Amǝ Mishan 26:17 - Maləmce Məfele mala Ɓakuli: Kurcau Məbəshe

¹⁷ Mǝ nǝ amsǝo a bu amǝ Isǝrayila andǝ aɓwana mala acili anzali mǝnana ǝn nggǝ turo abania,

Amǝ Mishan 26:17 ပူးပေါင်းရင်းမြစ်များ

Amǝ Mishan 13:50

Pǝlǝa aɓwana-mǝgule mala amǝ Yahudi soakita aɓwana-mǝgule mala nggeala, andǝ aɓea amamǝna amǝgulo mala aɓwana mǝnana amǝ Yahudi na raka, mana à kǝ peri aban Ɓakuli ka. A tita pe Bulǝs andǝ Barnabas tanni, pǝlǝa à pǝria à puri ɓa nzali malea.

Amǝ Mishan 16:39

Pǝlǝa aɓwana-mǝgule mala la lo à yiu a ndàkurban nǝ nggearǝia, à yiu a pwanmbi Bulǝs andǝ Silas nzali. Pǝlǝa à pusǝia, sǝ à zǝmbǝia wia ama ɓǝa o, ɓǝa nying nggeala.

Amǝ Mishan 17:10

Lang du pǝndǝna ka, amǝkpata Yesu tasǝ ta Bulǝs andǝ Silas a Biriya. À yì bwalǝna ka, à kutio a ndakpapi mala amǝ Yahudi.

Amǝ Mishan 17:14

Amǝkpata Yesu lo tu, à tasǝ ta Bulǝs a kun nggeamur, sǝ Silas andǝ Timoti ka à ueo a Biriya.

Amǝ Mishan 18:10

acemǝnana mǝ nda to. Kǝ ɓwa pà kàm nǝ̀ pakko kǝgir ɗang. Aɓa nggeala mǝnia ka, mǝ ndanǝ aɓwana kam pas mǝnana à nǝ̀ paɓamuria abanam ngga.”

Amǝ Mishan 25:3

À zǝmbǝi Festus ama ɓǝ̀ pakkia wia gir mǝnana nǝ̀ pwasǝbumia ka, ɓǝ̀ eare ɓǝa tusǝ Bulǝs a Urǝshalima ɓǝa yi pakki wi ɓashi kam. À earce anggo acemǝnana yia ka à kùrnakun a rǝia à nǝ̀ wal-lui amur njargula.

Amǝ Mishan 28:28

Pǝlǝa Bulǝs masǝlǝ cau ama, “Ado ka, wu sǝlǝ ama, Cau Amsǝban mala Ɓakuli ka, à tasǝni aɓwana mǝnana amǝ Yahudi na raka. Yia ka à nǝ̀ kwaki kiria à nǝ̀ o!”

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

Amǝ Roma 11:13

Mǝ nda rǝ na wun cau ado, wun aɓwana mǝnana amǝ Yahudi na raka. Acemǝnana mǝ nda mǝ'mishan mana à tasǝam aban wun ngga, ǝn nggǝ gusǝlǝ ce turo mem.

Amǝ Roma 15:16

mǝ duk mǝturo mala Kǝrǝsti Yesu aban aɓwana mala acili anzali ka. Ɓakuli twalam ace mǝnana mǝ pak turo kǝla pǝris, aban hamnǝ bǝsa Cau Mǝɓoarne male. Sǝ aɓa mǝno anggo ka aɓwana mala acilia nzali ka ɓǝa duk ɓoro mǝnana gir-á na aban Ɓakuli, yia aɓwana mǝnana Bangŋo Mǝfele tarnia ace Ɓakuli ɓǝa duk amale ka.

Amǝ Galati 2:9

Ɓafo, nggearǝ Jemis, sǝ Bitǝrus, sǝ Yohana, mǝnana à twalia ama à ndaka atanggea-nggun mala Ikǝlisiya ka, à sǝnǝna ɓwamuru mǝnana Ɓakuli pam mala turo mǝnia ka; pǝlǝa à ak sǝm sǝnǝ Barnabas, sǝm duk aɓia amǝturo. À pu nzǝm sǝm aban hamnǝ cau aban aɓwana mala aɓea anzali, sǝ yia ka à kutio ata turo aban amǝ Isǝrayila.

1 Timoti 2:7

Àkǝ̀ ce mani sǝ à taram kǝla mǝhama andǝ mǝ'mishan, mǝ kani aɓwana mala acili anzali gir, amur paɓamuru andǝ mǝsǝcau. Mǝnia ka nyir na ǝn nakiyi ka ɗang, nggearǝ mǝsǝcau na ǝn nggǝ na ka.

2 Timoti 1:11

Sǝ Ɓakuli twalam ɓǝn duk mǝ hamnǝ cau male, andǝ mǝ'mishan, andǝ mǝkanigir mala mǝnia yì Cau Amsǝban.

2 Timoti 3:11

kat andǝ atanni mem, andǝ apatanni mana à yiu amuram ngga. À surǝna rǝ kanggǝrang tanni mǝnana à pam a Antiyok, andǝ Ikoniya andǝ Listǝra ka. Kat andǝ amani ka, Mǝtalabangŋo amsǝam aɓalǝ amǝnia yì agir ka kat.