Amǝ Mishan 25:6 - Maləmce Məfele mala Ɓakuli: Kurcau Məbəshe

⁶ Anzǝm mǝnana Festus pakkina anonggeo tongno-nong-tārú aban ká lum, abania ka, sǝ kutio wario a Kaisariya. Ban fana ka, pǝlǝa do amur buno ɓashi sǝ turban ama ɓǝa yiu nǝ Bulǝs a ɓadǝmbǝi.

Amǝ Mishan 25:6 ပူးပေါင်းရင်းမြစ်များ

Matiu 27:19

Lang Bilatus na ban do amur buno ɓashi ka, mami turi ban nǝ cau ama, “Pusǝki abuo, nying ɓwa mǝno andǝa kunpwasǝa male, acemǝnana ǝn tanni a lorǝo kǝrkǝr yalung ata cau male.”

Yohana 19:13

Lang Bilatus nǝ̀ ok cau mǝno ka, pǝlǝa pusǝ Yesu a banfana sǝ eauwe do amur buno ɓashi mǝnana à kǝ tunǝi ama, “Ban múr tali” ka. (Nǝ kun Ibǝru ka à kǝ tunǝi ama, “Gabbata.”)

Amǝ Mishan 25:1

Anzǝm anongŋo tārú mǝnana Festus yiu nǝi a bu-nzali Kaisariya sǝ ak buno mala Nggwamna ka, kutio wario a Urǝshalima.

Amǝ Mishan 25:10

Bulǝs na ama, “Awo! Mim ngga mǝ ndya ǝn cam aɓa ndaɓashi mala Murǝm mǝgule mala amǝ Roma, ban mǝnana ɓoaro ɓǝa pakkam ɓashi kam ngga. We nǝ ɓamuro, a sǝlǝna pepe ama ǝn pak mi amǝ Yahudi ɓe kǝgir mǝɓane ɗang.

Amǝ Mishan 25:17

Lang à yina kani ka, ǝn dǝndi arǝ ce ɗang. Ban fana ka ǝn kutio a ndaɓashi, ǝn tsǝa à yiu nǝ ɓwe, yì Bulǝs a ɓadǝmbǝam.

Amǝ Mishan 25:4

Pǝlǝa Festus nea wia ama, “Bulǝs ka nda a ndàkurban a Kaisariya, sǝ mim ngga banì pà nǝ̀ sau ɗang mǝ nǝ nyare abanì.

Amǝ Mishan 25:5

Ɓǝ̀ nǝ̀ ɓoar ka, ɓǝa aɓwana-mǝgule ma'wun yiu, sǝm nǝ̀ o a tarǝ sǝm sǝnǝ yia, ɓǝa kya na gir mǝnana kwania ka, amur man yì ɓwa ka.”

Amǝ Mishan 8:40

Sǝ Filip, nǝ nzǝmo ka, kya kum ɓamuri a ɓe la mana à tunǝki ama Azotus ka. Pǝlǝa camarǝ hamnǝ Cau Amsǝban arǝ ala aban ká a Kaisariya.

2 Amǝ Korinti 5:10

Acemǝnana sǝm kat ka, dumǝna púp sǝm nǝ̀ ngga came, sǝ do ma'sǝm nǝ̀ lǝmndǝ kwas, a ɓadǝm buno pak ɓashi mala Kǝrǝsti. Ko yan ata sǝm ngga nǝ̀ kum gir mana kārǝa arǝ gir mǝnana pè aɓa mǝnia yì nggūrǝu a ɓanza ka, ko mǝɓoarne ko mǝɓike.

Jemis 2:6

Sǝ wun ngga wu twal amǝtǝr a kun kǝgir ɗang. Nggearǝì ka amǝkume na mǝnana à pakiyia wun tanni, à nunggiyi wun aban ká a ndaɓashi ka re?