Amǝ Mishan 23:1 - Maləmce Məfele mala Ɓakuli: Kurcau Məbəshe

¹ Bulǝs soa mǝsǝì arǝ amǝkurcau sǝ na ama, “Wun amǝ'eambǝam amǝ Isǝrayila! Mim ngga ǝn lumsǝna turo mem aban ká aban Ɓakuli, nǝ ɓabumam pwapwat yi puro a yalung.”

Amǝ Mishan 23:1 ပူးပေါင်းရင်းမြစ်များ

Matiu 5:22

Sǝ mim ngga ǝn nggǝ na wun ama ɓwa mǝnana bumi lullo arǝ ɓi ka à nǝ̀ pakki wi ɓashi. Sǝ ɗǝm ngga à bangŋa ama ɓwa mǝnana tunǝî ɓì ɓwaɓana ka à nǝ̀ ká nǝi aban amǝɓashi. Sǝ mim ngga ǝn nggǝ na wun ama ɓǝ̀ a ne ɓwa ama “We ɓwazalǝa” ka, a nda ɓa ká tanni mala ɓashi lu-bǝsa.

Amǝ Mishan 22:1

Bulǝs na ama, “Wun amǝ'eambǝam amǝ Yahudi andǝ aɓwana-mǝgule ma'sǝm, wu kwaki kir wun wu ok cau mem!”

Amǝ Mishan 22:30

Ban fana ka, mǝsarǝban mala asoje tsǝa ama agbani pǝris andǝ amǝkurcau mala amǝ Yahudi kat ɓǝa yi kpapi. Kǝ earce surǝ mǝsǝrǝ gir mana tsǝa sǝ à tsǝki wi cau a rǝì ka. Ace mani ka, tsǝa a panzǝ nsolo mǝnana à kùrna Bulǝs nǝi ka, sǝ tamsǝi a ɓadǝmbǝia.

Amǝ Mishan 22:5

Nggearǝ Pǝris mǝgule andǝ aɓwana male ka à nǝ̀ earnǝ mim ama mǝ ndaban na mǝsǝcau. Acemǝnana a buia sǝ ǝn nggǝ ak acautera aban ká aban aɓwana-mǝgule amǝla-sǝm amǝ Yahudi mǝnana a Damaska ka. Tǝr wario mem ngga nda mǝnana ama, ɓǝn bwalki amǝ kpata Yesu, ɓǝn kurkia nǝ ansolo, ɓǝn yiu nǝia a Urǝshalima ace mǝnana ɓǝa yi pea wia tanni ka.

Amǝ Mishan 23:15

Ace mani ka, wun andǝ amǝkurcau wu turban nǝ cau aban mǝsarǝban mala asoje Roma ɓǝ̀ yiu nǝ Bulǝs aban wun ɗǝm. Wu lǝmndǝì wi kǝla wu ndaban earce wun nǝ̀ sǝnggi cau male kam pepe. Sǝ sǝm ngga sǝm nǝ̀ kumsǝi wi a njar sǝm nǝ̀ wal-lui.”

Amǝ Mishan 23:20

Mǝkina Bulǝs pǝlǝa ne wi ama, “Aɓwana-mǝgule mala amǝ Yahudi kùrna kunarǝia, à nǝ̀ yiu a zǝmbǝo li ama wu kyan nǝ Bulǝs aban amǝkurcau. À nǝ̀ lǝmndǝa kǝla amǝkurcau kǝ earce à nǝ̀ ɗiki à nǝ̀ ok mǝsǝcau pepe a kuni.

Amǝ Mishan 23:28

Ən wari nǝi a ɓadǝmbǝ amǝkurcau malea ace mǝnana ɓǝ̀ ǝn kya ok gir mǝnana pakkia wia ka.

