Amǝ Mishan 26:18 - Maləmce Məfele mala Ɓakuli: Kurcau Məbəshe

¹⁸ ace mǝnana wu mǝnbia wia mǝsǝia, ɓǝa puri ɓa pǝndǝa, ɓǝa yiu aɓa tǎlaban ngga. Mǝ ndarǝ túrǒ abania ace mǝnana ɓǝa pǝlǝa ɓǝa puri ɓata parban mala Shetan, sǝ ɓǝa yiu aban Ɓakuli. Anggo ka à nǝ̀ twalia wia ban acauɓikea malea, sǝ nǝ́ paɓamuru malea abanam ngga, à nǝ̀ kum ban-do aɓalǝ aɓwana mǝnana Ɓakuli tàrria ɓǝa duk amale ka.”

Amǝ Mishan 26:18 ပူးပေါင်းရင်းမြစ်များ

Matiu 4:10

Yesu ne wi ama, “Shetan, upi banam! Malǝmce mala Ɓakuli ka na ama, “ ‘Peri aban Mǝtalabangŋo Ɓakuli mo, Kǝ yì mwashat ɓǝrɓǝr na a nǝ kpate ka.’ ”

Matiu 4:16

Aɓwana mǝnana à do a pǝndǝa ka, à sǝna tǎlaban mǝgule. Yì aɓwana mǝnana à do a yinggǝli lú ka, tǎlaban sulǝna a bania.”

Luka 1:77

ace pe aɓwana male surǝ amsǝban nǝ njar mala kum twalbani mala acauɓikea malea.

Luka 1:79

ace pà tǎlaban aban aɓwana mǝnana à do aɓa pǝndǝa andǝ yinggǝli lú ka, ace yal kusǝ sǝm aɓa ká tanjar mala dorǝpwala.

Luka 2:32

Tǎlaban na ace mǝn mǝsǝ aɓwana mala acili anzali, sǝ aban aɓwana mo amǝ Isǝrayila ka gulo na.”

Luka 24:45

Pǝlǝa mǝn ɗenyicau malea ace mǝnana ɓǝa surǝ Amalǝmce mala Ɓakuli.

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Luka 4:18

“Bangŋo mala Mǝtalabangŋo na a muram, acemǝnana tarnam ɓǝn hamnǝ Cau Mǝɓoarne aban amǝtǝr. Tasǝam ɓǝ̀n yi hamnǝ cau mala panzǝban aban aɓwana mǝnana à kùria ka. Ɓǝa nyesǝi ante mǝsǝu sǝnban, sǝ ɓǝa pusǝ aɓwana mǝnana à nda aɓata parban ngga a gung.

Yohana 17:17

Tària ɓǝà duk amo nǝ mǝsǝcau mo; cau mo ka nda kǝ mǝsǝcau.

Yohana 3:19

Tǝ́r ɓashi mala Ɓakuli ka nda mǝnana ama, tǎlaban yiu a ɓanza, sǝ ɓwapǝndǝa earce pǝndǝa kuti tǎlaban, acemǝnana aturo malea ka amǝɓealɓike na.

Yohana 4:10

Yesu eari wi ama, “Ɓǝ̀ a surǝna rǝ ɓoro mǝnana Ɓakuli ndanǝi aceo, andǝ ɓwa mǝnana zǝmnggiyio mùr nuna ka, ɓǝ a zǝmni wi mùr mǝnana pākiyi yilǝmu ka, sǝ yì ka, nǝ̀ po.”

Yohana 4:14

Sǝ ɓwa mana kat nǝ̀ nu mùr mǝnana mǝ nǝ pe wi ka, pà nǝ̀ ok mǝsamur ɗǝm ɗang. Mùr mǝnana mǝ nǝ pe wi ka, nǝ̀ duk mgbeaɗe mùr a bumi mana nǝ̀ nggǝ pe wi yilǝmu mǝnana te pà nǝ̀ mal raka.”

