Amǝ Mishan 26:11 - Maləmce Məfele mala Ɓakuli: Kurcau Məbəshe

¹¹ Kusǝ pas ǝn tsǝa à pea wia tanni arǝ andakpapi, ǝn nggǝ cia ɓǝa makgir kpata Yesu. Acemǝnana ǝn ɓinǝ mǝsǝia kǝrkǝr ka, ǝn zuppi atea arǝ aɓea anggea-là ace ká pea wia tanni.

Amǝ Mishan 26:11 ပူးပေါင်းရင်းမြစ်များ

Matiu 10:17

Wu par kir wun nǝ aɓwana. À nǝ̀ ká nǝ wun aban amǝɓashi. À nǝ̀ kok wun aɓalǝ andakpapi malea.

Markus 13:9

Wu do nǝ yal ɓamur rǝ wun! À nǝ̀ oasǝki mur wun aban amǝ ɓashi, à nǝ̀ kwak wun arǝ andakpapi. Sǝ acemǝnana wu nda ka amǝ kpatam ngga, à nǝ̀ kánǝ wun a ɓashi a ɓadǝmbǝa anggwamna andǝ amurǝma. Aɓa mǝno anggo ka wu nǝ̀ kumo wu nǝ̀ duk amǝ'nakunam abania.

Markus 3:28

“Ən nggǝ na wun mǝsǝcau, koya cauɓikea ka à nǝ̀ twali muna ɓwapǝndǝa banì andǝ koya cau kyauwikiban mǝnana pur a kunia ka.

Luka 15:17

Yi nyare a ɗenyicau male ka na ama, “Amǝturo mǝnana à kǝ li a ɓabu tárram ka girlina gandǝia ɓà, sǝ mǝ ndya nzala kǝ wal-luem ngga!

Luka 21:12

Sǝ kaniama amǝnia yì agir nǝ̀ kumban ngga, à nǝ̀ bwalki wun, à nǝ̀ pa wun tanni. À nǝ̀ ká nǝ wun a ɓashi arǝ andakpapi, à nǝ̀ kur wun arǝ andakurban, à nǝ̀ ká nǝ wun aban amurǝma andǝ anggwamna, acemǝnana wu nda ka amǝ kpatam ngga.

Luka 6:11

Sǝa ma amǝ Farisi andǝ amalǝm Nggurcau mala Musa ka bumia lul kǝrkǝr, à tita banggia rǝia gir mǝnana à nǝ̀ pak nǝ Yesu ka.

Amǝ Mishan 13:45

Lang aɓwana-mǝgule mala amǝ Yahudi nǝ̀ sǝn aɓwabunda ka, kara mɓali pakkia wia, à kǝ makgir nǝ cau kat mǝnana Bulǝs bang ngga, à kǝ sanggì.

Amǝ Mishan 18:6

Amǝ Yahudi ka à ɓinǝna à pa nǝ̀ ak cau mala Bulǝs ɗang. À camarǝ banggi wi acau mǝɓane. Bulǝs pǝlǝa kǝtǝri tu mana arǝ agir-nggurǝu male ka, ace mǝnana ɓǝ̀ lǝmndǝia wia ama yì ka, pusǝkina abui. Sǝ banggia wia ama, “Ɓǝ̀ nkila ma'wun, ueo amur wun. Ɓǝ̀ wu kutio a lu-bǝsa ka, wu nǝ̀ ɓua nǝ ɓamur rǝ wun! Mim ngga ǝn pusǝkina abuam. Twal ado aban ká a dǝmbǝa ka, mǝ nǝ o a hamnǝ cau aban aɓwana mana amǝ Yahudi na raka.”

Amǝ Mishan 22:19

Pǝlǝa ǝn ne wi nǝma, “Mǝtalabangŋo, kǝla yia ka à sǝlǝna ama, a koya ndakpapi ka ǝn wario ǝn nggǝ bwalki amǝ kpato, ǝn nggǝ pea wia tanni.

Amǝ Mishan 22:5

Nggearǝ Pǝris mǝgule andǝ aɓwana male ka à nǝ̀ earnǝ mim ama mǝ ndaban na mǝsǝcau. Acemǝnana a buia sǝ ǝn nggǝ ak acautera aban ká aban aɓwana-mǝgule amǝla-sǝm amǝ Yahudi mǝnana a Damaska ka. Tǝr wario mem ngga nda mǝnana ama, ɓǝn bwalki amǝ kpata Yesu, ɓǝn kurkia nǝ ansolo, ɓǝn yiu nǝia a Urǝshalima ace mǝnana ɓǝa yi pea wia tanni ka.

Amǝ Mishan 9:1

Aɓa mǝno anggo ka, Sawul na arǝ lidǝmbǝa nǝ nabura arǝ amǝkpata Mǝtalabangŋo, kǝ earce ama nǝ̀ wal-luia. Wario aban Pǝris Mǝgule,

Jemis 2:7

À ndaka kǝ aɓwana mǝnana à kǝ na mǝɓane amur lullǝu mǝɓoarne mala Yesu Kǝrǝsti mǝnana à tunǝkina wun nǝi ka re?

2 Bitǝrus 2:16

Sǝ yì ka, mǝndambǝritso gimbi arǝ turo mǝɓike male; mǝndambǝritso mǝnana girkusǝu na kǝ na cau raka, bangcau nǝ gi ɓwapǝndǝa sǝ tamsǝ ɓanggya mala mǝɓangna.