Amǝ Mishan 23:6

Lang Bulǝs yi sǝlǝ ama aɓea aɓwana ata amǝkurcau mǝno ka amǝ Saduki na sǝ acilia ka amǝ Farisi na ka, pǝlǝa loasǝ gi a kuli na ama, “Wun amǝ'eambǝam! Mǝ nda ɓwa Farisi, kǝla mǝnana akêm ngga amǝ Farisi na ka. À kǝ pakkam ɓashi yalung acemǝnana tsǝkɓalǝu mem ngga nda aɓa lo mala alú nǝ yilǝmu!”

Amǝ Mishan 24:16

Ace mani ka, ǝn nggǝ ɓariki a koya pwari ka ama ɓǝn ngga dum nǝ ɓamur halǝkya a ɓadǝm Ɓakuli andǝ aɓwana ɗang.

Amǝ Mishan 6:15

Mǝsǝ ɓwapǝndǝa mǝnana kat a ndaɓashi ka, ueo arǝ Itǝfanu aban sǝne kyap-kyap. Sǝ à sǝn ɓamǝsǝi ka, nda kǝla mala mǝturonjar mala Ɓakuli.

1 Amǝ Korinti 4:4

Sǝ mim ngga, ǝn panǝ sǝlǝe nǝma ǝn pangŋǝna ɓe kǝgir mǝɓane ɗang, kat andǝ amani ka ǝn pa aban bangŋa ama mǝ nda aban pusǝ ɓamuram raka. Acemǝnana kǝ Ɓakuli na mwashat mǝnana nǝ̀ ɓasham ngga.

2 Amǝ Korinti 1:12

Nggori ma'sǝm ngga, nda mǝnana ama, giu-ɓabum sǝm kǝ bangga sǝm ama aɓa mǝsǝcau ka sǝm dumǝna do ɓanza nǝ ɓabum ɓoarnsari. Sǝm dumǝna gbal nǝ ɓabum sǝm mwashat mǝnana kǝ pur nǝban Ɓakuli ka, nggeamurǝmi ka, mǝnana lǝmndǝa aɓa dotarǝu ma'sǝm sǝnǝa wun ngga. Sǝ mǝno ka sǝm pè aɓa kpata sǝlǝe mala ɓwapǝndǝa ɗang, nda nǝ ɓwamuru mala Ɓakuli.

2 Amǝ Korinti 4:2

Sǝm nyingŋǝna bu sǝm arǝ agir kǝsǝkya mǝnana à kǝ pea aɓa sǝmbǝrǝa ka, sǝ sǝm ginǝce ɓealǝu mala swarkiban. Pà sǝm nǝ̀ na cau mala Ɓakuli nǝ nyir ɗang. Sǝm nǝ̀ dukdo mǝsǝcau aɓa tǎlaban a ɓadǝm Ɓakuli, sǝ sǝm nǝ̀ ɓariki aban lǝmndǝ ɓamur rǝ sǝm a njar mǝɓoarne aban aɓwana kat mǝnana à kǝ gandǝ gakita mǝɓoarne andǝ mǝɓane aɓa ɗenyicau malea ka.

2 Timoti 1:3

Du andǝ pwari ka, ǝn nggǝ ɗenyi nǝ we aɓalǝ ahiwi mem. Ən nggǝ pakki Ɓakuli yàwá, yì Ɓakuli mǝnana ǝn nggǝ kpate nǝ ɓabum mǝɓoarnsari, kǝla mǝnana akêm pak ka.

Amǝ Ibǝru 13:18

Wu pak hiwi ace sǝm. A ɓabum sǝm ngga sǝm sǝlǝ ama gir mǝnana sǝm pakki ka, nda pepe, sǝ sǝm nggǝ earce dukdo pak mǝɓoarne a koya pwari.

1 Bitǝrus 3:16

Sǝa ma wu pe nǝ ɓukɓuka, andǝ pagulo a ɓalǝi. Ɓǝ̀ ɗenyicau ɓabum wun do nǝ ɓoarnsari, ace mǝnana ko ɓǝa ɓwana kiɗiki wun nǝ kunia ka, kǝsǝkya nǝ̀ pakkia wia, yi mǝnana ɓǝa sǝn do ma'wun mǝɓoarnsari, acemǝnana wu nda ka mala Kǝrǝsti ka.