Yohana 8:12

Yesu nyar ɗǝm banggi aɓwana ama, “Mǝ nda tǎlaban mala ɓanza! Ɓwa mǝnana kat kpatam ngga, pà nǝ̀ gya a pǝndǝa ɗang, nǝ̀ kum tǎlaban mala yilǝmu.”

Yohana 9:39

Pǝlǝa Yesu na ama, “Ən yiu aɓa ɓanza man ace ɓashi, ace mǝnana ɓǝ̀ ante kum sǝnban, sǝ aɓwana mǝnana à kǝ sǝnban ngga, ɓǝa pǝlǝ ante.”

Yohana 9:5

Ado mǝnana mǝ nda a ɓanza ka, mǝ nda tǎlaban mala ɓanza.”

Amǝ Mishan 10:43

Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.

Amǝ Mishan 13:47

Acemǝnana mǝnia ka nda nzongcau mǝnana Mǝtalabangŋo tsǝka sǝm ama: “Ən tsǝngŋǝna wun, wu ndaka tǎlaban aban aɓwana a ɓanza, acemǝnana ɓǝ̀ ɓanza kat kum amsǝban.”

Amǝ Mishan 15:9

Ɓakuli lǝmndǝa sǝm earmuru sǝ ɓinǝ mǝsǝia ɗang, twalia wia aban acauɓikea malea, lak ɓabumia, acemǝnana à paɓamuria abani ka.

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Amǝ Mishan 20:21

Ən banggi amǝ Yahudi andǝ aɓwana mana amǝ Yahudi na raka, nǝ nunkiru nǝma, dumǝna púp ɓǝa nyare aban Ɓakuli. Ɓǝa pǝlǝ nzǝmia arǝ acauɓikea malea, ɓǝa pwanzali, sǝ ɓǝa paɓamuri aban Mǝtalabangŋo Yesu.

Amǝ Mishan 20:32

Ado ka, ǝn nggǝ nying wun aɓa bu Ɓakuli ɓǝ̀ bwal wun sǝ ɓǝ̀ tamsǝ wun aɓa paɓamuru arǝ cau mala ɓwamuru male, mǝnana nǝ̀ gandǝ ɓak wun, nǝ̀ pa wun atsǝkbu mǝnana Ɓakuli ndanǝi ace aɓwana mana twalnia à dumǝna amale na ka.

Amǝ Mishan 26:19

Anggo, We Murǝm Agǝripa, ǝn kpata mǝnia yì sǝne aɓa Bangŋo ǝn sǝni nǝ kuli ka.

Amǝ Mishan 26:23

À bangŋa ama Kǝrǝsti, yì ɓwa mǝnana Ɓakuli turi ka, nǝ̀ nu tanni sǝ nda ɓwa mǝnana nǝ̀ tita loapi ɓembe nǝ yilǝmu ka, nǝ̀ hamnǝ cau mǝnana nǝ̀ pa tǎlaban mala amsǝban aban amǝ Yahudi andǝ aɓwana arǝ acilia anzali.

Amǝ Mishan 3:19

Wu pwanzali ado, wu pǝlǝ nzǝm wun arǝ acauɓikea ma'wun. Wu nyare aban Ɓakuli, ace mǝnana ɓǝ̀ twala wun ban acauɓikea ma'wun.

Amǝ Mishan 5:31

Nda Ɓakuli loasǝi, dumsǝi a buno mala gulo, a bui mǝli, nda sǝ duk Ɓwamǝgule andǝ Mǝ'amsǝban ngga. Ɓakuli pak mǝnia yì gir ka ace pe amǝ Isǝrayila dǝmbǝu mala pwanzali ɓǝa pǝlǝ nzǝmia arǝ acauɓikea malea, sǝ nǝ̀ twalia wia banì.

Amǝ Roma 8:17

Sǝ acemǝnana sǝm nda ka amuna male ka, sǝm nǝ̀ kum banì ma'sǝm mala liɓala male, mǝnana ci ace aɓwana male ka. Ɗǝm ngga, sǝm nǝ̀ kum sǝnǝa Yesu, gir mǝnana kat Ɓakuli ci ace ka. Ɓǝ̀ kàngkàng sǝm nu tanni ata Kǝrǝsti ulang mǝnana nu ka, sǝm nǝ̀ kum gbal aɓa male yì gulo.

