Amǝ Mishan 26:16 - Maləmce Məfele mala Ɓakuli: Kurcau Məbəshe

¹⁶ Sǝ ado ka, lo cam nǝ came amur akusǝo. Ən pusǝ rǝam abano, acemǝnana ǝn twalǝno a dumǝna guro mem, mǝ nakunam. We ka, a nǝ ngga ne aɓwana gir mǝnana kat a sǝni andǝa mǝnana mǝ nǝ lǝmndǝo a dǝmbǝa ka.

Amǝ Mishan 26:16 ပူးပေါင်းရင်းမြစ်များ

Luka 1:2

Cau mǝnana à gilǝ ka nda kǝ̀ mǝnana à oe a kun aɓwana mǝnana à sǝn agir nì nǝ mǝsǝia a nggea dǝmbe, sǝ à hamnǝ ce ka.

Amǝ Mishan 1:17

Ɗiɗyal ka nda aɓalǝ sǝm, sǝ ndanǝ kāmbe male gbal mǝnana à pe wi aɓa turo mishan ngga.

Amǝ Mishan 1:25

ɓwa mǝnana nǝ̀ twal banturo mishan a kuni Yahuda, mǝnana nying sǝm o aban mǝnana dupi wi ka.”

Amǝ Mishan 20:24

Sǝ amur mani ka, ǝn twal yilǝmem a kun ɓe kǝgir ɗang. Mim ngga, gir mǝnana ǝn tsǝk muram a rǝì ka nda mǝnana ama ɓǝ̀ ǝn mal turo mǝnana Mǝtalabangŋo Yesu pam ɓǝ̀ ǝn pe ka, yì turo hamnǝ Cau Amsǝban mala ɓwamuru mala Ɓakuli.

Amǝ Mishan 21:19

Anzǝm makkun ngga, Bulǝs bǝl ɓalǝ agir mwashat-mwashat, mǝnana Ɓakuli pea nǝ bu turo mishan male aɓalǝ aɓwana mǝnana amǝ Yahudi na raka.

Amǝ Mishan 22:10

Sǝ ǝn ɗi ama, “Mana mǝ nǝ pak le Mǝtalabangŋo?” Pǝlǝa Mǝtalabangŋo nam ama, “Lo, o aɓa Damaska, akàm sǝ à nǝ̀ ngga no gir mǝnana kat a wu nǝ́ pak ka.”

Amǝ Mishan 23:11

Àkǝ̀ bu du mǝno ka, Mǝtalabangŋo lǝmndǝrǝi aban Bulǝs sǝ na ama, “Ɓǝ̀ ɓangciu ɓǝ̀ kǝa pakko ɗang! Kǝla mǝnana a na cau mem a Urǝshalima ka, dumǝna ama anggo sǝ a wu nǝ ngga nakunam a Roma gbal.”

Amǝ Mishan 26:15

Sǝ ǝn ɗiban nǝma, “A nda yan le, ɓwamǝgule?” Pǝlǝa Mǝtalabangŋo ear ama, “Mǝ nda Yesu, mǝnana a pākiyi wi tanni ka.

Amǝ Mishan 6:4

Sǝ sǝm ngga, sǝm nǝ̀ pa rǝcandǝa ma'sǝm arǝ pakki Ɓakuli turo nǝ hiwi andǝ hamnǝ cau.”

Amǝ Roma 1:5

Nǝ ban Kǝrǝsti sǝ Ɓakuli pa sǝm ɓwamuru andǝ ɓoro mala do mǝ'mishan, ɓǝ̀ sǝm ne aɓwana arǝ anzali a koya ban ngga, gir mǝnana Ɓakuli pa acea ka, ace mǝnana ɓǝa paɓamuria, ɓǝa oki wi sǝ anggo ka lullǝi ɓǝ̀ kum gulo.

Amǝ Roma 15:16

mǝ duk mǝturo mala Kǝrǝsti Yesu aban aɓwana mala acili anzali ka. Ɓakuli twalam ace mǝnana mǝ pak turo kǝla pǝris, aban hamnǝ bǝsa Cau Mǝɓoarne male. Sǝ aɓa mǝno anggo ka aɓwana mala acilia nzali ka ɓǝa duk ɓoro mǝnana gir-á na aban Ɓakuli, yia aɓwana mǝnana Bangŋo Mǝfele tarnia ace Ɓakuli ɓǝa duk amale ka.

2 Amǝ Korinti 4:1

Sǝ acemǝnana Ɓakuli, aɓa sǝn mǝsǝswatǝr male sǝ pà sǝm mǝnia yì turo mishan ngga, ɓabum sǝm pà nǝ̀ ɓunggi ɗang.

