Amǝ Mishan 22:1 - Maləmce Məfele mala Ɓakuli: Kurcau Məbəshe

¹ Bulǝs na ama, “Wun amǝ'eambǝam amǝ Yahudi andǝ aɓwana-mǝgule ma'sǝm, wu kwaki kir wun wu ok cau mem!”

Amǝ Mishan 22:1 ပူးပေါင်းရင်းမြစ်များ

Luka 12:11

Ɓǝà wari nǝ wun aɓalǝ andakpapi, a ɓadǝmbǝ amǝɓashi andǝ amurǝma ka, ɓǝ̀ ɓalǝ wun ɓǝ̀ kǝa kasǝkia arǝ pǝlǝcau, ko mana wu nǝ̀ na ka ɗang.

Luka 21:14

Wu twali a ɓabum wun ama, pa wu nǝ̀ do nǝ ɓalǝ kasǝkya arǝ cau mǝnana wu nǝ̀ na aban ɓashi ka ɗang.

Amǝ Mishan 13:26

Ado ka wun amǝ'eambǝam amǝ Isǝrayila, amǝ kau mala Ibǝrayim, andǝ aɓwana mala acili anzali mǝnana à kǝ ɓanggi Ɓakuli ka, aban sǝm sǝ à turban nǝ mǝnia yì cau amsǝban ngga!

Amǝ Mishan 19:33

Aɓea amǝ Yahudi ramta Alizanda a dǝmbǝa a ɓadǝm ɓwabunda ɓǝ̀ bǝlia wia ɓa ceì. Pǝlǝa Alizanda lǝmndǝì ɓwabunda bu ɓǝa duk kunia piu, sǝ ɓariki nǝ̀ na kuni, amur tǝr gir mana kumban ngga.

Amǝ Mishan 23:1

Bulǝs soa mǝsǝì arǝ amǝkurcau sǝ na ama, “Wun amǝ'eambǝam amǝ Isǝrayila! Mim ngga ǝn lumsǝna turo mem aban ká aban Ɓakuli, nǝ ɓabumam pwapwat yi puro a yalung.”

Amǝ Mishan 23:6

Lang Bulǝs yi sǝlǝ ama aɓea aɓwana ata amǝkurcau mǝno ka amǝ Saduki na sǝ acilia ka amǝ Farisi na ka, pǝlǝa loasǝ gi a kuli na ama, “Wun amǝ'eambǝam! Mǝ nda ɓwa Farisi, kǝla mǝnana akêm ngga amǝ Farisi na ka. À kǝ pakkam ɓashi yalung acemǝnana tsǝkɓalǝu mem ngga nda aɓa lo mala alú nǝ yilǝmu!”

Amǝ Mishan 24:10

Nggwamna pǝlǝa lǝmndǝì Bulǝs bu ɓǝ̀ na cau. Bulǝs pǝlǝa pǝlǝ cau ama: We ɓwamǝgule, ǝn sǝlǝna nǝma arǝ apǝlǝa pas a ndaban pak ɓashi a nzali man, ace mani ka mǝ ndanǝ banɓoarnado ɓǝ̀ ǝn bǝl kunam a ɓadǝmbǝo.

Amǝ Mishan 25:16

Sǝ ǝn nea wia nǝma, sǝm amǝ Roma ka, sǝm nggǝ mak ɓwa mǝnana à yiu nǝ cau amuri ka ɗang, she ɓǝ̀ sǝm yì kpapina ɓamǝsǝa rǝia andǝ aɓi amǝbura, à pani wi dǝmbǝu náná kuni ka.

Amǝ Mishan 25:8

Pǝlǝa Bulǝs bǝl kuni na ama: “Mim ngga ǝn pak ma kǝgir mǝɓane arǝ Nggurcau mala amǝ Yahudi, ko arǝ Ndàmǝgule mala Ɓakuli, ko arǝ Nggwamnati mala Roma ka ɗang.”

Amǝ Mishan 26:24

Lang Bulǝs na ban bǝl kuni anggo ka, kara Festus sàrǝi ama, “Bulǝs, we ka muro pǝlǝna! Ɓalgir mo mǝkǝrkǝr nì tsǝngŋǝno ɓamuro pǝlǝna!”

