Amǝ Mishan 25:10 - Maləmce Məfele mala Ɓakuli: Kurcau Məbəshe

¹⁰ Bulǝs na ama, “Awo! Mim ngga mǝ ndya ǝn cam aɓa ndaɓashi mala Murǝm mǝgule mala amǝ Roma, ban mǝnana ɓoaro ɓǝa pakkam ɓashi kam ngga. We nǝ ɓamuro, a sǝlǝna pepe ama ǝn pak mi amǝ Yahudi ɓe kǝgir mǝɓane ɗang.

Amǝ Mishan 25:10 ပူးပေါင်းရင်းမြစ်များ

Matiu 27:18

Yì ka, sǝlǝna ama mɓali na tsǝk aɓwana-mǝgule sǝ à yiu nǝ Yesu abani ɓǝ̀ pakki wi ɓashi ka.

Matiu 27:19

Lang Bilatus na ban do amur buno ɓashi ka, mami turi ban nǝ cau ama, “Pusǝki abuo, nying ɓwa mǝno andǝa kunpwasǝa male, acemǝnana ǝn tanni a lorǝo kǝrkǝr yalung ata cau male.”

Amǝ Mishan 23:29

Sǝ ǝn yi sǝlǝ ama ce ka, cau mala nggurcau mala kwaɗi malea na; sǝ ce ka, kārǝa ɓǝa kùr ɓwa ko à nǝ̀ wal-lú ɓwa ace ɗang.

Amǝ Mishan 25:17

Lang à yina kani ka, ǝn dǝndi arǝ ce ɗang. Ban fana ka ǝn kutio a ndaɓashi, ǝn tsǝa à yiu nǝ ɓwe, yì Bulǝs a ɓadǝmbǝam.

Amǝ Mishan 25:25

Sǝ mim ngga ǝn kumi nǝ kǝ cau mǝɓane mǝnana à nǝ̀ ɓashi wi, ɓashi lú nǝi ka ɗang. Sǝ acemǝnana yì, nǝ́ ɓamuri alta o a dǝmbǝa nǝ cau aban Kaisar, yì murǝm mǝgule ka, ǝn náná, nǝma mǝ nǝ tasǝ te.

Amǝ Mishan 25:6

Anzǝm mǝnana Festus pakkina anonggeo tongno-nong-tārú aban ká lum, abania ka, sǝ kutio wario a Kaisariya. Ban fana ka, pǝlǝa do amur buno ɓashi sǝ turban ama ɓǝa yiu nǝ Bulǝs a ɓadǝmbǝi.

Amǝ Mishan 26:31

Sǝ kaniama à nǝ̀ puri ban ɓashi ka, à ne a rǝia ama, “Mǝnia yì ɓwa ka, pak ma kǝgir mǝnana à nǝ̀ wal-lui ace, ko à nǝ̀ kùrrì a ndàkurban ace ka ɗang.”

Amǝ Mishan 28:18

Anzǝm mǝnana amǝɓashi mala amǝ Roma ɗìkìnam amur ace ka, à earǝna ce ama à nǝ̀ ɗekiam, acemǝnana à kumam nǝ kǝ cau mǝnana à nǝ̀ wal-luem ace ka ɗang.

2 Amǝ Korinti 4:2

Sǝm nyingŋǝna bu sǝm arǝ agir kǝsǝkya mǝnana à kǝ pea aɓa sǝmbǝrǝa ka, sǝ sǝm ginǝce ɓealǝu mala swarkiban. Pà sǝm nǝ̀ na cau mala Ɓakuli nǝ nyir ɗang. Sǝm nǝ̀ dukdo mǝsǝcau aɓa tǎlaban a ɓadǝm Ɓakuli, sǝ sǝm nǝ̀ ɓariki aban lǝmndǝ ɓamur rǝ sǝm a njar mǝɓoarne aban aɓwana kat mǝnana à kǝ gandǝ gakita mǝɓoarne andǝ mǝɓane aɓa ɗenyicau malea ka.