Amǝ Mishan 24:14 - Maləmce Məfele mala Ɓakuli: Kurcau Məbəshe

¹⁴ Ən earǝna mbak ama ǝn nggǝ kpata Ɓakuli mala aká sǝm, aɓa kpata Njar mǝnana yia ka à twali ama mǝɓafoe na raka. Sǝ mim ngga ǝn earnǝ agir kat mǝnana à gilǝa aɓa Nggurcau mala Musa andǝa mǝnana aɓalǝa Malǝmce mala amǝ'ɓangna mala Ɓakuli ka.

Amǝ Mishan 24:14 ပူးပေါင်းရင်းမြစ်များ

Matiu 10:32

Ɓwa mǝnana bang paɓamuru male a rǝam a dǝmbǝ aɓwana ka, mǝ nǝ twalce gbal ama yì ka, memna a ɓadǝm Tárram mǝnana a kuli ka.

Matiu 22:40

Nggurcau kat andǝ Akanigir mala amǝ'ɓangna mala Ɓakuli ka, à do amur anzongcau mǝnia ɓari ka.

Matiu 7:12

Aɓa gir kat ka, pakki aɓwana agir mǝnana a earkiyice ama ɓǝa pakko ka. Mǝnia ka nda ɓa Nggurcau mala Musa andǝ kanigir mala amǝ'ɓangna mala Ɓakuli.

Luka 1:70

Pe kǝla mǝnana bangŋa a kun amǝ'ɓangna male mǝfele ɓara-ɓara ka.

Luka 16:16

Nggurcau mala Musa andǝ amalǝmce mala amǝ'ɓangna mala Ɓakuli ka à nǝ̀ bwalkiyia wun gara ba yiu mala Yohana Mǝbatisǝma. Lo arǝ abaku mǝno ka sǝ à camarǝ hamnǝ cau Mǝɓoarne mala Domurǝm mala Ɓakuli, sǝ ko yan ngga kǝ ɓariki kǝrkǝr nǝ kutio kam.

Luka 16:29

Ibǝrayim eari wi ama, “A Musa andǝ amǝ'ɓangna mala Ɓakuli na kano abania, ɓǝa kwaki kiria a rǝia.”

Luka 24:27

Pǝlǝa tite nǝ Nggurcau mala Musa andǝ Kanigir mala amǝ'ɓangna mala Ɓakuli kat, bǝlkia wia ɓalǝ acau mǝnana à gilǝia aɓalǝ Amalǝmce amuri ka.

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Yohana 1:45

Filip alta Nataniyel yi kumi sǝ ne wi ama, “Sǝm kumǝna ɓwa mǝnana Musa gilǝgir amuri aɓa malǝmce Nggurcau mala Musa, andǝ mǝnana à gilǝa aɓa malǝmce mala amǝ'ɓangna mala Ɓakuli ka, yì Yesu ɓwa Nazarat, muna mala Yisǝfu.”

Amǝ Mishan 10:43

Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.

Amǝ Mishan 13:15

Anzǝm ɓalgir aɓa Nggurcau mala Musa andǝ malǝmce mala amǝ'ɓangna mala Ɓakuli ka, aɓwana-mǝgule mala ndakpapi tasǝ cau abania ama, “Wun amǝ'eamrǝarǝu, ɓǝ̀ wu ndanǝ kǝcau kwarkiru ace aɓwana ka, wu yiu, wu yi ne.”

Amǝ Mishan 15:5

Sǝ aɓea amǝkwaɗi amǝ Yahudi mana à nda bui mala amǝ Farisi ka, à lo à came, à na ama, “Aɓwana mana amǝ Yahudi na raka, mana à pǝlǝ amǝkwaɗi ka, dumǝna púp à nǝ̀ kasǝia ɓatea, sǝ à nǝ̀ kpata Nggurcau mala Musa.”

Amǝ Mishan 19:23

Àkǝ̀ ɓalǝ anonggeo mǝno ka, nggea loasǝban lo kǝrkǝr aɓa Afisu amur cau mala kpata Njar mala Mǝtalabangŋo.

