Amǝ Mishan 24:25 - Maləmce Məfele mala Ɓakuli: Kurcau Məbəshe

²⁵ Sǝ lang Bulǝs kutia na cau amur ɓealɓoarna, andǝ bwalɓamuru, andǝ ɓashi mala Ɓakuli mǝnana nǝ̀ yiu ka, Felis ka nggea ɓangciu pakki wi, nda na ama, “Karǝna anggo, a nǝ gandǝ o ado. Mǝ nǝ nyare mǝ nǝ tunǝo ɗǝm ɓǝ̀ ǝn kumǝna dǝmbǝu ka.”

Amǝ Mishan 24:25 ပူးပေါင်းရင်းမြစ်များ

Matiu 22:5

Amǝnia yì aɓwana à tunǝia ka à tsǝk kiria ɗang, à kutia pakkia agir malea mana ɓoaria wia ka. Ɓe ɓwa ka o a ɓaban male, sǝ ɓeɓwa ka o aban kurkuro male.

Yohana 16:8

Sǝ ɓǝ̀ yina ka, nǝ̀ yia pusǝta aɓwana a ɓanza, nǝ̀ lǝmndǝia wia ɓwarkio mala ɗenyicau malea amur cauɓikea, andǝ gir mana nda anjari, sǝ amur ɓashi mala Ɓakuli mana kǝ yiu ka.

Amǝ Mishan 10:42

Pǝlǝa tsǝk sǝm ɓǝ̀ sǝm hamnǝ Cau Amsǝban aban aɓwana sǝ ɓǝ̀ sǝm lǝmndǝia wia ama yì ka, nda mǝnana Ɓakuli twali ɓǝ̀ do mǝɓashi mala aɓwana mana nǝ yilǝmu andǝ amana à wuna ka.

Amǝ Mishan 17:13

Lang amǝ Yahudi mana a Tasalonika ongŋǝna ama a Bulǝs na ban hamnǝ cau mala Ɓakuli a Biriya ka, à yiu abanì à yì soakita aɓwana kam pas, à lo loasǝban.

Amǝ Mishan 17:2

Kǝla mana pakkiyi ka, Bulǝs pǝlǝa kutio a ndakpapi mala amǝ Yahudi. Abanì ka, twal apwari Sabbat tārú, à camarǝ sǝnggi acau aɓa Malǝmce mala Ɓakuli andǝ aɓwana,

Amǝ Mishan 17:32

Lang à ok Bulǝs na cau mala loapi ɓembe nǝ yilǝmu ka, aɓea aɓwana aɓalǝia nyesǝ cau mǝnana Bulǝs bang ngga cau oalban na. Acilia ka à na ama, “Sǝm nggǝ earce ama she a ɓe kǝ pwari sǝ wu yi bangga sǝm cau ɗǝm amur mǝnia yì gir ka.”

Amǝ Mishan 2:37

Lang amǝnia yia aɓwana ok anggo ka, cau tǝmia a ɓabumia kǝrkǝr, sǝ à ne Bitǝrus andǝ acilia amǝ'mishan ama, “Amǝ'eam sǝm, mana ɓoaro ɓǝ̀ sǝm pa?”

Amǝ Mishan 24:15

Tsǝkɓalǝu mem arǝ Ɓakuli ka mǝ'mwashati na andǝ mǝnana aɓwana man ndanǝi arǝ Ɓakuli ka, ama nǝ̀ loasǝ amǝ cauɓoarna andǝ amǝ cauɓikea a ɓembe.

Amǝ Mishan 24:26

Yì gbal ka tsǝk ɓalǝi ko Bulǝs nǝ̀ pe wi boalo. Nda gir mǝnana tsǝa, pak ka nǝ̀ tunǝ Bulǝs nǝ̀ yiu à kǝ na cau andǝi.

Amǝ Mishan 26:28

Pǝlǝa Agǝripa ne Bulǝs ama, “Aɓa do mǝnia mgbeatuk ka nda a kǝ sǝni kǝla a nǝ nunam ɓǝn duk kǝrǝsta ka le?”

Amǝ Mishan 9:6

Sǝ ado ka lo, kutio a nggeala, à nǝ̀ ngga banggo gir mǝnana a wu nǝ pak ka.”

Amǝ Roma 12:1

Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.

Amǝ Roma 14:12

Mǝno ka lǝmndǝ ama ko yana ata sǝm ngga, nǝ̀ bǝl kuni nǝ ɓamuri aban Ɓakuli.

Amǝ Roma 2:16

Sǝ mǝnia ka nda Cau Amsǝban mǝnana ǝn nggǝ hamnǝi ka, ama pwari na kǝ yiu ka, mana Ɓakuli nǝ̀ ɓashi aɓwana amur aɗenyicau ɓa-sǝmbǝrǝa malea nǝ bu Yesu Kǝrǝsti.

1 Amǝ Korinti 4:5

Ace mani ka, wu kǝa ak dǝmbǝa pakki kǝɓwa ɓashi sǝ pwari nì bwal ɗang. Wu kundǝo she pwari mǝnana Mǝtalabangŋo nǝ̀ yiu nǝi ka. Yì nǝ nggeari, nǝ̀ pusǝ a banfana agir mǝnana aɓwana kǝ pakkia aɓa pǝndǝa ka; nǝ̀ pusǝta agir ɓa-sǝmbǝrǝa mǝnana a ɓabum aɓwana ka. A pwari mǝno sǝ aɓwana mǝnana kat à pak mǝɓoarne ka, à nǝ̀ kum ɓwangsǝban aban Ɓakuli.

