Amǝ Mishan 22:17 - Maləmce Məfele mala Ɓakuli: Kurcau Məbəshe

¹⁷ Anzǝm man ngga ǝn nyare a Urǝshalima, sǝ mǝ nda ban pak hiwi aɓa Ndàmǝgule mala Ɓakuli ka, kara ǝn sǝn sǝna aɓa bangŋo.

Amǝ Mishan 22:17 ပူးပေါင်းရင်းမြစ်များ

Amǝ Mishan 26:20

A tite ka, ǝn hamnǝ cau a Damaska andǝ Urǝshalima andǝ anzali mala amǝ Yahudi kat. Sǝ ǝn hamnǝi gbal aɓalǝ aɓwana mǝnana amǝ Isǝrayila na raka. Ən nea wia nǝma ɓǝa pǝlǝ nzǝmia arǝ cauɓikea ɓǝa pwanzali, ɓǝa nyare aban Ɓakuli, ɓǝa kǝ pak agir mǝnana nǝ̀ lǝmndǝ ama yia ka à nyingŋǝna acauɓikea malea ka.

Amǝ Roma 15:19

Amur mǝno ka, mǝ nǝ nggori nǝ agir-ndǝlǝki andǝ agir-gyambǝliban mǝnana Kǝrǝsti pea aɓa rǝcandǝa mala Bangŋo mala Ɓakuli ka. Anggo sǝ ǝn hamnǝ Cau Amsǝban mala Kǝrǝsti pupup aɓa gya mem kat, twal a Urǝshalima kya bwal a Ilirikum.

Amǝ Galati 1:18

Anzǝm apǝlǝa tārú ka, ǝn wario a Urǝshalima, nǝma mǝ nǝ ngga sǝn Bitǝrus. Ən nggea pakki anonggeo lum-bwamdǝ-tongno abanì.

Amǝ Afisu 3:3

Kǝla mǝnana ǝn ak dǝmbǝa ǝn gilǝa wun cau amuri mgbeatuk ka, Ɓakuli nǝ nggearǝì, nǝ̀ mǝnggiam ɓa kane male mǝnana nda aɓa sǝmbǝrǝa ka.

Sǝna 1:10

A pwari mǝnana à tarì ace Mǝtalabangŋo ka, Bangŋo mala Ɓakuli em, kara ǝn ok ɓe kǝ giu mǝcande kǝla ɓua mala njawe, a nzǝmam.