Amǝ Mishan 28:17

Anzǝm anongŋo tārú ka, Bulǝs tunǝ aɓwana-mǝgule mala amǝ Yahudi mǝnana aban mǝno ka à kpapi. Lang à yì rambǝna ka, pǝlǝa banggia wia ama: Wun amǝ'eambǝam amǝ Isǝrayila, kat andǝ amani ama ǝn pak kǝgir mǝɓane aban aɓwana mem ko arǝ acau mala do kpata kuncau mala aká sǝm raka, à bwalam à kùrram a Urǝshalima. Sǝ à yiu nǝ mim à yì pe amǝ Roma.

Amǝ Mishan 7:2

Itǝfanu eare ama: Wun amǝ'eambǝam andǝ atarram, wu kwaki kir wun a rǝam! Ɓakuli mǝɓoarɓwe pusǝrǝi aban ká sǝm Ibǝrayim a nzali Mesopotamiya peatu, kaniama ɓǝ̀ o a dola a Haran.

Amǝ Roma 2:15

À lǝmndǝi aɓa pe ama Nggurcau mala Ɓakuli ka à gilǝni a ɓabumia, sǝ ɓabumia andǝ ɗenyicau malea ka, à kǝ lǝmndǝia wia ko à ɓwarkina, ko à nda ban pak mǝɓoarne.

1 Amǝ Korinti 9:3

Mǝnia ka nda kunam aban aɓwana mǝnana à kǝ earce surǝ rǝcandǝa mala duk mǝ'mishan mem ngga.

2 Amǝ Korinti 12:19

Yakǝla wu kǝ sǝni kǝla acau mǝnia sǝm nggǝ nea ka, nda ace pusǝ ɓamur rǝ sǝm. Awo! Sǝm nggǝ bangga wun mǝnia ka kǝla aguro mala Kǝrǝsti, sǝ Ɓakuli nda mǝ'nakún sǝm. Koya gir sǝm pak ka, wun amǝ'eamrǝarǝu, nda ace pa wun rǝcandǝa.

2 Amǝ Korinti 7:11

Wu sǝn gir mǝnana bumkiɗikea mala ɓanggi Ɓakuli pusǝ aɓalǝ wun ngga! Tsǝk wun arǝ kum ɓabumpina mala pě. Tsǝk wun a lǝmndǝ do kunpwasǝa ma'wun. Tsǝk wun a bumlulla arǝ pě mǝɓane. Tsǝk wun a ɓalǝkasǝkya. Tsǝk wun a rǝuɓǝla ace sǝn ɓamǝsǝam. Tsǝk wun a ɓabumpina arǝ pakki agir mala Ɓakuli, sǝ pà wun ɓabum mala nunkir amǝ'cauɓikea. Wu lǝmndǝna arǝ anjar kat ama wu pangŋǝna gir mǝnana kat ɓoaro ɓǝa pe ka.

Amǝ Filipi 1:17

Aɓea mǝno ka, à kǝ hamnǝ cau mala Kǝrǝsti nǝ mǝsǝcau ɗang, à kǝ hamnǝi nǝ mwararǝu, à kǝ sǝni kǝla à nǝ̀ tsǝa ɓǝ̀ rǝam kwanam aɓa kùrban mǝnana mǝ ndakam ngga.

Amǝ Filipi 1:7

Ɓǝ̀ ǝn twal wun kat anggo ka, ǝn ɓwarki ɗang, acemǝnana ɓabumam na arǝ wun. Wun kat ka wu nda atam, wu nda arǝ bwalam arǝ mǝnia yì turo Ɓakuli pam aɓa ɓwamuru male ka, kat aɓa kùrban mem, andǝ bǝl ɓa Cau Amsǝban, andǝ lǝmndǝì aɓwana mǝsǝcau mǝnana a ɓalǝi ka.

2 Timoti 4:16

Tita ká mem a ɓadǝm mǝɓashi ka, kǝɓwa cam a nzǝmam ɗang. Aɓwana mesǝe, à nyem nǝmurǝam. Ɓakuli ɓǝ̀ twalia wia banì, ɓǝ̀ kǝa ɓashia wia ɗang.

1 Bitǝrus 3:15

Wun ngga, wu kǝ pe Kǝrǝsti gulo a ɓabum wun, ɓǝ̀ duk Mǝtala wun. Wu do aɓa gilǝrǝu ko aya pwari ka, ace bǝli ko ya ɓwa na ɗi wun ce tǝ́r tsǝkɓalǝu mǝnana wu ndanǝi aɓa kwaɗi ma'wun ngga.