Amǝ Mishan 21:8 - Maləmce Məfele mala Ɓakuli: Kurcau Məbəshe

⁸ Ban fana ka, sǝm lidǝmbǝa aban o a nggeala Kaisariya. Akano ka, sǝm yì sulǝo a ɓala mala Filip mǝ hamnǝ Cau Amsǝban. Yì ka, nda mwashat aɓalǝ aburana tongno-nong-ɓari, mǝnana amǝkwaɗi twalia a Urǝshalima ace bwal ban turo gau girlina ka.

Amǝ Mishan 21:8 ပူးပေါင်းရင်းမြစ်များ

Amǝ Mishan 10:1

A Kaisariya ka ɓeɓwa nakam lullǝi ama Karnilus. Yì ka, ɓwamǝgule soje na, amur asoje mala amǝ Roma mana à tunǝkia ama, “Asoje Italiya” a ɓinalea ka.

Amǝ Mishan 16:10

Pǝlǝa sǝm lo aban ká a Masǝdoniya, acemǝnana sǝm sǝlǝna ama Ɓakuli na aban tunǝ sǝm ɓǝ̀ sǝm hamnǝ Cau Amsǝban aban aɓwana mana a bu-nzali Masǝdoniya ka.

Amǝ Mishan 16:13

A pwari Sabbat ka sǝm puri ɓa nggeala, sǝm wario a kun nggeasala, aban mana sǝm nggǝ sǝni kǝla akàm sǝ amǝ Yahudi kǝ kpapi ace pak hiwi ka. Abanì sǝ sǝm do, sǝm na cau nǝ amamǝna mǝnana sǝm kumia aban rambǝa abanì ka.

Amǝ Mishan 16:16

A ɓe pwari, sǝm nda rǝ o aban pak hiwi ka, sǝm je sǝnǝ ɓe nsari, guro na. Ndanǝ kukwar a rǝì mǝnana kǝ pe wi sǝne, nǝ̀ gandǝ na gir mǝnana nǝ̀ kumban a dǝmbǝa ka. Yì ka, kǝ kumbi amǝtale gǝna kǝrkǝr nǝ ɓangnǝ-ɓangna.

Amǝ Mishan 18:22

Lang waru yi kpashina a kun mur a Kaisariya ka, Bulǝs sulǝo nǝ̀ kar a Urǝshalima aban makki amǝkwaɗi kun. Pǝlǝa bwal njar nyare o a Antiyok aɓa bu-nzali Suriya.

Amǝ Mishan 20:13

Pǝlǝa sǝm o amuria sǝm kya eauwe a waru sǝm samsǝa aban ká a Asos, aban mǝnana sǝm nggea twal Bulǝs a waru kam ngga. Yì Bulǝs ka eau ata sǝm a waru a Tǝros ɗang acemǝnana earce nǝ̀ kàr nǝ nza aban ká Asos.

Amǝ Mishan 20:6

Sǝ sǝm twal gya nǝ kwar-nza sǝm o a nggeala Filipi. Akano anzǝm Lamsan mala Bǝredi mana Yist pa a rǝì raka, sǝm nggea kutio a waru-mur aban o a nggeala Tǝros. Anzǝm anongŋo tongno ka sǝm nggea kumia a Tǝros. Abanì sǝ sǝm pak limo mwashat.

Amǝ Mishan 21:16

Aɓea amǝkwaɗi mǝnana à pur a Kaisariya ka, à o ata sǝm gbal. À yì tsǝkta sǝm aban mǝnana sǝm nǝ̀ duk kam ngga, a ɓala mala Manason, ɓwa Sayipǝrus. Yì ka, mwashat na aɓalǝ amǝkwaɗi amǝdǝmbe.

Amǝ Mishan 23:23

Pǝlǝa mǝsarǝban mala asoje tunǝ ɓari ata asoje amǝgulo male sǝ nea wia ama, “Wu twal asoje gbǝman ɓari mǝnana à nǝ̀ o a Kaisariya ka. Wu twal atea amǝpǝ̀r lumi-tongno-nong-ɓari andǝ amǝkusǝu gbǝman ɓari nǝ ankongŋo a buia. Wu nying ban man nǝ bu-pwari tongno-nong-ine mala bu du man yalung ngga.

Amǝ Mishan 27:1

Cau yi dumǝna ama sǝm nǝ̀ kutio a waru-mur sǝm nǝ̀ ká a Italiya. Pǝlǝa à pa Bulǝs andǝ aɓea aɓwana mǝnana à kùria ka a bu Juliyos, ɓe soje mǝgulo amur ɓe nggǝsanyi mala asoje Roma, à tunǝia ama, “Nggǝsanyi asoje mala Mǝtala Nzali.”

Amǝ Mishan 28:11

Anzǝm azongŋo tārú ka sǝm lo gya aɓa nggeamur a ɓe waru mǝnana yi mal kunɗwal a mǝno yì luran ngga. Waru mala amǝ Alizandǝriya na. Ndanǝ aɓǝ̀nzál ɓari mala agirperi mala amǝ Gǝrik, “Kasto andǝ Poluks” mǝnana à shàrria a kundǝmbǝi ka.

Amǝ Mishan 28:16

Lang sǝm bwalǝna Roma ka, à nying Bulǝs ɓǝ̀ do aɓa ɓamuri a ɓe ɓala. À tsǝki wi ɓe soje mwashat ɓǝ̀ kǝ yallí.

Amǝ Mishan 6:5

Mǝnia yì cau à bang ngga, banɓoari koyan ngga a rǝì. Pǝlǝa à twal Itǝfanu, ɓwa mǝnana lumsǝ nǝ paɓamuru aban Ɓakuli andǝ Bangŋo Mǝfele ka, andǝ Filip, andǝ Pǝrokorus, andǝ Nikano, andǝ Timon, andǝ Pamena, andǝ Nikolas. Nikolas ka ɓwa nggeala Antiyok na, mǝnana kuti a kpata peri mala amǝ Yahudi ka.

Amǝ Mishan 9:30

Lang ce nǝ̀ kpa kir amǝ'eamrǝarǝu ka, kara à ɓang nǝ Sawul à um nǝi a Kaisariya, à kya tasǝ te aban ká Tarsus, a la malea.

Amǝ Afisu 4:11

Kǝ yì na mǝnana pākiyi aɓwana aɓoro ka; aɓea ɓwana ka pea wia ɓoro mala turo mishan, aɓea aɓwana ka amǝ'ɓangna mala Ɓakuli, aɓea ɓwana ka amǝham nǝ Cau Amsǝban, aɓea ɓwana ka amǝyal aɓwana, sǝ aɓea ɓwana ka amǝkanigir.

2 Timoti 4:5

Sǝ we ka, hami rǝo aɓa koya ulang ɓealǝu mala do, dumnǝ gandǝrǝu aɓa nutanni, pak turo mala Mǝhama, lumsǝ turo mǝnana a pakkiyi ace Ɓakuli ka.