Amǝ Mishan 24:5 - Maləmce Məfele mala Ɓakuli: Kurcau Məbəshe

⁵ Man yì ɓwa ka sǝm kumi ka mǝzunggǝliban na, mǝnana kǝ yiu nǝ loasǝban aɓalǝ amǝ Yahudi aɓa ɓanza kat ka. Yì nda gbani mala amǝkpata Yesu, mǝnana à tunǝkia ama amǝ Nazarin ngga.

Amǝ Mishan 24:5 ပူးပေါင်းရင်းမြစ်များ

Matiu 10:25

Mǝ'eaulǝkigir ka ɓǝ̀ alte ɓǝ̀ kum do kǝla malǝm male, sǝ muna-ɓala ka ɓǝ̀ alte ɓǝ̀ kum do kǝla mǝtala-ɓala male. Ɓǝ̀ mǝtala-ɓala ka à tunǝi ama Murǝm mala akukwar ka, acili amǝɓala ka lullǝu mana à nǝ̀ tunǝia nǝi ka nǝ̀ ɓike nǝ̀ kutibanì!

Matiu 2:23

Nda à wario à kya do a ɓekǝ la mǝnana à tunǝki ama Nazarat ka. Mǝnia ka nda lumsǝ cau mala amǝ'ɓangna mala Ɓakuli mana ama, “À nǝ̀ tunǝi ama ɓwa Nazarat.”

Markus 1:24

“We Yesu ɓwa Nazarat, mana a earkiyice arǝ sǝm? A yiua kiɗiki sǝm, a nǝ mal sǝm le? Ən surǝo, a nda Ɓwa Mǝfele mala Ɓakuli!”

Luka 23:19

(Barabbas ka ɓeɓwa na à oasǝi a ndàkurban ace loasǝ munǝo mǝnana kumban aɓa Urǝshalima, sǝ ace wal-lú ɗǝm.)

Luka 23:2

Pǝlǝa à tita tsǝki wi acau a rǝì ama, “Sǝm kum mǝnia yì ɓwa ka aban soakita aɓwana, ama ɓǝa kǝa pe Kaisar, murǝm mǝgule mala amǝ Roma, boalo-cemi ɗang. Ɗǝm ngga kǝ na ama, yì ka, nda Kǝrǝsti, Mǝ'amsǝban mǝnana Ɓakuli turi ka, sǝ kǝ ne rǝì ama murǝm na.”

Luka 23:25

Panzǝia wia ɓwa mǝnana à earce ka ɓǝ̀ o, yì ɓwa mana à turi a ndàkurban ace loasǝ munǝo andǝ wal-lú ka. Sǝ twal Yesu pea wia ɓǝa pakki wi gir mǝnana bumia kànì ka.

Luka 23:5

Pǝlǝa à ginǝ kpekpe ama, “Kanigir male aɓa nzali Yahudi kǝ tsǝk aɓwana ɓǝa loasǝ munǝo arǝ amǝ'talanzali Roma. Tita mǝnia yì gir ka a Galili, ndya yi bwalǝna ban man kat.”

Amǝ Mishan 15:5

Sǝ aɓea amǝkwaɗi amǝ Yahudi mana à nda bui mala amǝ Farisi ka, à lo à came, à na ama, “Aɓwana mana amǝ Yahudi na raka, mana à pǝlǝ amǝkwaɗi ka, dumǝna púp à nǝ̀ kasǝia ɓatea, sǝ à nǝ̀ kpata Nggurcau mala Musa.”

Amǝ Mishan 21:28

À mak gawan bang-bang aban na ama, “Wun amǝ Isǝrayila! Wu bwala sǝm! Mǝnia yì ɓwa ka nda mǝnana kǝ kania aɓwana arǝ aban kat ɓǝa ɓǝsǝki amǝ Isǝrayila ka. Kǝ kania wia ɓǝa kǝa kpata Nggurcau mala Musa ɗǝm ɗang, sǝ ɓǝa kǝa pa gulo arǝ Ndàmǝgule mǝnia ka ɗǝm ɗang. Ndya yina nǝ aɓwana mǝnana amǝ Yahudi na raka aɓa Ndàmǝgule mala Ɓakuli, yi pǝndǝkina ce ban mǝfele mǝnia ka!”

