Amǝ Mishan 22:30 - Maləmce Məfele mala Ɓakuli: Kurcau Məbəshe

³⁰ Ban fana ka, mǝsarǝban mala asoje tsǝa ama agbani pǝris andǝ amǝkurcau mala amǝ Yahudi kat ɓǝa yi kpapi. Kǝ earce surǝ mǝsǝrǝ gir mana tsǝa sǝ à tsǝki wi cau a rǝì ka. Ace mani ka, tsǝa a panzǝ nsolo mǝnana à kùrna Bulǝs nǝi ka, sǝ tamsǝi a ɓadǝmbǝia.

Amǝ Mishan 22:30 ပူးပေါင်းရင်းမြစ်များ

Matiu 10:17

Wu par kir wun nǝ aɓwana. À nǝ̀ ká nǝ wun aban amǝɓashi. À nǝ̀ kok wun aɓalǝ andakpapi malea.

Matiu 27:2

À taka bui sǝ à um nǝi aban Bilatus ɓwa Roma, nggwamna mala bu-nzali Yahudi.

Matiu 5:22

Sǝ mim ngga ǝn nggǝ na wun ama ɓwa mǝnana bumi lullo arǝ ɓi ka à nǝ̀ pakki wi ɓashi. Sǝ ɗǝm ngga à bangŋa ama ɓwa mǝnana tunǝî ɓì ɓwaɓana ka à nǝ̀ ká nǝi aban amǝɓashi. Sǝ mim ngga ǝn nggǝ na wun ama ɓǝ̀ a ne ɓwa ama “We ɓwazalǝa” ka, a nda ɓa ká tanni mala ɓashi lu-bǝsa.

Amǝ Mishan 21:11

Yiu sǝ yi twal nggur-ɓunu mala Bulǝs, pǝlǝa kùr akusǝ ɓamuri andǝ abui nǝi. Pǝlǝa bangŋa ama, “Bangŋo Mǝfele na aban na ama, ‘Anggo sǝ amǝ Yahudi nǝ̀ ngga kùr mǝtala nggur-ɓunu mǝnia ka a Urǝshalima, sǝ à nǝ̀ twali à nǝ̀ pea aɓwana mǝnana amǝ Yahudi na raka.’ ”

Amǝ Mishan 21:33

Mǝsarǝban mala asoje yi bwal Bulǝs, bangŋa ama ɓǝa ta abui nǝ ansolo ɓari. Pǝlǝa ɗiban ama, “Yana nda man, sǝ mana ɗe pa?”

Amǝ Mishan 22:5

Nggearǝ Pǝris mǝgule andǝ aɓwana male ka à nǝ̀ earnǝ mim ama mǝ ndaban na mǝsǝcau. Acemǝnana a buia sǝ ǝn nggǝ ak acautera aban ká aban aɓwana-mǝgule amǝla-sǝm amǝ Yahudi mǝnana a Damaska ka. Tǝr wario mem ngga nda mǝnana ama, ɓǝn bwalki amǝ kpata Yesu, ɓǝn kurkia nǝ ansolo, ɓǝn yiu nǝia a Urǝshalima ace mǝnana ɓǝa yi pea wia tanni ka.

Amǝ Mishan 23:1

Bulǝs soa mǝsǝì arǝ amǝkurcau sǝ na ama, “Wun amǝ'eambǝam amǝ Isǝrayila! Mim ngga ǝn lumsǝna turo mem aban ká aban Ɓakuli, nǝ ɓabumam pwapwat yi puro a yalung.”

Amǝ Mishan 23:15

Ace mani ka, wun andǝ amǝkurcau wu turban nǝ cau aban mǝsarǝban mala asoje Roma ɓǝ̀ yiu nǝ Bulǝs aban wun ɗǝm. Wu lǝmndǝì wi kǝla wu ndaban earce wun nǝ̀ sǝnggi cau male kam pepe. Sǝ sǝm ngga sǝm nǝ̀ kumsǝi wi a njar sǝm nǝ̀ wal-lui.”

Amǝ Mishan 23:20

Mǝkina Bulǝs pǝlǝa ne wi ama, “Aɓwana-mǝgule mala amǝ Yahudi kùrna kunarǝia, à nǝ̀ yiu a zǝmbǝo li ama wu kyan nǝ Bulǝs aban amǝkurcau. À nǝ̀ lǝmndǝa kǝla amǝkurcau kǝ earce à nǝ̀ ɗiki à nǝ̀ ok mǝsǝcau pepe a kuni.

Amǝ Mishan 23:28

Ən wari nǝi a ɓadǝmbǝ amǝkurcau malea ace mǝnana ɓǝ̀ ǝn kya ok gir mǝnana pakkia wia ka.

Amǝ Mishan 23:6

Lang Bulǝs yi sǝlǝ ama aɓea aɓwana ata amǝkurcau mǝno ka amǝ Saduki na sǝ acilia ka amǝ Farisi na ka, pǝlǝa loasǝ gi a kuli na ama, “Wun amǝ'eambǝam! Mǝ nda ɓwa Farisi, kǝla mǝnana akêm ngga amǝ Farisi na ka. À kǝ pakkam ɓashi yalung acemǝnana tsǝkɓalǝu mem ngga nda aɓa lo mala alú nǝ yilǝmu!”

Amǝ Mishan 26:29

Bulǝs ne wi ama, “Ko aɓa do mgbeatuk ko mǝsauwe, hiwi mem aban Ɓakuli ka, nda mǝnana ama, we andǝ acili aɓwana mǝnana ado à kǝ oem yalung ngga, wu nǝ̀ do kǝla mim, sǝa ma, ɓǝ̀ kǝa pa andǝ ansolo man ɗang!”

Amǝ Mishan 5:21

Pǝlǝa amǝ'mishan ongŋǝna anggo ka, à kutia Ndàmǝgule mala Ɓakuli nǝ budǝmbari, sǝ à tita kanigir. Lang Pǝris Mǝgule andǝ aɓwana ate yina ka, à tunǝ amǝkurcau mala amǝ Yahudi aɓa kpapi, sǝ à tasǝ ban a Ndàkurban ace mǝnana ɓǝa kya yiu nǝ amǝ'mishan a ɓadǝmbǝia ka.