Amǝ Mishan 25:11 - Maləmce Məfele mala Ɓakuli: Kurcau Məbəshe

¹¹ Mǝni ɓǝa na ama ǝn parna nggurcau, ǝn pangŋǝna gir mǝnana dumǝna à nǝ̀ wal luim a rǝì ka, pa mǝ nǝ zǝmbǝa ama ɓǝa kǝa wal luem ɗang. Sǝ ɓǝ̀ mǝsǝcau pa aɓa cau mǝnana a ne a muram raka, kǝɓwa kārǝa nǝ̀ tasǝam a ɓabu amǝnia yia aɓwana ka ɗang. Ado ka, ǝn nggǝ alte ama ɓǝa um nǝ cau mem a dǝmbǝa aban Kaisar.”

Amǝ Mishan 25:11 ပူးပေါင်းရင်းမြစ်များ

Amǝ Mishan 16:37

Sǝ Bulǝs pǝlǝa nea amǝ'munagara ama, “À kwak sǝm a mǝsǝ ɓwapǝndǝa bwāng, sǝ à pakka sǝm kǝ ɓashi ɗang, sǝ à nyare à oasǝ sǝm a ndàkurban, sǝm mǝnana sǝm nda ka amǝ Roma ka! Sǝ ado ka, à kǝ earce ama à nǝ̀ nying sǝm a sǝmbǝrǝa? Mǝnia ka pà nǝ̀ pak ɗang! Ɓǝa yiu nǝ nggearǝia, ɓǝa yi panzǝ sǝm!”

Amǝ Mishan 18:14

Bulǝs nǝ̀ mǝn kuni nǝ̀ na cau ka, kara Galiyo pǝlǝa arǝ amǝ Yahudi mana à warinǝ cau ka. Nea wia ama, “Wun amǝ Yahudi, ɓǝa pǝlǝ ama wu yiu nǝ ɓwa mǝnia ka ace ɓe kǝ cau mala gir mǝɓane mǝnana pa, ko nzongcau na ɓun ngga, ɓǝ́ ɓoaro mǝ nǝ pak munyi, mǝ nǝ kwaki kiram arǝ wun.

Amǝ Mishan 22:25

À kurkina Bulǝs nǝ nggur ama à nǝ̀ kwe. Pǝlǝa ɗi soje mǝgulo mǝnana came abanì ka ama, “Nggearǝì ka, nggurcau mala nzali eara wun ama ɓǝ̀ wu kwak ɓwa nzali Roma mǝnana à malaká ɓashi wi, a kumi nǝ ɓe kǝ cauɓikea raka le?”

Amǝ Mishan 25:10

Bulǝs na ama, “Awo! Mim ngga mǝ ndya ǝn cam aɓa ndaɓashi mala Murǝm mǝgule mala amǝ Roma, ban mǝnana ɓoaro ɓǝa pakkam ɓashi kam ngga. We nǝ ɓamuro, a sǝlǝna pepe ama ǝn pak mi amǝ Yahudi ɓe kǝgir mǝɓane ɗang.

Amǝ Mishan 25:12

Anzǝm mǝnana Festus ongŋǝna kun amǝkurcau male ka, nda sǝ pa eare ama, “A zǝmna ama ɓǝa kyan nǝ we aban Kaisar, anggo aban Kaisar sǝ a wu nǝ ká.”

Amǝ Mishan 25:21

Sǝ Bulǝs ka bangŋǝna ama awo, ɓǝa kyan nǝ cau a dǝmbǝa, Kaisar ɓǝ̀ kya kasǝ cau male. Nda sǝ ǝn tsǝa ɓǝa nyi aɓa ndà a bu asoje ɓǝa kǝ yallí ba pwari mǝnana mǝ nǝ tasǝ te aban Kaisar ka.

Amǝ Mishan 25:25

Sǝ mim ngga ǝn kumi nǝ kǝ cau mǝɓane mǝnana à nǝ̀ ɓashi wi, ɓashi lú nǝi ka ɗang. Sǝ acemǝnana yì, nǝ́ ɓamuri alta o a dǝmbǝa nǝ cau aban Kaisar, yì murǝm mǝgule ka, ǝn náná, nǝma mǝ nǝ tasǝ te.

Amǝ Mishan 26:32

Pǝlǝa Agǝripa ne Festus ama, “Ɓǝ̀ a pǝlǝa ama mǝnia yì ɓwa ka almata ká a dǝmbǝa nǝ cau aban Kaisar raka, ɓǝ́ à nǝ̀ panzǝi.”

Amǝ Mishan 28:19

Sǝa ma lang amǝ Isǝrayila ɓinǝna ama ɓǝa kǝa ɗekiam raka, gir nî ciem ǝn zǝm nǝma ɓǝa tusǝ ɓashi mem ɓǝa kyan nǝ mim a ɓadǝm Kaisar, kat andǝ amani ama ǝn panǝ ɓe kǝ cau arǝ aɓwana mem raka.

1 Amǝ Tasalonika 2:15

Yia amǝ Yahudi ka, à nda à wal-lú Mǝtalabangŋo Yesu andǝ amǝ'ɓangna mala Ɓakuli ka. Yia na à pa sǝm tanni gbal mǝnana pǝr sǝm ngga. Aɓa pakkiagir malea ka à kǝ kiɗiki ɓabum Ɓakuli. Ɗǝm ngga à nda nggaro nǝ aɓwapǝndǝa kat