Amǝ Mishan 21:7 - Maləmce Məfele mala Ɓakuli: Kurcau Məbəshe

⁷ Sǝm loapi Taya ka, sǝm yì came a nggeala Tolemayas. Sǝm makki amǝ'eamrǝarǝu kun, sǝ sǝm nong-mwashat abanì.

Amǝ Mishan 21:7 ပူးပေါင်းရင်းမြစ်များ

Matiu 5:47

Sǝ ɓǝ̀ amǝ'eam wun na nǝmurǝia wu makkiyia kun ngga, nǝ man sǝ wu kuti acili aɓwana mǝnana amǝkpatam na raka? Nggearǝ amǝɓanza ka anggo sǝ à pakkiyia.

Amǝ Mishan 1:15

Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Mishan 12:20

Hirǝdus ka bumi lullo arǝ amǝ Taya andǝ amǝ Sidon, nda sǝ à wario a tarǝia aban yi à nǝ̀ ngga gilǝki cau, acemǝnana kǝ girlina mana a nzali mala Hirǝdus ka nda à akiyi kam ngga. Lang à kumǝna gbasha aban Bǝlastus, muna ɓala mǝnana murǝm earnǝi ka, pǝlǝa à zǝm cau mala dotarǝu aɓa dorǝpwala.

Amǝ Mishan 18:22

Lang waru yi kpashina a kun mur a Kaisariya ka, Bulǝs sulǝo nǝ̀ kar a Urǝshalima aban makki amǝkwaɗi kun. Pǝlǝa bwal njar nyare o a Antiyok aɓa bu-nzali Suriya.

Amǝ Mishan 21:10

Anzǝm mǝnana sǝm pakkina anonggeo pas akano a ɓala mala Filip ka, ɓe mǝɓangna mala Ɓakuli mǝnana à tunǝki ama Agabus ka, puro a bu-nzali Yahudi yi kum sǝm.

Amǝ Mishan 21:17

Lang sǝm yì bwalǝna Urǝshalima ka, amǝ'eamrǝarǝu ak sǝm nǝ bumpwasǝa.

Amǝ Mishan 21:19

Anzǝm makkun ngga, Bulǝs bǝl ɓalǝ agir mwashat-mwashat, mǝnana Ɓakuli pea nǝ bu turo mishan male aɓalǝ aɓwana mǝnana amǝ Yahudi na raka.

Amǝ Mishan 21:3

Sǝm nda aban samsǝa aɓa nggeamur aban o ka, mǝsǝ sǝm yi kpa arǝ luran mala Sayipǝrus kuko, sǝm yi turi nǝ bu sǝm mǝnggare, sǝm lidǝmbǝa aban o. Sǝm yì kpashi a kunmur mala nggeala Taya, aɓa bu-nzali Suriya. Abanì sǝ amǝturo ɓa-waru sulǝ twalo.

Amǝ Mishan 25:13

Anzǝm anonggeo bǝti ka, Murǝm Agǝripa andǝ Banayis à yiua makki Festus kun a Kaisariya ace gulo mǝnana kum ka.

Amǝ Mishan 28:12

Sǝm nggea bik ɓe la ama Sirakiyus, aɓa luran mala amǝ Sisili. Sǝm pak anongŋo tārú kam.

Amǝ Ibǝru 13:24

Wu makki aɓwana-mǝgule ma'wun kun, andǝ acili aɓwana mala Ɓakuli kat. Amǝkwaɗi mǝnana amǝ Italiya na ka à kǝ makka wun kun.