1 Amǝ Korinti 1:2

À tasǝi aban ká aban ikǝlisiya mala Ɓakuli mana a Korinti, yia aɓwana mǝnana à tària ɓǝa duk aɓwana mala Ɓakuli aɓa Kǝrǝsti Yesu ka. Yia andǝ aɓwana kat arǝ aban kat mǝnana à kǝ tunǝ lullǝ Mǝtalabangŋo Yesu mǝnana nda Mǝtalea andǝ Mǝtala sǝm ngga.

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

2 Amǝ Korinti 6:14

Wu kǝa kpapi ɓamur rǝ wun wunǝ aɓwana mǝnana à pa ɓamuria aban Kǝrǝsti raka ɗang. Mana dapi ɓealɓoarna andǝ ɓealɓikea? Sǝ tǎlaban ngga, lang sǝ à nǝ̀ do andǝ pǝndǝa?

Amǝ Galati 2:20

À gballìnam amur nggun-gangndi sǝnǝ Kǝrǝsti. Mǝ nda mǝnana ɗǝm nǝ yilǝmu ka ɗang, Kǝrǝsti nda mǝnana ado dukiyi a ɓalǝam ngga. Do mem aɓa nggūrǝu mala ɓanza ka, ǝn dum nǝ paɓamuru aban Muna mala Ɓakuli mǝnana earcem, sǝ paɓamuri acem ngga.

Amǝ Galati 3:14

Kǝrǝsti akmúr sǝm ace mǝnana tsǝkbu mǝ'mwashati mǝnana Ɓakuli banggi Ibǝrayim ama nǝ̀ tsǝki wi ka, ɓǝ̀ yiu amur aɓwana arǝ anzali kat, nǝ bu Kǝrǝsti Yesu. Acemǝnana sǝm mana sǝm ndaka amǝkwaɗi ka, sǝm nǝ̀ gandǝ ak pacau mala Bangŋo Mǝfele nǝ paɓamuru.

Amǝ Galati 3:2

Mǝ ɗi wun pe: Wu ak Bangŋo Mǝfele a njar mala kpata Nggurcau mala Musa le, ko nda acemǝnana wu pa ɓamur wun arǝ cau mǝnana wu ok amur Kǝrǝsti ka?

Amǝ Afisu 1:11

Sǝ acemǝnana à dapina sǝm sǝnǝa Kǝrǝsti ka, sǝm angŋǝna liɓala a bu Ɓakuli, acemǝnana ak dǝmbǝa tàr sǝm ɓǝ̀ sǝm duk amale aɓa kpata kane male, sǝ yì nǝ nggearǝì ka kǝ tsǝk koya gir ka ɓǝ̀ pa kǝla mǝnana ɓabumi earkiyice ka.

Amǝ Afisu 1:14

Sǝ yì Bangŋo Mǝfele ka nda lǝmndǝa sǝm aɓa mǝsǝcau ama, agir kat mǝnana Ɓakuli pàcau acea, ama tsǝngŋǝnia nǝ̀ pà sǝmia ka, nda anggo à dumǝna ma'sǝm, ba pwari akmúr aɓwana kat mana à ndaka mala Ɓakuli ka. Pak mǝnia ka ace mǝnana ɓǝ̀ sǝm ɓwangsǝi, sǝ ɓǝ̀ sǝm nggǝ pe wi gulo.

Amǝ Afisu 1:18

Ən nggǝ pak hiwi gbal ama, ɓabum wun ɓǝ̀ lumsǝ nǝ tǎlaban, ace mǝnana ɓǝ̀ wu surǝ tsǝkɓalǝu mana Ɓakuli tunǝ wun aɓalǝi ka. Sǝ mǝnia yì tsǝkɓalǝu mǝnana nda ace aɓwana male mǝfele ka, nda mǝnana ama, ɓǝa kum agir mǝɓoarne kǝkǝr aɓa liɓala mǝgule, mǝnana Ɓakuli bangŋa ama nǝ̀ pea wia ka.