2 Amǝ Korinti 5:10

Acemǝnana sǝm kat ka, dumǝna púp sǝm nǝ̀ ngga came, sǝ do ma'sǝm nǝ̀ lǝmndǝ kwas, a ɓadǝm buno pak ɓashi mala Kǝrǝsti. Ko yan ata sǝm ngga nǝ̀ kum gir mana kārǝa arǝ gir mǝnana pè aɓa mǝnia yì nggūrǝu a ɓanza ka, ko mǝɓoarne ko mǝɓike.

2 Amǝ Korinti 6:2

Ɓakuli ka, kǝ bangŋa ama: “Àkǝ̀ bu-pwari mala lǝmndǝ earmuru mem ngga, ǝn oeo. Lang pwari mala amsǝo yina ka, ǝn dupo gbasha.” Sǝni! Ado mǝno ka ndà pwari mǝnana Ɓakuli kǝ lǝmndǝ earmuru male ka; yalung ndà pwari amsǝban.

Amǝ Galati 3:22

Sǝ Malǝmce ka, bangŋa ama sǝm kat ka, sǝm nda aɓata kùrban mala cauɓikea. Kǝ njargula mǝnana sǝm nǝ̀ kum panzǝban nǝi, mǝnana Ɓakuli pacau ace ka, nda mǝnana ama ɓǝ̀ sǝm pa ɓamur sǝm aban Yesu Kǝrǝsti ka.

Amǝ Galati 5:23

andǝ ɓukɓuka, sǝ bwalrǝu. Ɓe kǝ nggurcau pà kàm amur amǝnia yia agir ka ɗang.

2 Timoti 4:1

Ən nggǝ nunkiro a ɓadǝm Ɓakuli andǝ Kǝrǝsti Yesu, mǝnana nǝ̀ yia ɓashì aɓwana mǝnana à ndanǝ yilǝmu andǝ amǝnana à wuna ka, a pwari yiu male mǝnana nǝ̀ yiu a dumsǝ domurǝm male ka.

Titus 1:8

A kun mani ka, dumǝna púp ama nǝ̀ duk mǝ'ak aɓwana, andǝ mǝ'earce gir mǝnana mǝɓoarne na ka. Yì ka, nǝ̀ dum nǝ bwalɓamuru, andǝ came amur mǝsǝcau, andǝ do tar ɓamuru ace Ɓakuli, andǝ hamírǝu.

Amǝ Ibǝru 12:21

Mǝno yì gir à sǝn ngga, kàrmuria kǝ̀rkǝ́r, gandǝa Musa na ama, “Ɓangciu ciem rǝam kǝ ɓǝla.”

Amǝ Ibǝru 3:13

Dumǝna ama wu nǝ̀ nggǝ ɓak ɓabum arǝ wun a koya pwari mǝnana à nǝ̀ tunǝi ama “Yalung” ngga, ace mǝnana ɓǝ̀ cauɓikea ɓǝ̀ kǝa swarki kǝ̀ ɓwa ata wun, ɓǝ̀ dum nǝ murcandǝa arǝ Ɓakuli ɗang.

Amǝ Ibǝru 4:1

Sǝ acemǝnana pàcau mala kutio aɓa usǝlǝo mala Ɓakuli na kam piu ka, ɓǝ̀ sǝm parkir sǝm, ɓǝ̀ kǝa do ama à nǝ̀ kum kǝɓwa ata wun mǝnana nǝ̀ ɗwanyi kutio ka ɗang.

Amǝ Ibǝru 6:2

Sǝ ɓǝ̀ sǝm ngga camarǝ ɓǝsǝlǝki kanigir amur batisǝma, andǝ tsǝkbu amur aɓwana, andǝ lo mala alú, andǝ amur kasǝ ɓashi mǝnana masǝlǝate pà kàm raka ɗang.

Amǝ Ibǝru 9:27

Sǝ kǝla mǝnana à tsǝngŋǝna ama ɓwa nǝ wu kusǝ mwashat, sǝ anzǝm man ngga nǝ̀ came a ɓadǝm ɓashi ka,

Jemis 2:19

A ear ama Ɓakuli na mwashat; a pangŋa pepe. Sǝ ko nggearǝ akukwar gbal ka à earǝna nǝ mǝnia, sǝ rǝia kǝ ɓǝla ace ɓangciu.

1 Bitǝrus 3:15

Wun ngga, wu kǝ pe Kǝrǝsti gulo a ɓabum wun, ɓǝ̀ duk Mǝtala wun. Wu do aɓa gilǝrǝu ko aya pwari ka, ace bǝli ko ya ɓwa na ɗi wun ce tǝ́r tsǝkɓalǝu mǝnana wu ndanǝi aɓa kwaɗi ma'wun ngga.

2 Bitǝrus 1:6

surǝgir ka wu gbashite nǝ bwalrǝu; bwalrǝu ka wu gbashite nǝ gandǝrǝu; gandǝrǝu ka wu gbashite nǝ do ɓanggi Ɓakuli.

1 Yohana 3:10

Mǝnia ka, nda gir mǝnana gakita amuna mala Ɓakuli andǝ amuna mala Shetan ngga: Ɓwa mǝnana kat kǝ pak cauɓoarna raka, muna mala Ɓakuli na ɗang, anggo sǝ ɓwa mǝnana kǝ earce mǝ'eambǝi raka, yì gbal ka muna mala Ɓakuli na ɗang.

1 Yohana 3:7

Wun amunem, wu kǝa eare ɓǝ̀ kǝɓwa ɓǝ̀ ɓosǝki wun ɗang: Ɓwa mǝnana kat kǝ pak mǝɓoarne ka, mǝ'cauɓoarna na, kǝla mǝnana Kǝrǝsti ka mǝ'cauɓoarna na ka.