Amǝ Mishan 23:6 - Maləmce Məfele mala Ɓakuli: Kurcau Məbəshe

⁶ Lang Bulǝs yi sǝlǝ ama aɓea aɓwana ata amǝkurcau mǝno ka amǝ Saduki na sǝ acilia ka amǝ Farisi na ka, pǝlǝa loasǝ gi a kuli na ama, “Wun amǝ'eambǝam! Mǝ nda ɓwa Farisi, kǝla mǝnana akêm ngga amǝ Farisi na ka. À kǝ pakkam ɓashi yalung acemǝnana tsǝkɓalǝu mem ngga nda aɓa lo mala alú nǝ yilǝmu!”

Amǝ Mishan 23:6 ပူးပေါင်းရင်းမြစ်များ

Matiu 10:16

Mǝ ndya ǝn nggǝ tur wun kǝla anzur aɓalǝ anvwa bondo. Ace mani ka wu dum nǝ sǝlǝe kǝla an'yau, sǝ wu pak ɓukɓuk kǝla akutu.

Matiu 22:23

Àkǝ̀ pwari mǝno ka amǝ Saduki mǝnana à nakiyi ama loapi ɓembe pà kàm raka à yiu aban Yesu à yì ɗi ama,

Matiu 3:7

Sǝ lang Yohana sǝn amǝ Farisi andǝ amǝ Saduki à nǝ̀ nggǝ yiu pas abani ace mǝnana ɓǝa pakkia wia batisǝma ka, nea wia ama, “Wun amuna an'yau barya! Yan nun kir wun ama ɓǝ̀ wu ɓanggi ɓashi mala Ɓakuli mǝnana kǝ yiu ka?

Amǝ Mishan 22:3

Mim ngga mǝ nda ɓwa Yahudi. À ɓǝlam a nggeala Tarsus aɓa bu-nzali Sǝlisiya, sǝa ma ǝn gulo, sǝ à kaniam gir akani a Urǝshalima aɓata Gamaliyel. À kaniam Nggurcau mala aká sǝm nǝ kwarkiru pepe, ɓǝn kpata anzongcau kat ko mǝye na ka. Ən pa ɓamuram gbal nǝ rǝɓǝla mǝgule ace pe Ɓakuli gulo aɓa ko mana ǝn pak ka, kǝla mǝnana wu pa, wun mǝnana ado kat akani ka.

Amǝ Mishan 22:30

Ban fana ka, mǝsarǝban mala asoje tsǝa ama agbani pǝris andǝ amǝkurcau mala amǝ Yahudi kat ɓǝa yi kpapi. Kǝ earce surǝ mǝsǝrǝ gir mana tsǝa sǝ à tsǝki wi cau a rǝì ka. Ace mani ka, tsǝa a panzǝ nsolo mǝnana à kùrna Bulǝs nǝi ka, sǝ tamsǝi a ɓadǝmbǝia.

Amǝ Mishan 22:5

Nggearǝ Pǝris mǝgule andǝ aɓwana male ka à nǝ̀ earnǝ mim ama mǝ ndaban na mǝsǝcau. Acemǝnana a buia sǝ ǝn nggǝ ak acautera aban ká aban aɓwana-mǝgule amǝla-sǝm amǝ Yahudi mǝnana a Damaska ka. Tǝr wario mem ngga nda mǝnana ama, ɓǝn bwalki amǝ kpata Yesu, ɓǝn kurkia nǝ ansolo, ɓǝn yiu nǝia a Urǝshalima ace mǝnana ɓǝa yi pea wia tanni ka.

Amǝ Mishan 23:1

Bulǝs soa mǝsǝì arǝ amǝkurcau sǝ na ama, “Wun amǝ'eambǝam amǝ Isǝrayila! Mim ngga ǝn lumsǝna turo mem aban ká aban Ɓakuli, nǝ ɓabumam pwapwat yi puro a yalung.”

Amǝ Mishan 23:15

Ace mani ka, wun andǝ amǝkurcau wu turban nǝ cau aban mǝsarǝban mala asoje Roma ɓǝ̀ yiu nǝ Bulǝs aban wun ɗǝm. Wu lǝmndǝì wi kǝla wu ndaban earce wun nǝ̀ sǝnggi cau male kam pepe. Sǝ sǝm ngga sǝm nǝ̀ kumsǝi wi a njar sǝm nǝ̀ wal-lui.”

Amǝ Mishan 23:20

Mǝkina Bulǝs pǝlǝa ne wi ama, “Aɓwana-mǝgule mala amǝ Yahudi kùrna kunarǝia, à nǝ̀ yiu a zǝmbǝo li ama wu kyan nǝ Bulǝs aban amǝkurcau. À nǝ̀ lǝmndǝa kǝla amǝkurcau kǝ earce à nǝ̀ ɗiki à nǝ̀ ok mǝsǝcau pepe a kuni.

Amǝ Mishan 23:7

Lang bangŋǝna anggo ka, kara amǝ Farisi andǝ amǝ Saduki tita munǝo a rǝarǝia, sǝ kpapi gau banì ɓari.

Amǝ Mishan 24:15

Tsǝkɓalǝu mem arǝ Ɓakuli ka mǝ'mwashati na andǝ mǝnana aɓwana man ndanǝi arǝ Ɓakuli ka, ama nǝ̀ loasǝ amǝ cauɓoarna andǝ amǝ cauɓikea a ɓembe.

Amǝ Mishan 24:21

Kǝ cau mwashat mǝnana à nǝ̀ yiu nǝi a rǝam ngga nda mǝnana ama ǝn loasǝ giem aɓa ndaɓashi aban na ama: “Mǝ ndaban cam ɓashi a ɓadǝm wun yalung ace earnǝ cau mǝnana mǝ ndanǝi ama alú nǝ̀ lo a ɓembe nǝ yilǝmu ka!”

Amǝ Mishan 28:20

Nda gir mǝnana tsǝa sǝ ǝn na nǝma ɓǝa tunǝ wun mǝ nǝ na cau nǝ wun ngga. Aɓa mǝsǝcau ka, nda ace gir mǝnana amǝ Isǝrayila tsǝk ɓalǝia a rǝì ka, sǝ à kùrram nǝ ansolo man.

Amǝ Filipi 3:5

Acemǝnana à kasǝam ɓatam a tongno-nong-tāruia nongŋo mem nǝ ɓǝlam, mǝ nda ɓwa Isǝrayila, a tau mala Benjami, ɓwa Yahudi mǝɓafoe. Sǝ ɓǝ̀ nda ace kpata Nggurcau mala Musa ka, mǝ nda ɓwa Farisi, mǝnana à ndanǝ bumpina arǝ kpata Nggurcau ka.

Amǝ Kolosi 1:5

Mǝno yì paɓamuru andǝ earcearǝu ma'wun ngga, pur aɓa tsǝkɓalǝu ma'wun arǝ agir mǝnana Ɓakuli tsǝka wunì a kuli ka, mǝnana wu okce aɓa mǝsǝcau mala Cau Amsǝban

Amǝ Ibǝru 6:19

Mǝnia yì tsǝkɓalǝu sǝm ndanǝi ka, nda rǝcandǝa mǝnana bwal yilǝmi sǝm kàngkàng, dǝurǝo pa kàm raka. Yì tsǝkɓalǝu ka, nda mǝnana nǝ̀ ká nǝ sǝm anzǝm lagir aɓa Ban Nggea Mǝfele ka.