Amǝ Mishan 26:24 - Maləmce Məfele mala Ɓakuli: Kurcau Məbəshe

²⁴ Lang Bulǝs na ban bǝl kuni anggo ka, kara Festus sàrǝi ama, “Bulǝs, we ka muro pǝlǝna! Ɓalgir mo mǝkǝrkǝr nì tsǝngŋǝno ɓamuro pǝlǝna!”

Amǝ Mishan 26:24 ပူးပေါင်းရင်းမြစ်များ

Markus 3:21

Lang amǝ ɓala male nǝ̀ ok ce ka, à puro à wario ama à nǝ̀ ngga bwali, à nǝ̀ um nǝi, acemǝnana a ne malea ka, “Muri pǝlǝna.”

Yohana 7:15

Sǝ aɓwana-mǝgule mala amǝ Yahudi ka à ndali kǝrkǝr, à na ama, “Lang sǝ ɓwa man surǝ gir ani kǝrkǝr, yi mǝnana kǝɓwa kani wi raka?”

Yohana 8:48

Sǝ aɓwana-mǝgule mala amǝ Yahudi ɗi Yesu ama, “Cau mǝnana sǝm na ama a nda ɓwa Samariya sǝ kukwar na a rǝo ka mǝsǝcau na re?”

Yohana 8:52

Pǝlǝa aɓwana-mǝgule mala amǝ Yahudi ne wi ama, “Ado sǝ sǝm sǝlǝa aɓa mǝsǝcau ama, a ndanǝ kukwar a rǝo! Nggearǝ Ibǝrayim ngga wǔ, sǝ amǝ'ɓangna mala Ɓakuli wú, pǝlǝa a nǝ yia na sǝm ama, ‘Ɓǝ̀ ɓwa kpata cau mem ka pà nǝ̀ wu ɗang.’

Amǝ Mishan 17:32

Lang à ok Bulǝs na cau mala loapi ɓembe nǝ yilǝmu ka, aɓea aɓwana aɓalǝia nyesǝ cau mǝnana Bulǝs bang ngga cau oalban na. Acilia ka à na ama, “Sǝm nggǝ earce ama she a ɓe kǝ pwari sǝ wu yi bangga sǝm cau ɗǝm amur mǝnia yì gir ka.”

Amǝ Mishan 22:1

Bulǝs na ama, “Wun amǝ'eambǝam amǝ Yahudi andǝ aɓwana-mǝgule ma'sǝm, wu kwaki kir wun wu ok cau mem!”

Amǝ Mishan 24:25

Sǝ lang Bulǝs kutia na cau amur ɓealɓoarna, andǝ bwalɓamuru, andǝ ɓashi mala Ɓakuli mǝnana nǝ̀ yiu ka, Felis ka nggea ɓangciu pakki wi, nda na ama, “Karǝna anggo, a nǝ gandǝ o ado. Mǝ nǝ nyare mǝ nǝ tunǝo ɗǝm ɓǝ̀ ǝn kumǝna dǝmbǝu ka.”

Amǝ Mishan 24:27

Anzǝm mǝnana apǝlǝa ɓari kutina ka, ɓe bǝsa Nggwamna Posiyos Festus yi aki Felis turo do Nggwamna. Sǝ acemǝnana Felis earce pwasǝbum amǝ Yahudi ka, nying Bulǝs a ndàkurban.

Amǝ Mishan 26:11

Kusǝ pas ǝn tsǝa à pea wia tanni arǝ andakpapi, ǝn nggǝ cia ɓǝa makgir kpata Yesu. Acemǝnana ǝn ɓinǝ mǝsǝia kǝrkǝr ka, ǝn zuppi atea arǝ aɓea anggea-là ace ká pea wia tanni.

1 Amǝ Korinti 1:23

Sǝ ma'sǝm ngga, sǝm nggǝ hamnǝ bǝsa Cau Amsǝban mala Kǝrǝsti mǝnana à gballì a nggun-gangndi ka. Mǝnia yì bǝsa cau ka tali annda na aban amǝ Yahudi, sǝ cau mǝɓangge na aban aɓwana mala acili anzali.

1 Amǝ Korinti 4:10

Ace cau mala Kǝrǝsti ka, sǝm dumǝna amǝ'ɓanggia, sǝ wun ngga wu twali ɓamur rǝ wun ado ama wu ndanǝ sǝlǝe, acemǝnana wu ndaka mala Kǝrǝsti ka! Sǝm ngga, sǝm pànǝ rǝcandǝa ɗang, sǝ wun ngga wu ndanǝ rǝcandǝa! Sǝm ngga à nyesǝ sǝm ɓà, sǝ wun ngga à kǝ pa wun gulo!

2 Amǝ Korinti 5:13

Ɓǝ̀ lǝmndǝa kǝla dǝm sǝm kwar raka, nda àkǝ̀ ce gulo mala Ɓakuli. Sǝ ɓǝ̀ sǝm kwar nǝ kwaro ka, nda àkǝ̀ ce ɓoaro ma'wun.

2 Timoti 3:15

Sǝ ɓǝ̀ ɓalǝo kasǝ ama, lo mo a muntulo ka, a surǝ a Malǝmce mǝfele mana à gandǝ po sǝlǝe ace kum auwa nǝ paɓamuru aban Kǝrǝsti Yesu ka.