Amǝ Mishan 26:20 - Maləmce Məfele mala Ɓakuli: Kurcau Məbəshe

²⁰ A tite ka, ǝn hamnǝ cau a Damaska andǝ Urǝshalima andǝ anzali mala amǝ Yahudi kat. Sǝ ǝn hamnǝi gbal aɓalǝ aɓwana mǝnana amǝ Isǝrayila na raka. Ən nea wia nǝma ɓǝa pǝlǝ nzǝmia arǝ cauɓikea ɓǝa pwanzali, ɓǝa nyare aban Ɓakuli, ɓǝa kǝ pak agir mǝnana nǝ̀ lǝmndǝ ama yia ka à nyingŋǝna acauɓikea malea ka.

Amǝ Mishan 26:20 ပူးပေါင်းရင်းမြစ်များ

Matiu 3:2

kǝ na ama, “Wu pwanzali wu pǝlǝ nzǝm wun arǝ acauɓikea ma'wun, ace mǝnana Domurǝm mala kuli gbashina.”

Matiu 3:8

Wu pak agir mǝnana à nǝ̀ lǝmndǝ ama wu pwana'nzali, wu ɗekina acauɓikea ma'wun ngga.

Matiu 4:17

Lo a baku mǝno ka Yesu tita hamnǝ cau, kǝ na ama, “Wu pwanzali, wu pǝlǝ nzǝm wun arǝ acauɓikea ma'wun, acemǝnana Domurǝm mala kuli gbashina.”

Matiu 9:13

Wu kyane wu kya bǝl ɓa mǝnia yì nggurcau mana ama: ‘Sǝn mǝsǝswatǝr na ǝn earkiyice ka, ɗarǝa na ɗang.’ Ən yiu ace tunǝ amǝ'cauɓoarna ɗang, nda ace amǝ'cauɓikea.”

Markus 6:12

Pǝlǝa alaggane puro, à kǝ hambi aɓwana ama ɓǝa pwanzali ɓǝa ɗeki buia arǝ acauɓikea malea.

Luka 1:16

Nǝ̀ tsǝk amǝ Isǝrayila pas à nǝ̀ nyare aban Mǝtalabangŋo Ɓakuli malea.

Luka 13:3

Awo! Ən nggǝ na wun, ɓǝ̀ wu nying pakki acauɓikea, wu nyare aban Ɓakuli raka, wu nǝ̀ wú kat gbal.

Luka 13:5

Awo! Ən nggǝ na wun, ɓǝ̀ wu nying pakki acauɓikea wu nyare aban Ɓakuli raka, wu nǝ̀ wú kat gbal.

Luka 15:10

Ən nggǝ na wun ama anggo gbal, bumpwasǝa nakam aban amǝturonjar mala Ɓakuli ace mǝ'cauɓikea mwashat mǝnana ginǝki acauɓikea male, nyare aban Ɓakuli ka.

Luka 15:7

Ən nggǝ na wun ama, anggo gbal a kuli ka bumpwasǝa na kam kǝrkǝr ace mǝ'cauɓikea mwashat mǝnana nying acauɓikea male nyare aban Ɓakuli ka. Mǝno yì bumpwasǝa ka kuti mana ndakam amur amǝ'cauɓoarna mǝnana lumi-tongno-nong-ine nǝ mǝsǝi tongno-nong-ine mana à ɓwarki tanjar raka.

Amǝ Mishan 11:18

Lang à nǝ̀ o ana ka, à pànǝ kun nacau ɗǝm ɗang, kara à tita ɓwangsǝki Ɓakuli. À na ama, “Sǝm sǝnǝni ado, Ɓakuli pani aɓwana mǝnana amǝ Yahudi na raka gbal njargula mala pwanzali a mala pǝlǝ nzǝmia arǝ acauɓikea malea, ɓǝa kum yilǝmu!”

Amǝ Mishan 15:19

Jemis lidǝmbǝa nǝ cau, na ama: A sǝne mem ngga, ɓǝ̀ sǝm ngga pea aɓwana mana amǝ Yahudi na raka, mana à kǝ pǝlǝ aban Ɓakuli ka, tanni ɗang.

Amǝ Mishan 17:30

Adó-ɗwanyi surǝ Ɓakuli mana ɗiɗyal ka, Ɓakuli tsǝk kir cea ɗang, sǝ a dyan ngga, kǝ bangŋa ama tsǝngŋǝna nzongcau, ɓǝa ɓwana kat a koya aban, ɓǝa nying acauɓikea malea, ɓǝa pwanzali abani.

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Amǝ Mishan 20:21

Ən banggi amǝ Yahudi andǝ aɓwana mana amǝ Yahudi na raka, nǝ nunkiru nǝma, dumǝna púp ɓǝa nyare aban Ɓakuli. Ɓǝa pǝlǝ nzǝmia arǝ acauɓikea malea, ɓǝa pwanzali, sǝ ɓǝa paɓamuri aban Mǝtalabangŋo Yesu.

