Amǝ Mishan 26:2 - Maləmce Məfele mala Ɓakuli: Kurcau Məbəshe

² Murǝm Agǝripa, mǝ ndanǝ dǝmcauwa kǝrkǝr mǝnana ama nda a ɓadǝmbǝo sǝ ǝn came mǝ nǝ nakunam yalung, amur agir mǝnana amǝ Yahudi tsǝkam a rǝam ama ǝn pea ka.

Amǝ Mishan 26:2 ပူးပေါင်းရင်းမြစ်များ

Matiu 10:19

Sǝ ɓǝ̀ à yì bwalkina wun ngga, ɓalǝ wun ɓǝ̀ kǝa kasǝkia arǝ cau mǝnana wu nǝ̀ na ko lang sǝ wu nǝ̀ na ce ka ɗang. Àkǝ̀ pwari mǝno Bangŋo mala Ɓakuli nǝ̀ pa wun cau mǝnana wu nǝ̀ na ka.

Luka 12:11

Ɓǝà wari nǝ wun aɓalǝ andakpapi, a ɓadǝmbǝ amǝɓashi andǝ amurǝma ka, ɓǝ̀ ɓalǝ wun ɓǝ̀ kǝa kasǝkia arǝ pǝlǝcau, ko mana wu nǝ̀ na ka ɗang.

Luka 21:12

Sǝ kaniama amǝnia yì agir nǝ̀ kumban ngga, à nǝ̀ bwalki wun, à nǝ̀ pa wun tanni. À nǝ̀ ká nǝ wun a ɓashi arǝ andakpapi, à nǝ̀ kur wun arǝ andakurban, à nǝ̀ ká nǝ wun aban amurǝma andǝ anggwamna, acemǝnana wu nda ka amǝ kpatam ngga.

Amǝ Mishan 25:26

Sǝ mim ngga, ǝn panǝ ɓe kǝgir mǝnana mǝ nǝ gilǝ amuri aban ká aban Kaisar ka ɗang. Nda gir mǝnana tsǝa sǝ ǝn yiu nǝi a ɓadǝm wun, a nggearǝ ɓadǝmbǝo, we Murǝm Agǝripa ka! Anzǝm mǝnana sǝm ongŋǝna, à bǝlkina ɓa cau male ka, mǝ nǝ gandǝ kum gir mǝnana mǝ nǝ gilǝa amuri ka.

Amǝ Mishan 26:1

Pǝlǝa Agǝripa ne Bulǝs ama, “À pàno dǝmbǝu wu na kuno.” Pǝlǝa Bulǝs loasǝ bui sǝ kuti aban bǝl kuni ama:

Amǝ Mishan 26:19

Anggo, We Murǝm Agǝripa, ǝn kpata mǝnia yì sǝne aɓa Bangŋo ǝn sǝni nǝ kuli ka.

Amǝ Mishan 26:26

Murǝm Agǝripa! Mǝ nǝ gandǝ no cau ɓangciu pa a rǝam ɗang, acemǝnana we ka a surǝna cau mala amǝnia yì agir ka. Mǝ ndanǝ sǝlǝe kàngkàng ama kǝ mwashat pà kàm aɓalǝ agir mǝnia ka, mǝnana api sǝlǝ mo kà, acemǝnana à pea a kanggari ban ɗang.

Amǝ Mishan 26:3

Nggeamurǝmi ata agir mǝnana ɓoar nǝi ka, nda mǝnana ama we ka, a surǝna rǝ cau mala akuncau andǝ akunɓuana mala amǝ Yahudi. Ace mani ka ǝn nggǝ zǝmbǝo, kwaki kiro oem, nǝ munyi.

Amǝ Mishan 26:7

Mǝnia ka nda kǝ gir mǝnana atau ma'sǝm lum-nong-ɓari mala amǝ Isǝrayila tsǝk ɓalǝia aban kúndǝo à nǝ̀ sǝn lumsǝo male ka. Nda tsǝa sǝ à kǝ peri a ɓadǝm Ɓakuli du andǝ pwari nǝ rǝɓǝla ka. Ɓǝ̀ rǝo pwalo Murǝm, kat andǝ mǝno ka, à tsǝkam acau a rǝam, à yinǝ mim aban ɓashi ace bwal mǝnia yì tsǝkɓalǝu ka!