Amǝ Mishan 19:9

Sǝ aɓea aɓwana ka à candǝkicau à ɓinǝ paɓamuria, à kǝ naki acau mǝɓane amur Njar kpata Mǝtalabangŋo, a ɓadǝmbǝ aɓwana. Pǝlǝa Bulǝs ɗekia, pwan amǝkpata Yesu à o andǝia, sǝ a koya pwari ka kǝ sǝnggi ɓalǝ acau andǝia aɓa ndà-kanigir mala Tiranus.

Amǝ Mishan 22:14

Pǝlǝa na ama, “Ɓakuli mala aká sǝm tàrrǒ ace mǝnana wu surǝ kànì male. Tàrno wu sǝn Ɓwa male Mǝɓealɓoarna, yì Mǝ'amsǝban, sǝ wu ok gi aban na cau.

Amǝ Mishan 24:22

Pǝlǝa Felis, mǝtala-nzali mǝnana sǝlǝna cau mala kpata Njar mala Yesu ka, gìr cau, bangŋa ama, “Ɓǝ̀ mǝsarǝban mala asoje, yì Lisiyas yina ka, sǝ mǝ nǝ kasǝ cau ma'wun.”

Amǝ Mishan 24:5

Man yì ɓwa ka sǝm kumi ka mǝzunggǝliban na, mǝnana kǝ yiu nǝ loasǝban aɓalǝ amǝ Yahudi aɓa ɓanza kat ka. Yì nda gbani mala amǝkpata Yesu, mǝnana à tunǝkia ama amǝ Nazarin ngga.

Amǝ Mishan 25:8

Pǝlǝa Bulǝs bǝl kuni na ama: “Mim ngga ǝn pak ma kǝgir mǝɓane arǝ Nggurcau mala amǝ Yahudi, ko arǝ Ndàmǝgule mala Ɓakuli, ko arǝ Nggwamnati mala Roma ka ɗang.”

Amǝ Mishan 26:22

Sǝ ba yalung ngga, Ɓakuli ka bwalàm nggàm, nda gir mǝnana tsǝa ado sǝ ǝn kumo ǝn came akani, ǝn nggǝ nakunam aban aɓwana kat, ɓwa mǝkyauwe andǝ ɓwamǝgule. Sǝ gir mǝno ado ǝn nggǝ na ka nda kǝgir mǝnana amǝ'ɓangna mala Ɓakuli andǝ Musa bangŋa ama nǝ̀ yia pur ka.

Amǝ Mishan 26:27

Murǝm Agǝripa, a earnǝ acau mala amǝ'ɓangna mala Ɓakuli mǝnana a gilǝ ka le? Ən sǝlǝna nǝma a ear nǝia!”

Amǝ Mishan 26:4

Amǝ Yahudi kat ka, à sǝlǝna rǝ do mem, lo a muntulo mem aɓa nzali mem andǝ mǝnana a Urǝshalima nǝ nzǝmo ka.

Amǝ Mishan 26:6

Sǝ a dyan ngga, mǝ ndya ǝn came à kǝ ɓashiam ace tsǝkɓalǝu mǝnana mǝ ndanǝi arǝ lumsǝo mala cau mala Ɓakuli mǝnana banggi aká sǝm ngga.

Amǝ Mishan 28:22

Sǝa ma sǝm ngga sǝm nggǝ earce surǝ gir mǝnana a ndanǝi a bumo ka, acemǝnana sǝm sǝlǝna ama arǝ aban kat aɓwana kǝ naki acau mǝɓane amur mǝnia yì njargula kpata Yesu ka.”

