārú ka, Bulǝs tunǝ aɓwana-mǝgule mala amǝ Yahudi mǝnana aban mǝno ka à kpapi. Lang à yì rambǝna ka, pǝlǝa banggia wia ama: Wun amǝ'eambǝam amǝ Isǝrayila, kat andǝ amani ama ǝn pak kǝgir mǝɓane aban aɓwana mem ko arǝ acau mala do kpata kuncau mala aká sǝm raka, à bwalam à kùrram a Urǝshalima. Sǝ à yiu nǝ mim à yì pe amǝ Roma.

Amǝ Mishan 6:14

Sǝm oe bangŋa ama, mǝnia yì Yesu, Ɓwa Nazarat ka, nǝ̀ arki Ndàmǝgule mala Ɓakuli, sǝ nǝ̀ nggaɗi akuncau mǝnana Musa nyingga sǝm mia ka!”

1 Amǝ Korinti 13:2

Ɓǝa bangŋa ama, mǝ ndanǝ ɓoro mala na ɓabum Ɓakuli, ko ǝn bwalta acau ɓa-sǝmbǝrǝa kat, sǝ ǝn surǝ koya gir ka, ko mǝ ndanǝ guli arǝ Ɓakuli, ulang mana nǝ̀ gandǝ gǝshi ankono, sǝ ǝn panǝ earcearǝu raka, mǝ nda kǝgir ɗang.