Amǝ Mishan 24:22 - Maləmce Məfele mala Ɓakuli: Kurcau Məbəshe

²² Pǝlǝa Felis, mǝtala-nzali mǝnana sǝlǝna cau mala kpata Njar mala Yesu ka, gìr cau, bangŋa ama, “Ɓǝ̀ mǝsarǝban mala asoje, yì Lisiyas yina ka, sǝ mǝ nǝ kasǝ cau ma'wun.”

Amǝ Mishan 24:22 ပူးပေါင်းရင်းမြစ်များ

Matiu 2:7

Hirǝdus pǝlǝa tunǝ amǝ'sǝlǝgir mǝnia ka aɓa sǝmbǝrǝa sǝ ɗia pepe pwari mana à sǝna nleroe nǝi ka.

Amǝ Mishan 18:20

Aɓea aɓwana aɓalǝia à zǝmbǝi Bulǝs, ɓǝ̀ pak anonggeo pas, sǝ ɓine.

Amǝ Mishan 19:40

Kǝla mǝnana nda kam ado ka, mǝnia yì gir mǝnana kumban yalung ngga, tsǝngŋǝna sǝm aɓa ɓangciu ama, amǝtala nzali nǝ̀ gandǝ tsǝka sǝm cau mala loasǝ munǝo mala ɓwabunda. Acemǝnana sǝm pànǝ kun nacau sǝm nǝ̀ na tǝr gir mana yinǝ mǝnia yì came mala la andǝ zurǝki ka ɗang.

Amǝ Mishan 24:10

Nggwamna pǝlǝa lǝmndǝì Bulǝs bu ɓǝ̀ na cau. Bulǝs pǝlǝa pǝlǝ cau ama: We ɓwamǝgule, ǝn sǝlǝna nǝma arǝ apǝlǝa pas a ndaban pak ɓashi a nzali man, ace mani ka mǝ ndanǝ banɓoarnado ɓǝ̀ ǝn bǝl kunam a ɓadǝmbǝo.

Amǝ Mishan 24:14

Ən earǝna mbak ama ǝn nggǝ kpata Ɓakuli mala aká sǝm, aɓa kpata Njar mǝnana yia ka à twali ama mǝɓafoe na raka. Sǝ mim ngga ǝn earnǝ agir kat mǝnana à gilǝa aɓa Nggurcau mala Musa andǝa mǝnana aɓalǝa Malǝmce mala amǝ'ɓangna mala Ɓakuli ka.

Amǝ Mishan 24:24

Anzǝm aɓea anonggeo ka Felis nyare yiu andǝ mami, Durǝsǝla mǝnana ɓwa Yahudi na ka. Pǝlǝa turban à tunǝ Bulǝs, yi kwaki kiri oe na cau amur paɓamuru aban Kǝrǝsti Yesu.

Amǝ Mishan 24:6

Yi ɓariki nǝ̀ pakki aɓea agir aɓa Ndàmǝgule mala Ɓakuli nǝ̀ nyesǝ ce ɓà; nda sǝm bwali ka.

Amǝ Mishan 25:26

Sǝ mim ngga, ǝn panǝ ɓe kǝgir mǝnana mǝ nǝ gilǝ amuri aban ká aban Kaisar ka ɗang. Nda gir mǝnana tsǝa sǝ ǝn yiu nǝi a ɓadǝm wun, a nggearǝ ɓadǝmbǝo, we Murǝm Agǝripa ka! Anzǝm mǝnana sǝm ongŋǝna, à bǝlkina ɓa cau male ka, mǝ nǝ gandǝ kum gir mǝnana mǝ nǝ gilǝa amuri ka.

Amǝ Mishan 26:3

Nggeamurǝmi ata agir mǝnana ɓoar nǝi ka, nda mǝnana ama we ka, a surǝna rǝ cau mala akuncau andǝ akunɓuana mala amǝ Yahudi. Ace mani ka ǝn nggǝ zǝmbǝo, kwaki kiro oem, nǝ munyi.

Amǝ Mishan 9:2

kya zǝmbǝi wi ɓǝ̀ pe wi acautera aban ká aban aɓwana-mǝgule mala andakpapi mala amǝ Yahudi, mana a nggeala Damaska ka. Pa anggo ace mǝnana ɓǝa eari wi, ɓǝ̀ wario sǝ kum koya ɓwa, mana kǝ kwaɗi Njar mala Mǝtalabangŋo, ko aburana ko amamǝna ka, nǝ̀ bwalkia, nǝ̀ tākia abuia nǝ̀ um nǝia a Urǝshalima.