Amǝ Mishan 22:8 - Maləmce Məfele mala Ɓakuli: Kurcau Məbəshe

⁸ Sǝ ǝn ɗiban nǝma, “A nda yana le, ɓwamǝgule?” Pǝlǝa nam ama, “Mǝ nda Yesu ɓwa Nazarat, mǝnana a kǝ pe wi tanni ka.”

Amǝ Mishan 22:8 ပူးပေါင်းရင်းမြစ်များ

Matiu 2:23

Nda à wario à kya do a ɓekǝ la mǝnana à tunǝki ama Nazarat ka. Mǝnia ka nda lumsǝ cau mala amǝ'ɓangna mala Ɓakuli mana ama, “À nǝ̀ tunǝi ama ɓwa Nazarat.”

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Matiu 25:45

Yì ka, nǝ̀ earia wia ama, “Ɓafo, ǝn nggǝ bangga wun, gir mana kat wu ginǝ pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu ginǝ pakkam ngga.”

Amǝ Mishan 10:14

Pǝlǝa Bitǝrus bangŋa ama, “Awo, Mǝtalabangŋo! Ən malaká li kǝgir mǝnana Nggurcau nyesǝi mǝpǝndǝke na ko gir-ɓeami na ka ɗang.”

Amǝ Mishan 22:7

Ən kasǝa ǝn kpa a nzali, sǝ ǝn ok giu aban nam ama, “Sawul, Sawul! Ace mana sǝ a kǝ pam tanni?”

Amǝ Mishan 26:9

Ɗiɗyal ka mim nǝ ɓamuram, ǝn nggǝ sǝni nǝma mǝ nǝ pak agir kat mǝnana nǝ̀ tamsǝ lidǝmbǝa mala lullǝ Yesu, ɓwa Nazarat ka.

Amǝ Mishan 3:6

Sǝ Bitǝrus banggi wi ama, “Ən panǝ boalo mǝ nǝ po ɗang. Sǝa ma gir mǝnana mǝ ndanǝi ka nda ǝn nggǝ po ka. Aɓa lullǝ Yesu Kǝrǝsti ɓwa Nazarat, lo sǝ wu gya!”

Amǝ Mishan 4:10

Came ɓǝ̀ ǝn bangga wun bwāng, wun, wunǝa amǝ Isǝrayila kat ama, nda aɓa lullǝ Yesu Kǝrǝsti ɓwa Nazarat, yì ɓwa mǝnana wu gballì amur nggun-gangndi, sǝ Ɓakuli loasǝi a ɓembe ka, sǝ mǝnia yì ɓwa ka kum rǝcandǝa.

Amǝ Mishan 6:14

Sǝm oe bangŋa ama, mǝnia yì Yesu, Ɓwa Nazarat ka, nǝ̀ arki Ndàmǝgule mala Ɓakuli, sǝ nǝ̀ nggaɗi akuncau mǝnana Musa nyingga sǝm mia ka!”

1 Amǝ Korinti 12:12

Nggurǝ ɓwapǝndǝa ka ndanǝ abare pas, sǝ amǝnia yì abare pas ka, à yì dapi à duk nggūrǝu mǝ'mwashati. Anggo gbal sǝ Kǝrǝsti pa.