Amǝ Afisu 1:7

Yì ka, mǝsǝswatǝr andǝ ɓwamuru male ka à gul kǝrkǝr, nda sǝ yi kúr panzǝban ma'sǝm nǝ nkila mala Muni, pǝlǝa twala sǝm ban acauɓikea ma'sǝm ngga.

Amǝ Afisu 2:8

Ɓwamuru mala Ɓakuli na amsǝ wun ngga, nǝ paɓamuru ma'wun abani. Mǝnia ka, pe ma'wun na ɗang, ɓoro mala Ɓakuli na,

Amǝ Afisu 4:18

Ɓabumia ka lumsǝ nǝ pǝndǝa; à pa aɓa yilǝmu mǝnana Ɓakuli kǝ pa ka ɗang, ace ɗwanyi sǝlǝe andǝ murcandǝa malea.

Amǝ Afisu 5:11

Wu cam zak, wu kǝa oasǝ abu wun aɓalǝ aturo mǝɓane andǝ amǝ ɓealɓike mǝnana aɓwana kǝ pea aɓa pǝndǝa ka ɗang. A kun mani ka, wu pusǝtea.

Amǝ Afisu 5:14

Acemǝnana tǎlaban ngga kǝ pusǝ koya gir ka a banfana. Nda gir nî sǝ à na ma, “Loapi ntulo, we mǝ'nong-ntulo, loapi ɓembe, sǝ Kǝrǝsti nǝ̀ po tǎlaban.”

Amǝ Afisu 5:8

Ɗiɗyal ka, wu nda aɓa pǝndǝa, sǝ a dyan ngga, wu kumǝna tǎlaban a bu Mǝtalabangŋo. Ace mani ka, wu dukdo mala aɓwana mǝnana à nda aɓa tǎlaban ngga.

Amǝ Afisu 6:12

Acemǝnana munǝo ma'sǝm ngga, pa arǝ ɓwapǝndǝa ɗang. Munǝo ma'sǝm ngga, nda arǝ amurǝma ɓa bangŋo mǝɓike andǝ amǝ'yalmuru mǝɓike mala ɓanza mǝnana à sǝnggiyi raka, andǝ arǝcandǝa mala abangŋo ɓa pǝndǝa mǝnana à ginggi nǝ ɓanza man, andǝ akukwar mǝɓike mǝnana nǝ bumkuli ka.

2 Timoti 2:26

Aɓa mǝno anggo ka, à nǝ̀ nyare aɓa ɗenyicau malea, à nǝ̀ puri ɓa gbǝli mala Shetan mǝnana bwalia guro, sǝ cia à kǝ kpata cau male ka.

Amǝ Ibǝru 10:10

Sǝ aɓa pě mala mǝno yì kànì mala Ɓakuli ka, sǝm dumǝna amale nǝ pá mǝnana Yesu Kǝrǝsti pà ɓoro nǝ nggūrǝì kusǝ mwashat ɓǝrɓǝr ace koyan ngga.

Amǝ Ibǝru 10:14

Nǝ mǝnia yì pa ɓamuri mǝnana pa kusǝ mwashat ka, tsǝngŋǝna aɓwana mǝnana kǝ tària ace Ɓakuli ka, à lumsǝna kǝla mǝnana Ɓakuli earkiyice ɓǝa pak ka, málá male pà kàm ɗang.

Amǝ Ibǝru 11:6

Ɓǝ̀ paɓamuru pà kàm raka, kǝɓwa pà nǝ̀ gandǝ pwasǝ bum Ɓakuli ɗang, acemǝnana ɓwa mana nǝ̀ yiu abani ka, she nǝ̀ ear ama yì ka, ndakam, sǝ nda mǝnana kǝ pa tangnakusǝ aɓwana mǝnana à kǝ alte ka.

