Amǝ Mishan 22:14 - Maləmce Məfele mala Ɓakuli: Kurcau Məbəshe

¹⁴ Pǝlǝa na ama, “Ɓakuli mala aká sǝm tàrrǒ ace mǝnana wu surǝ kànì male. Tàrno wu sǝn Ɓwa male Mǝɓealɓoarna, yì Mǝ'amsǝban, sǝ wu ok gi aban na cau.

Amǝ Mishan 22:14 ပူးပေါင်းရင်းမြစ်များ

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Amǝ Mishan 13:17

Ɓakuli mala amǝ Isǝrayila tarki aká sǝm, sǝ cia à lakki sǝ à gul nǝ rǝcandǝa a nzali Masar. Nǝ rǝcandǝa male mǝgule sǝ yi pusǝia aɓa do guro mǝnana a mǝno yì nzali ka.

Amǝ Mishan 22:15

Kǝ earce ama we ka, a wu nǝ duk mǝ'nakuni. A wu nǝ ne koya ɓwa ka gir mǝnana a o sǝ a sǝn ngga.

Amǝ Mishan 22:18

Ən sǝn Mǝtalabangŋo Yesu nda rǝ banggam ama, “Lo, faro nying Urǝshalima, acemǝnana aɓwana man kani ka à pà nǝ̀ ak cau mǝnana a wu nǝ na a muram ngga ɗang.”

Amǝ Mishan 24:14

Ən earǝna mbak ama ǝn nggǝ kpata Ɓakuli mala aká sǝm, aɓa kpata Njar mǝnana yia ka à twali ama mǝɓafoe na raka. Sǝ mim ngga ǝn earnǝ agir kat mǝnana à gilǝa aɓa Nggurcau mala Musa andǝa mǝnana aɓalǝa Malǝmce mala amǝ'ɓangna mala Ɓakuli ka.

Amǝ Mishan 26:16

Sǝ ado ka, lo cam nǝ came amur akusǝo. Ən pusǝ rǝam abano, acemǝnana ǝn twalǝno a dumǝna guro mem, mǝ nakunam. We ka, a nǝ ngga ne aɓwana gir mǝnana kat a sǝni andǝa mǝnana mǝ nǝ lǝmndǝo a dǝmbǝa ka.

Amǝ Mishan 5:30

Ɓakuli mala aká sǝm na loasǝ Yesu a ɓembe, anzǝm mǝnana wu gballì amur nggun-gangndi, wu wal-luí

Amǝ Mishan 7:52

Kǝ ɓe mǝɓangna mala Ɓakuli nakam mǝnana aká wun pe wi tanni raka le? Amǝ'ɓangna mala Ɓakuli mana a pwaryan à bangce yiu mala Mǝɓealɓoarna ka, aká wun wal-luia. Sǝ ado ka wu kurkuro nǝi, nyare wu wali wú,

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

Amǝ Mishan 9:17

Pǝlǝa Hananiya lo kya kutio a ɓala mǝnana Sawul ndakam ngga. Tsǝk bui amur Sawul, sǝ na ama, “Mǝ'eamrǝarǝu Sawul, Mǝtalabangŋo Yesu mana pusǝrǝi abano amur njargula mǝnana a yiu nǝi ka, turam ace mǝnana wu kum sǝnban ɗǝm, sǝ wu lumsǝ nǝ Bangŋo Mǝfele.”

Amǝ Roma 1:1

Mǝnia yì cautera ka pur nǝban Bulǝs, guro mala Kǝrǝsti Yesu, mǝnana Ɓakuli tunǝi ɓǝ̀ duk mǝ'mishan, sǝ tarrì ace turo hamnǝ bǝsa Cau Mǝɓoarne mala Ɓakuli ka.

1 Amǝ Korinti 11:23

Kanigir mǝnana ǝn ak a bu Mǝtalabangŋo nǝ nggearǝì ka, nda ǝn kania wun ngga ama: Àkǝ̀ bu du mǝnana à mangŋa Mǝtalabangŋo Yesu nǝi ka, twal bǝredi,

1 Amǝ Korinti 15:3

Ən pana wun gir mǝnana kutibanì kat ka, yì gir mǝnana à pami gbal ka ama: Kǝrǝsti wu ace acauɓikea ma'sǝm, kǝla mana Malǝmce na ka.

1 Amǝ Korinti 15:8

A masǝlǝate ka, mim mǝnana kǝla pwari ɓǝlam karǝ raka sǝ a ɓǝlam ngga, yi pusǝrǝi abanam gbal.

1 Amǝ Korinti 9:1

Mim ngga, ǝn pa mbak ata rǝam mǝ nǝ duk ulang do mǝnana ǝn earkiyi ce ka? Mim ngga mǝ nda mǝ'mishan re? Ən sǝn ma Yesu Mǝtala sǝm nǝ mǝsǝam re? Do mǝnana wu duk amǝkwaɗi ka, pà ace turo mem mǝnana ǝn pakki Mǝtalabangŋo ka re?

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Amǝ Galati 1:12

Ən ak cau mem a bu ɓwapǝndǝa ɗang, sǝ kǝɓwa nǝ̀ kaniam gbal ɗang. Mǝnia yì cau ka, Yesu Kǝrǝsti nǝ̀ mǝnmbam ɓālǝi nǝ ɓamuri.

Amǝ Galati 1:15

Sǝ kani ama à nǝ̀ ɓǝlam ngga, Ɓakuli taram, sǝ tunǝam aɓata ɓwamuru male. Banɓoari wi

2 Timoti 1:1

Man yì cautera ka, pur nǝ banam Bulǝs, mǝnana Ɓakuli nǝ nggearǝì twallam ɓǝn duk mǝ'mishan mala Kǝrǝsti Yesu ka. Ɓakuli tasǝam ɓǝn hamnǝ ce pàcau mala yilǝmu mǝnana sǝm ndanǝi aɓa kpapi ma'sǝm sǝnǝa Kǝrǝsti Yesu ka.

Titus 1:1

Cautera mǝnia ka pur nǝ banam Bulǝs, guro mala Ɓakuli andǝ mǝ'mishan mala Yesu Kǝrǝsti. À turam aban aɓwana mala Ɓakuli mana tària ka ace ɓak paɓamuru malea abani, sǝ mǝ kania wia ɓǝa surǝ mǝsǝcau mǝnana kǝ lǝmndǝì aɓwana njar mala dokpata Ɓakuli ka.

1 Bitǝrus 2:22

“Yì ka, pak kǝ cauɓikea ɗang, sǝ swarkiban pa a kuni ɗang.”

1 Yohana 2:1

Wun amunem mǝ keke, ǝn nggǝ gilǝa wun mǝnia yì cau ka ace mǝnana wu kǝa pak cauɓikea ɗang. Sǝ ɓǝ̀ kǝɓwa pak cauɓikea ka, sǝm ndanǝ mǝ pwan-nzali ace sǝm aban Tár sǝm, Yesu Kǝrǝsti Mǝɓealɓoarna.