Amǝ Mishan 23:9 - Maləmce Məfele mala Ɓakuli: Kurcau Məbəshe

⁹ Loasǝban lo kǝrkǝr a rǝarǝia, sǝ aɓea amalǝm nggurcau mǝnana à nda ata amǝ Farisi ka, à lo, à kutia makgir mǝcande. À bangŋa ama: “Sǝm sǝn kǝgir mǝɓane mǝnana ɓwa man pe ka ɗang! Ear ka bangŋo, ko mǝturonjar na ne wi cau ka!”

Amǝ Mishan 23:9 ပူးပေါင်းရင်းမြစ်များ

Markus 2:16

Lang amalǝm Nggurcau mala Musa mǝnana amǝ Farisi na, à sǝn Yesu aban lili andǝ amǝ'cauɓikea andǝ amǝcemi ka, à ɗi ka laggana male ama, “Palang sǝ kǝ lili andǝ amǝcemi andǝ amǝ'cauɓikea?”

Luka 23:22

Bilatus nyar tāruia ka nea wia ama, “Ace mana le? Ya cauɓikea na mǝnia yì ɓwa ka pa? Ən kum kǝ mǝɓane mǝnana ɓǝa wal-lui ace ka ɗang. Ace mani ka mǝ nǝ kwe sǝ mǝ nǝ nyi ɓǝ̀ o.”

Luka 23:4

Pǝlǝa Bilatus ne agbani pǝris andǝ aɓwana ama, “Ən kum kǝgir mǝɓane arǝ mǝnia yì ɓwa ka ɗang.”

Luka 5:30

Sǝ aɓea amǝ Farisi andǝ amalǝm Nggurcau malea nggwani aban alaggana mala Yesu ama, “Palang sǝ wu kǝ lili, wu kǝ nuki agir wunǝ amǝ'ak boalo-cemi andǝ amǝ'cauɓikea, aɓwana mǝnana à kǝ kpata Nggurcau mala Musa raka.”

Yohana 12:29

Lang ɓwabunda mǝnana à cam abanì à ok man yì giu ka, cilia twali ama mgbarangce na. Aɓea ɓwana ka à bangŋa ama, “Mǝturonjar mala Ɓakuli na ne wi cau ka!”

Amǝ Mishan 11:17

Sǝ acemǝnana Ɓakuli pea aɓwana mana amǝ Yahudi na raka, ɓoro mǝ'mwashati andǝ mana pa sǝm, sǝm mǝnana sǝm pana ɓamur sǝm aban Mǝtalabangŋo Yesu Kǝrǝsti ka, mǝ nda yana sǝ mǝ nǝ ginǝ pě mala Ɓakuli!

Amǝ Mishan 22:6

A ɓe fara mǝ nda mur njar aban ká, ǝn gbashina nggeala Damaska, nǝ pwari zǝkia. Kaniama ɓalǝam nǝ̀ kasǝ ka, kara nggea tǎlaban karara, pur nǝ kuli yi tá gumbǝlǝem.

Amǝ Mishan 22:7

Ən kasǝa ǝn kpa a nzali, sǝ ǝn ok giu aban nam ama, “Sawul, Sawul! Ace mana sǝ a kǝ pam tanni?”

Amǝ Mishan 23:29

Sǝ ǝn yi sǝlǝ ama ce ka, cau mala nggurcau mala kwaɗi malea na; sǝ ce ka, kārǝa ɓǝa kùr ɓwa ko à nǝ̀ wal-lú ɓwa ace ɗang.

Amǝ Mishan 23:8

Amǝ Saduki ka à kǝ na ama ɓwapǝndǝa pa nǝ̀ loapi ɓembe anzǝm lú ɗang, amǝturonjar ko abangŋo gbal ka à pà kàm ɗang. Sǝ amǝ Farisi ka à ear ama amǝno kat ka à ndakam.

Amǝ Mishan 25:25

Sǝ mim ngga ǝn kumi nǝ kǝ cau mǝɓane mǝnana à nǝ̀ ɓashi wi, ɓashi lú nǝi ka ɗang. Sǝ acemǝnana yì, nǝ́ ɓamuri alta o a dǝmbǝa nǝ cau aban Kaisar, yì murǝm mǝgule ka, ǝn náná, nǝma mǝ nǝ tasǝ te.

Amǝ Mishan 26:31

Sǝ kaniama à nǝ̀ puri ban ɓashi ka, à ne a rǝia ama, “Mǝnia yì ɓwa ka, pak ma kǝgir mǝnana à nǝ̀ wal-lui ace, ko à nǝ̀ kùrrì a ndàkurban ace ka ɗang.”

Amǝ Mishan 27:23

Aɓa bu du mǝnia kuti ka, mǝturonjar mala Ɓakuli mem mǝnana ǝn nggǝ peri abani ka, yiu abanam,

Amǝ Mishan 5:39

sǝ ɓǝ̀ pè mala Ɓakuli na yinǝ gir man ngga, wu pa wu nǝ̀ gandǝia ɗang, ɓǝa na raka, wu nǝ̀ ngga kum ɓamur rǝ wun aban munǝo arǝ Ɓakuli! Pǝlǝa kpapi kat kpata kwarkiru mala Gamaliyel,

Amǝ Mishan 9:4

Sawul puro kpa a nzali, pǝlǝa ok giu ne wi ama, “Sawul, Sawul, ace mana sǝ a kǝ pam tanni?”

1 Amǝ Korinti 10:22

Ko sǝm nggǝ earce loasǝì Mǝtalabangŋo mɓali le? Sǝm nggǝ sǝni ka, sǝm kutì nǝ rǝcandǝa le?