Amǝ Mishan 23:30 - Maləmce Məfele mala Ɓakuli: Kurcau Məbəshe

³⁰ Lang à yì banggam ama à kùrnakun amuri à nǝ̀ wal-lui ka, nda ǝn gbara ǝn tasǝi ɓǝ̀ yiu a bano. Ən nani aɓwana mǝnana nǝ cau a rǝì ka ama ɓǝa yiu nǝ cau malea a bano.

Amǝ Mishan 23:30 ပူးပေါင်းရင်းမြစ်များ

Amǝ Mishan 15:29

Wu kǝa li girlina mǝnana à pea alú ka ɗang; wu kǝa li nkila ɗang; wu kǝa li nyam girkusǝu mana à pūrǝ meali nǝ puro ka ɗang; wu kǝa kutia pakkiagir kìɗìkì mala nonggi nǝ rǝarǝu ɗang. Ɓǝ̀ wu yal ɓamur rǝ wun arǝ amǝnia ka, wu pangŋa mǝɓoarne. Ɓǝ̀ rǝ wun pwalo.

Amǝ Mishan 23:12

Ban nǝ fa ka, aɓea amǝ Yahudi yi kurkunarǝia à na ama, à pà nǝ̀ li girlina ko à nǝ̀ nu kǝgir ɗang, she ɓǝa walna lú Bulǝs ka.

Amǝ Mishan 23:20

Mǝkina Bulǝs pǝlǝa ne wi ama, “Aɓwana-mǝgule mala amǝ Yahudi kùrna kunarǝia, à nǝ̀ yiu a zǝmbǝo li ama wu kyan nǝ Bulǝs aban amǝkurcau. À nǝ̀ lǝmndǝa kǝla amǝkurcau kǝ earce à nǝ̀ ɗiki à nǝ̀ ok mǝsǝcau pepe a kuni.

Amǝ Mishan 23:31

Anggo aɓa du mǝno ka asoje kpata nzongcau mǝnana à pea wia ka, à twal Bulǝs à um nǝi a nggeala Antipatǝris.

Amǝ Mishan 23:35

Nggwamna pǝlǝa ne wi ama, “Mǝ nǝ ok cau mo nǝ nggearǝam ɓǝa aɓwana mǝnana à ndanǝ cau a rǝo à yina ka.” Pǝlǝa na ama ɓǝa nying Bulǝs ɓǝ̀ do a fadan mala Nggwamna Hirǝdus.

Amǝ Mishan 24:19

Sǝ aɓea amǝ Yahudi mǝnana à pur a bu-nzali Asiya ka, à ndakam abanì. Ɓǝ́ ɓoaro à ndakani, mǝnana ɓǝa ndanǝ ɓe kǝcau a muram ngga.

Amǝ Mishan 25:16

Sǝ ǝn nea wia nǝma, sǝm amǝ Roma ka, sǝm nggǝ mak ɓwa mǝnana à yiu nǝ cau amuri ka ɗang, she ɓǝ̀ sǝm yì kpapina ɓamǝsǝa rǝia andǝ aɓi amǝbura, à pani wi dǝmbǝu náná kuni ka.

Amǝ Mishan 9:24

À camarǝ yal kunɓala mala nggeala du andǝ pwari, ace mǝnana à nǝ̀ wal-lui ka. Pǝlǝa ce kpa kir Sawul.

2 Amǝ Korinti 13:11

A masǝlǝate ka, wun amǝ'eamrǝarǝu, ǝn nggǝ tsǝk wun a ndà nǝ amǝnia yì acau ka: Wu dum nǝ bumpwasǝa. Wu gulo wu kya bwal ban mǝnana wu karǝna ɓwa ka. Wu earnǝ rǝarǝ wun. Wu do aɓa rǝpwala. Anggo ka, sǝ Ɓakuli mǝ'earcearǝu nì andǝ mala dorǝpwala ka, nǝ̀ do ata wun.