Amǝ Mishan 28:23

Pǝlǝa à tsǝk pwari mǝnana à nǝ̀ yia dum nǝi andǝa Bulǝs ka. Aɓwana pas yiu a pwari mǝno aban mǝnana Bulǝs duk kam ngga. Twal a dǝmbari yi bwal a pwarikpǝra, Bulǝs bǝlia wia ɓa cau male amur Domurǝm mala Ɓakuli. Bulǝs ɓariki nǝ̀ cia ɓǝa paɓamuria aban Yesu, nǝ̀ nun ɗenyicau malea arǝ acau mǝnana Nggurcau Mala Musa andǝ agir mǝnana amǝ'ɓangna mala Ɓakuli gilǝ ka.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

Amǝ Mishan 5:30

Ɓakuli mala aká sǝm na loasǝ Yesu a ɓembe, anzǝm mǝnana wu gballì amur nggun-gangndi, wu wal-luí

Amǝ Mishan 7:32

“Mǝ nda Ɓakuli mala akeo, Ɓakuli mala Ibǝrayim, andǝ Ishaku, sǝ Yakupu.” Rǝ Musa twal ɓǝla nǝ ɓangciu, gandǝ loasǝ mǝsǝì nǝ̀ sǝnban ɗang.

Amǝ Mishan 9:2

kya zǝmbǝi wi ɓǝ̀ pe wi acautera aban ká aban aɓwana-mǝgule mala andakpapi mala amǝ Yahudi, mana a nggeala Damaska ka. Pa anggo ace mǝnana ɓǝa eari wi, ɓǝ̀ wario sǝ kum koya ɓwa, mana kǝ kwaɗi Njar mala Mǝtalabangŋo, ko aburana ko amamǝna ka, nǝ̀ bwalkia, nǝ̀ tākia abuia nǝ̀ um nǝia a Urǝshalima.

Amǝ Roma 1:9

Ɓakuli mǝnana ǝn nggǝ pakki wi turo nǝ ɓabumam kat, aɓa hamnǝ Cau Amsǝban mala Muni ka, nda mǝ'nakunam ama ǝn nggǝ pak hiwi ace wun tutu.

Amǝ Roma 3:21

Sǝ a dyan ngga Ɓakuli lǝmndǝna njargula mǝnana aɓwana nǝ̀ duk amǝɓoarne abani nǝi ka, pa a tarǝia andǝ pak gir mǝnana Nggurcau bang ngga ɗang, kǝla mǝnana Nggurcau mala Musa andǝ amǝ'ɓangna mala Ɓakuli nakun amuri ɗiɗyal ka.

1 Amǝ Korinti 11:19

Dumǝna púp kun wun nǝ̀ gakia, ace mǝnana aɓwana mǝnana aɓalǝ wun nǝ mǝsǝcau mala Ɓakuli ka, ɓǝa surǝia.

Amǝ Galati 5:20

andǝ kpata agir mala alú, andǝ pakkia agir monzǝo, andǝ ɓinǝ-mǝsǝarǝu, andǝ munǝki arǝarǝu, andǝ mɓali, andǝ nggea bumlulla mǝɓane, andǝ earce ɓamuru, andǝ gakitarǝu, andǝ tarki rǝarǝu,

2 Timoti 1:3

Du andǝ pwari ka, ǝn nggǝ ɗenyi nǝ we aɓalǝ ahiwi mem. Ən nggǝ pakki Ɓakuli yàwá, yì Ɓakuli mǝnana ǝn nggǝ kpate nǝ ɓabum mǝɓoarnsari, kǝla mǝnana akêm pak ka.

Titus 3:10

Ɓwa mǝnana kǝ yinǝ gakia ka, kanì a nunkiri kusǝ mwashat, andǝ ɓaria, sǝ nggaɗi raka, nying buo arǝ ɓwe.

1 Bitǝrus 1:11

À alte à nǝ̀ surǝ pwari mǝnana Bangŋo mala Kǝrǝsti mana aɓalǝia nakiyicau amuri ka. Bangŋo mala Kǝrǝsti ak dǝmbǝa lǝmndǝia wia, atanni mǝnana Kǝrǝsti nǝ̀ yia nu sǝ nǝ̀ kutia ɓoarɓwa male ka, sǝ lang sǝ mǝnia yì gir ka nǝ̀ yia pǎ.

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”