Amǝ Mishan 23:18 - Maləmce Məfele mala Ɓakuli: Kurcau Məbəshe

¹⁸ Pǝlǝa soje mǝgulo man twali, sǝ wari nǝi aban mǝsarǝban malea kat, kya ne wi ama, “Bulǝs mǝnana à kùrrì ka, nǝ̀ nam ama ɓǝn yiu nǝ lagga man a bano, acemǝnana ndanǝ ɓe cau mǝnana ɓoaro ɓǝ̀ banggo ka.”

Amǝ Mishan 23:18 ပူးပေါင်းရင်းမြစ်များ

Luka 7:40

Yesu eari wi ama, “Shiman, mǝ ndanǝ cau mǝnana mǝ nǝ no ka.” Pǝlǝa pe eare ama, “Nam ce, Malǝm.”

Yohana 18:12

Pǝlǝa asoje andǝ mǝsarǝban malea, andǝ amǝ munagara mala amǝ Yahudi, bwal Yesu, sǝ à taka abui.

Amǝ Mishan 16:25

Nǝ ɓadu ka Bulǝs andǝ Silas camarǝ pak hiwi, sǝ à kǝ tukia anggyal aban Ɓakuli, sǝ acili aɓwana mana à girria andǝia ka, à kwaki kiria à kǝ oea.

Amǝ Mishan 23:17

Bulǝs pǝlǝa tunǝ ɓe soje mǝgulo ne wi ama, “Kyan nǝ lagga man aban mǝsarǝban mala asoje, ndanǝ ɓe cau mǝnana nǝ̀ ne wi ka.”

Amǝ Mishan 23:19

Mǝsarǝban mala asoje pǝlǝa bwali um nǝi a nkanggariban, sǝ ɗi ama, “Mana a kǝ earce nam ɗe?”

Amǝ Mishan 27:1

Cau yi dumǝna ama sǝm nǝ̀ kutio a waru-mur sǝm nǝ̀ ká a Italiya. Pǝlǝa à pa Bulǝs andǝ aɓea aɓwana mǝnana à kùria ka a bu Juliyos, ɓe soje mǝgulo amur ɓe nggǝsanyi mala asoje Roma, à tunǝia ama, “Nggǝsanyi asoje mala Mǝtala Nzali.”

Amǝ Mishan 28:17

Anzǝm anongŋo tārú ka, Bulǝs tunǝ aɓwana-mǝgule mala amǝ Yahudi mǝnana aban mǝno ka à kpapi. Lang à yì rambǝna ka, pǝlǝa banggia wia ama: Wun amǝ'eambǝam amǝ Isǝrayila, kat andǝ amani ama ǝn pak kǝgir mǝɓane aban aɓwana mem ko arǝ acau mala do kpata kuncau mala aká sǝm raka, à bwalam à kùrram a Urǝshalima. Sǝ à yiu nǝ mim à yì pe amǝ Roma.

Amǝ Afisu 3:1

Ace mǝnia, sǝ mim Bulǝs ka mǝ nda a kùrban ace Kǝrǝsti Yesu, ace wun, wun aɓwana mana wu ndaka amǝ Yahudi raka.

Amǝ Afisu 4:1

Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

Filimon 1:9

Kat andǝ amani ka, mǝ nda rǝ zǝmbǝo ace earcearǝu, mim Bulǝs, mǝnana ǝn ena, sǝ ɗǝm adyan ngga mǝ nda kuro ace Kǝrǝsti Yesu ka.