Amǝ Mishan 26:17

Mǝ nǝ amsǝo a bu amǝ Isǝrayila andǝ aɓwana mala acili anzali mǝnana ǝn nggǝ turo abania,

Amǝ Mishan 26:19

Anggo, We Murǝm Agǝripa, ǝn kpata mǝnia yì sǝne aɓa Bangŋo ǝn sǝni nǝ kuli ka.

Amǝ Mishan 3:19

Wu pwanzali ado, wu pǝlǝ nzǝm wun arǝ acauɓikea ma'wun. Wu nyare aban Ɓakuli, ace mǝnana ɓǝ̀ twala wun ban acauɓikea ma'wun.

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

Amǝ Mishan 9:35

Aɓwana mǝnana kat a Lida andǝa mǝnana a Sharon ngga, à sǝn Eniyas pǝlǝa à paɓamuria aban Mǝtalabangŋo Yesu.

Amǝ Roma 2:4

We ka, a sǝn nggea ɓwamuru, andǝ twal gandǝa, andǝ munyi mala Ɓakuli mǝnana ndanǝi a rǝo raka re? Mǝnia ka kǝgir na abano re? A sǝlǝ ado ama ɓwamuru male ka nda ace mǝnana nǝ̀ nyesǝo wu pwanzali abani, wu nying buo arǝ cauɓikea ka re?

2 Amǝ Korinti 3:16

Sǝ ɓǝ̀ nda a ya pwari sǝ ɓwa pǝlǝ rǝì aban Mǝtalabangŋo ka, mǝno yì lagir ka à pusǝni!

2 Amǝ Korinti 7:10

Ulang bumkiɗikea mǝnana Ɓakuli earkiyice ɓǝ̀ sǝm kutio a ɓalǝi ka, nda mǝnana kǝ tsǝk sǝm, ɓǝ̀ sǝm nying cauɓikea, aban ká kum amsǝban. Ɓǝnsǝlǝma pa kàm aɓa ulang mǝno yì bumkiɗikea ka ɗang. Sǝa ma bumkiɗikea mǝnana mala ɓanza na ka, pǝlǝì cauɓikea nzǝm pa a ɓalǝi ɗang, sǝ kǝ ká nǝ ɓwa a lú.

Amǝ Afisu 4:17

Aɓa rǝcandǝa mala Mǝtalabangŋo sǝ ǝn nggǝ na mǝnia yì cau ka: Wu kǝa nyare wu duk ulang do mala amǝ ɗwanyi surǝ Ɓakuli, mǝnana aɗenyicau malea ka, kǝgir mǝɓoarne pa a ɓalǝi raka ɗang.

1 Amǝ Tasalonika 1:9

Aɓwana nǝ ɓamuria na à cama rǝ na cau mala agir mǝɓoarne mana wu pak kat ace ak sǝm, mana sǝm waria sǝn wun ngga. À bang ce vwakibu ma'wun arǝ ankúl ace kpata Ɓakuli mǝ'mǝsǝcau nì andǝ mǝyilǝmuì.

Sǝna 16:11

À kutia naki acau ɓǝsǝkiban arǝ Ɓakuli, yì murǝm kuli, àtàcau mala kwanban andǝ anpenye mǝnana kumia ka. Sǝ à ginǝ pwanzali amur agir mǝɓane mǝnana à pakkia ka.

Sǝna 2:21

Ən kundǝ a rǝì ɓǝ̀ pwanzali ɓǝ̀ pǝlǝ nzǝmi arǝ acauɓikea male, sǝ eare ama nǝ̀ pǝlǝa nǝ̀ nying kìɗìkì mala nongginǝ rǝarǝu male ɗang.

Sǝna 2:5

Ɗenyi nǝ bancame mo mǝnana a ndakam ɗiɗyal sǝ a yi kpa ka! Pǝlǝ nzǝmo arǝ acauɓikea mo sǝ wu nyare arǝ agir mǝnana a pakkiyi ɗiɗyal atadǝmbe ka. Ɓǝ̀ a pǝlǝ nzǝmo arǝ cauɓikea mo a pwanzali raka, mǝ nǝ yipo, sǝ mǝ nǝ yia twal gir tamsǝ pitǝla mo aban came male.

Sǝna 3:3

Nyesǝ ɓalǝo nǝ nzǝmo, ɗenyi nǝ agir mǝnana a ok atadǝmbe, sǝ a pa ɓabumo a rǝia ka; bwalia kàngkàng, sǝ wu pǝlǝ nzǝmo arǝ acauɓikea mo. Ɓǝ̀ mǝsǝo sa sǝ a lo raka, mǝ nǝ yipo a bu-pwari mǝnana a tsǝk ɓalǝo raka, kǝla yiu mala mǝn'i.