Amǝ Mishan 23:11 - Maləmce Məfele mala Ɓakuli: Kurcau Məbəshe

¹¹ Àkǝ̀ bu du mǝno ka, Mǝtalabangŋo lǝmndǝrǝi aban Bulǝs sǝ na ama, “Ɓǝ̀ ɓangciu ɓǝ̀ kǝa pakko ɗang! Kǝla mǝnana a na cau mem a Urǝshalima ka, dumǝna ama anggo sǝ a wu nǝ ngga nakunam a Roma gbal.”

Amǝ Mishan 23:11 ပူးပေါင်းရင်းမြစ်များ

Matiu 14:27

Anggo ka kara Yesu nea wia cau ama, “Wu cam kàngkàng! Mǝ nda. Wu kǝa ɓang ɗang.”

Matiu 28:20

Wu kania wia ɓǝa kpata agir mana kat ǝn bangga wun ngga. Mǝ nda ata wun kàngkàng a ko ya pwari ka, ba masǝlǝata ɓanza.”

Matiu 9:2

Aɓea aɓwana yinǝi wi nǝ ɓe mǝrǝwuna a kala. Lang Yesu sǝn guliarǝu malea ka, ne mǝkwano ama, “Nwangsǝ ɓabumo, munem, à twalǝno ban acauɓikea mo.”

Luka 16:28

acemǝnana mǝ ndanǝ amǝ'eambu tongno. Ɓǝ̀ kya nunkiria, ace mǝnana ɓǝa kǝa yiu a mǝnia yì ban tanni nggea mǝɓike ka ɗang.”

Yohana 14:18

Ɓǝ̀ ǝn umna ka, pà mǝ nǝ nying wun kǝla akawa ɗang, mǝ nǝ yiu aban wun.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Amǝ Mishan 18:9

Aɓe fara nǝ du ka, Mǝtalabangŋo na cau nǝ Bulǝs aɓa sǝnǝ aɓa Bangŋo ama, “Ɓangciu ɓǝ̀ kǝa pakko ɗang, sǝ kǝa na ama a nǝ nying hamnǝ cau mala Ɓakuli ɗang,

Amǝ Mishan 19:21

Anzǝm amǝno yì agir ka, Bulǝs kum ɗenyicau a ɓabumi ama ɓǝ̀ kar aɓalǝ abu-nzali Masǝdoniya andǝ Akaya sǝ ɓǝ̀ kutio ɓǝ̀ kyane a Urǝshalima. Na ama, “Anzǝm mana ɓǝ̀ ǝn warina a Urǝshalima ka, dumǝnam púp mǝ nǝ kutio, mǝ ká gbal a Roma.”

Amǝ Mishan 2:25

Dauda bangcau amuri ama: “Ən nggǝ sǝn Mǝtalabangŋo a koya pwari ka abanam; ɓangciu pà nǝ̀ pakkam ɗang, acemǝnana nda a girem.

Amǝ Mishan 20:22

Sǝ ado ka, mǝ ndo mǝ nǝ ká a Urǝshalima acemǝnana Bangŋo Mǝfele lǝmndǝ nam a banfana ama dumǝna púp ɓǝn kyane. Ən surǝ gir mǝnana nǝ̀ ngga kumam akano ka ɗang.

Amǝ Mishan 22:15

Kǝ earce ama we ka, a wu nǝ duk mǝ'nakuni. A wu nǝ ne koya ɓwa ka gir mǝnana a o sǝ a sǝn ngga.

Amǝ Mishan 22:18

Ən sǝn Mǝtalabangŋo Yesu nda rǝ banggam ama, “Lo, faro nying Urǝshalima, acemǝnana aɓwana man kani ka à pà nǝ̀ ak cau mǝnana a wu nǝ na a muram ngga ɗang.”

1 Amǝ Korinti 9:1

Mim ngga, ǝn pa mbak ata rǝam mǝ nǝ duk ulang do mǝnana ǝn earkiyi ce ka? Mim ngga mǝ nda mǝ'mishan re? Ən sǝn ma Yesu Mǝtala sǝm nǝ mǝsǝam re? Do mǝnana wu duk amǝkwaɗi ka, pà ace turo mem mǝnana ǝn pakki Mǝtalabangŋo ka re?

Amǝ Filipi 1:13

Àkǝ̀ ce sǝ aɓwana mǝnana akani, andǝ amǝyal palta kat ka, à sǝlǝ ama mǝ nda aɓa nsolo ace Kǝrǝsti.

2 Timoti 4:17

Sǝa ma Mǝtalabangŋo na atam sǝ pam rǝcandǝa ace mǝnana ɓǝ̀ ǝn hamnǝ Cau Amsǝban kat ace aɓwana mana amǝ Yahudi na raka ɓǝa oe. Nyar ɗǝm ngga, amsǝam a bu lú, a kuna im mǝnana ɓǝ́ à nǝ̀ turam aɓalǝia ka.