2 Amǝ Korinti 5:18

Mǝnia yì agir kat ka, ɓoro na nǝban Ɓakuli, mǝnana nyesǝ sǝm a dotarǝu andǝi nǝ bu Kǝrǝsti, sǝ pa sǝm turo bǝlban, mala nyesǝ aɓwana abani ka.

Amǝ Galati 1:12

Ən ak cau mem a bu ɓwapǝndǝa ɗang, sǝ kǝɓwa nǝ̀ kaniam gbal ɗang. Mǝnia yì cau ka, Yesu Kǝrǝsti nǝ̀ mǝnmbam ɓālǝi nǝ ɓamuri.

Amǝ Galati 2:2

Ən wari kano, acemǝnana Ɓakuli nǝ̀ lǝmndǝam ama ɓǝ̀ ǝn kyane. Akano ka, sǝm nggea do nǝ murǝ sǝm, sǝnǝ aɓwana mǝnana à twalia ama à nda ka aɓwana-mǝgule mala Ikǝlisiya ka. Pǝlǝa ǝn bǝlia wia ɓa Cau Amsǝban mǝnana ǝn nggǝ hamnǝi aban aɓwana mala acili anzali ka. Eare mem nda mǝnana kun sǝm ɓǝ̀ duk mwashat, ace mǝnana ɓǝ̀ turo mem mǝnana ǝn pangŋǝni andǝ mǝnana ado mǝ nda rǝ pe ka, ɓǝa kǝa ue ɓa ɗang.

Amǝ Afisu 3:3

Kǝla mǝnana ǝn ak dǝmbǝa ǝn gilǝa wun cau amuri mgbeatuk ka, Ɓakuli nǝ nggearǝì, nǝ̀ mǝnggiam ɓa kane male mǝnana nda aɓa sǝmbǝrǝa ka.

Amǝ Kolosi 1:23

Sǝa ma dumǝna púp wu nǝ̀ lidǝmbǝa nǝ earnǝ mǝno yì mǝsǝcau ka, andǝ tamsǝ kusǝ wun kàngkàng amuri. Wu kǝa tusǝ kusǝ wun arǝ tsǝkɓalǝu mǝnana wu oe aɓa Cau Amsǝban ngga ɗang. Mǝnia yì Cau Amsǝban ngga à hamǝna nǝi a koya bum-ban a ɓanza, sǝ àkǝ̀ ce sǝ mim Bulǝs ka, ǝn duk guro mala Ɓakuli, ace hamnǝi.

Amǝ Kolosi 1:25

Ɓakuli tsǝngŋǝnami a buam ɓǝn pakki ikǝlisiya, yia amǝkpata Yesu turo, mǝ nggǝ hamnǝ cau male kat aban wun.

Amǝ Kolosi 1:7

Abafǝras, ɓi'sǝm mǝturo mǝnana sǝm earkiyi ace raka, nda ɓwa mǝnana nǝ baní sǝ wu kum sǝlǝe amur mǝnia yì ɓwamuru ka. Yì ka, mǝturo mala Kǝrǝsti na nǝ mǝsǝcau, sǝ nda mǝnana kǝ bwala sǝm turo ace wun ngga.

1 Amǝ Tasalonika 3:2

sǝ sǝm tasǝ Timoti ɓǝ̀ kyane ɓǝ̀ kya sǝn wun. Yì ka, mǝ'eam sǝm na andǝ ɓi'sǝm mǝturo mala Ɓakuli aɓa hamnǝ Cau Amsǝban mala Kǝrǝsti. Sǝm turi aban wun ace mǝnana ɓǝ̀ yi ɓakɓabum wun, ɓǝ̀ dupa wun gbasha aɓa paɓamuru ma'wun aban Kǝrǝsti.

1 Timoti 1:12

Ən nggǝ pakki Kǝrǝsti Yesu Mǝtala sǝm yàwá mana pam rǝcandǝa mala pak turo male ka. Ən pak yàwá acemǝnana earnǝ mim sǝ twalam ama ɓǝ̀ ǝn pakki wi turo,

1 Timoti 4:6

We ka, ɓǝ̀ a kǝ lidǝmbǝa nǝ bǝli amǝkpata Ɓakuli ɓalǝ amǝnia yì agir ka, a nǝ duk mǝturo mǝɓoarne mala Kǝrǝsti Yesu, a nǝ lǝmndǝ ama a gulna aɓalǝ acau mala do kwaɗi andǝ kanigir mǝ'mǝsǝcau nì mǝnana a kpana te ka.

2 Timoti 4:5

Sǝ we ka, hami rǝo aɓa koya ulang ɓealǝu mala do, dumnǝ gandǝrǝu aɓa nutanni, pak turo mala Mǝhama, lumsǝ turo mǝnana a pakkiyi ace Ɓakuli ka.