Amǝ Mishan 22:22

Ɓwapǝndǝa kwaki kiri, yi bwal ban mǝnana Bulǝs na mǝnia yì cau ka, pǝlǝa à lo loasǝban nǝ giu kpǝm aban na ama, “Wu wali ɓǝ̀ wu! Yì ka, kārǝa ɓǝ̀ dum nǝ yilǝmu ɗang!”

Amǝ Mishan 24:14

Ən earǝna mbak ama ǝn nggǝ kpata Ɓakuli mala aká sǝm, aɓa kpata Njar mǝnana yia ka à twali ama mǝɓafoe na raka. Sǝ mim ngga ǝn earnǝ agir kat mǝnana à gilǝa aɓa Nggurcau mala Musa andǝa mǝnana aɓalǝa Malǝmce mala amǝ'ɓangna mala Ɓakuli ka.

Amǝ Mishan 24:4

Sǝa ma ǝn earce nǝma mǝ nǝ po aulǝa ɗang, ace mani ka, ǝn nggǝ zǝmbǝo, twal gandǝa nǝ sǝm, ok cau mǝnana sǝm nǝ̀ na bǝti ka.

Amǝ Mishan 25:7

Lang Bulǝs yina ka, amǝ Yahudi mǝnana à pur a Urǝshalima sǝ à yiu ka, à yì kàrǝì a ɓalǝu. À kǝ naki acau mala agir mǝɓane amuri kǝrkǝr, a ɓadǝm Festus, sǝ à gandǝ bang kǝgir mǝnana nǝ̀ lǝmndǝ ama acau mǝnana à nakia amuri ka, mǝsǝcau na ka ɗang.

Amǝ Mishan 26:5

À surǝna rǝam ɗiɗyal, ɓǝà nǝ̀ na ama à nǝ̀ na mǝsǝcau ka, ama, a tite ɗiɗyal a do mem ngga, mǝ nda aɓa nggǝsanyi mala amǝ Farisi, aɓwana mǝnana à kǝ kpata akuncau andǝ anzongcau mala peri ma'sǝm kat, nǝ tsǝk kiru pepe ka.

Amǝ Mishan 28:22

Sǝa ma sǝm ngga sǝm nggǝ earce surǝ gir mǝnana a ndanǝi a bumo ka, acemǝnana sǝm sǝlǝna ama arǝ aban kat aɓwana kǝ naki acau mǝɓane amur mǝnia yì njargula kpata Yesu ka.”

Amǝ Mishan 5:17

Pǝlǝa Pǝris mǝgule andǝ aɓwana mǝnana ate, mǝnana à nda bui mala amǝ Saduki ka, à lo nǝ mɓali kǝrkǝr arǝ amǝ'mishan.

Amǝ Mishan 6:13

Pǝlǝa à loasǝ aɓea aɓwana ɓǝa na nyir amuri ama, “Mǝnia yì ɓwa ka, koya pwari ka nda mur na mǝɓane amur Ndàmǝgule mala Ɓakuli andǝ Nggurcau mala Musa.

1 Amǝ Korinti 11:19

Dumǝna púp kun wun nǝ̀ gakia, ace mǝnana aɓwana mǝnana aɓalǝ wun nǝ mǝsǝcau mala Ɓakuli ka, ɓǝa surǝia.

1 Amǝ Korinti 4:13

Ɓǝ̀ aɓwana tsǝka sǝm cau arǝ sǝm ngga, sǝm nyesǝia wia nǝ cau mǝɓukɓuki. Sǝm ado ka, sǝm nda ka gir ɓeami mala ɓanza, sǝm ndaka agir mǝnana à sukkia a gigi a ɓanza, ko ado ka!

1 Bitǝrus 2:19

Ɓakuli ka, bumi kǝ pwasǝ arǝ wun, ɓǝ̀ wu pak gir mǝnana wu sǝlǝ ama mǝɓoarne na, sǝ wu kǝ shakminǝu nǝ munyi aɓa mǝɓane mǝnana kǝ kum wun ata pemǝɓoarne ka.