Amǝ Ibǝru 9:15

Nda gir mǝnana tsǝa sǝ Kǝrǝsti duk mǝkutio a nre-rǝarǝu mala bǝsa kurcau a nre Ɓakuli andǝ aɓwapǝndǝa ka. Ado ka kǝ yinǝ aɓwana mana kat à tunǝia ka, ɓǝa ak liɓala mǝnana tè pà nǝ̀ mal raka, a bu Ɓakuli mǝnana angŋa dǝmbǝa náná ama nǝ̀ pea wia ka. Mǝnia ka nǝ̀ gandǝ pa acemǝnana Kǝrǝsti wú ace panzǝia aɓata ɓashi mala acauɓikea mǝnana à pea aɓata kurcau mǝ'e ka.

Jemis 2:5

Wu kwaki kir wun, wun amǝ'eamrǝarǝu mǝnana ǝn earkiyi acea raka, Ɓakuli twal aɓwana mǝnana amǝɓanza nyesǝia amǝtǝr na ka, ɓǝa duk amǝkume aɓa paɓamuru abani. Sǝ ɗǝm ngga ɓǝa kum domurǝm mǝnana Ɓakuli pàcau ama nǝ̀ pe aɓwana mǝnana à kǝ earce ka.

1 Bitǝrus 1:4

andǝ kum liɓala mǝnana pà nǝ̀ kìɗìkí ko nǝ̀ è, nǝ̀ mal raka; liɓala mǝnana à tsǝngŋǝna wuni kano a kuli ka.

1 Bitǝrus 2:25

Ɗiɗyal ka, wu nda kǝla anzur mǝnana à ɓwarki tanjar ka. Sǝ ado ka, wu nyarǝna aban Yál wun andǝ Mǝtsǝkkir ayilǝmi wun.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

1 Yohana 1:9

Sǝa ma ɓǝ̀ sǝm bang acauɓikea ma'sǝm ngga, yì ka, mǝ'mǝsǝcau na, mǝɓealɓoarna na, mǝnana nǝ twala sǝm ban acauɓikea ma'sǝm, sǝ nǝ̀ lak sǝm aɓalǝ aɓealɓikea ma'sǝm kat ka.

1 Yohana 2:12

Ən nggǝ gilǝa wun, wun amunem, acemǝnana à twalǝna wun ban acauɓikea ma'wun, ace gir mǝnana Kǝrǝsti pè ka.

1 Yohana 3:8

Ɓwa mǝnana lidǝmbǝa aɓa cauɓikea ka, ɓwa mala Shetan na, acemǝnana twal a tite ka, Shetan ngga mǝ'cauɓikea na. Tǝr yiu mala Muna mala Ɓakuli ka, nda ace kiɗiki aturo mala Shetan.

1 Yohana 5:19

Sǝm sǝlǝna ama sǝm ndaka amuna mala Ɓakuli, sǝ sǝm sǝlǝna gbal ama acili aɓwana a ɓanza kat ka à nda ɓata rǝcandǝa mala Mǝɓealɓikea.

Yahuda 1:1

Mǝnia yì cautera ka pur nǝ bu Yahuda, guro mala Yesu Kǝrǝsti, andǝ mǝ'eam Jemis, aban ká aban aɓwana kat mǝnana Ɓakuli Tarrû tunǝia, sǝ earcea, sǝ dumsǝia aɓa yálban mala Yesu Kǝrǝsti ka.

Sǝna 21:27

À pà nǝ̀ eare ɓe kǝgir ɓeami ɓǝ̀ kuti kam ɗang. Sǝ kǝɓwa pà kàm gbal mǝnana mǝ pakki agir kǝsǝkya na, ko mǝ ɗwanyi came amur mǝsǝcau na ka, nǝ̀ kuti kano ɗang; she kǝ aɓwana mǝnana lullǝia na kam à gilǝnia aɓa Malǝmce Yilǝmu mala Mǝgam ngga.