Amǝ Mishan 21:40 - Maləmce Məfele mala Ɓakuli: Kurcau Məbəshe

⁴⁰ Mǝsarǝban mala asoje pǝlǝa nyinggi wi njar ɓǝ̀ na cau. Bulǝs pǝlǝa came amur ban-eauwe, sǝ loasǝi aɓwabunda bui ama ɓǝa pwalo. Lang ban pwalǝna atea piu ka, Bulǝs pǝlǝa nea wia cau nǝ kun Ibǝru.

Amǝ Mishan 21:40 ပူးပေါင်းရင်းမြစ်များ

Luka 23:38

Amuri a kuli arǝ kpamgbang ngga, à gilǝ amǝnia yì acau ka: “ƁWA MƏNIA KA NDA MURƏM MALA AMƏ YAHUDI.”

Yohana 19:13

Lang Bilatus nǝ̀ ok cau mǝno ka, pǝlǝa pusǝ Yesu a banfana sǝ eauwe do amur buno ɓashi mǝnana à kǝ tunǝi ama, “Ban múr tali” ka. (Nǝ kun Ibǝru ka à kǝ tunǝi ama, “Gabbata.”)

Yohana 19:17

À tsǝki wi nggun-gangndi mǝnana à nǝ̀ ká gballì amuri ka, a meali, sǝ pur aban ká aban mǝnana à kǝ tunǝi ama “Ban kpouloɓamuru” ka. Nǝ kun Ibǝru ka, à tunǝ banì ama, “Golgota.”

Yohana 19:20

Ban mǝnana à gballì Yesu kam ngga, sau nǝ la ɗang, aɓwana pas ɓal mǝnia yì gir à gilǝì ka, acemǝnana à gilǝì nǝ kun mala amǝ Ibǝru, andǝ kun mala amǝ Latin, andǝ kun mala amǝ Gǝrik.

Yohana 5:2

Aɓa Urǝshalima ka, ɓe guguri nakam a Kun njar mala anzur mǝnana à tunǝki nǝ kun mala amǝ Yahudi ama Beseda ka. À gumbǝli nǝ atara tongno.

Amǝ Mishan 1:19

Aɓwana mǝnana à do a Urǝshalima kat ka, à ok ce, nda tsǝa sǝ à tunǝ banì nǝ kun malea ama, Akeldama ka, ɓālǝi nda “Nzali Nkila.”)

Amǝ Mishan 12:17

Bitǝrus pǝlǝa nea wia nǝ bui ama ɓǝa duk kunia piu, pǝlǝa bǝlia wia ɓālǝi lang sǝ Mǝtalabangŋo pusǝì, pur nǝi a ndàkurban ngga. Nea wia ama, ɓǝa banggi Jemis andǝ amǝ'eamrǝarǝu amǝnia yì agir ka, pǝlǝa nyia kutio o a ɓe ban.

Amǝ Mishan 13:16

Bulǝs pǝlǝa lo came, loasǝ bui ama ban ɓǝ̀ pwal ka, sǝ na ama: Wun amǝ Isǝrayila andǝ aɓwana mala aɓea anzali, mana wu kǝ peri aban Ɓakuli ka, wu kwaki kir wun wu oem!

Amǝ Mishan 19:33

Aɓea amǝ Yahudi ramta Alizanda a dǝmbǝa a ɓadǝm ɓwabunda ɓǝ̀ bǝlia wia ɓa ceì. Pǝlǝa Alizanda lǝmndǝì ɓwabunda bu ɓǝa duk kunia piu, sǝ ɓariki nǝ̀ na kuni, amur tǝr gir mana kumban ngga.

Amǝ Mishan 21:35

À yì bwalǝna ban-eauwe mǝnana à nǝ̀ eau nǝi aban ká aɓa banmǝcande ka, ɓwabunda twalo zunggǝli kǝrkǝr. À san rǝia aban ká arǝ Bulǝs à nǝ̀ wali, gandǝa asoje imsǝi a kwaru ace amsǝe a bu ɓwabunda mana nyāri a rǝi ama à nǝ̀ wal-lui ka.

Amǝ Mishan 22:2

Lang à oe aban na cau nǝ kun malea, kun Ibǝru ka, kara ban nyare pwal atea piu-piu. Sǝ Bulǝs lidǝmbǝa nǝ na cau ama:

Amǝ Mishan 26:14

Sǝm kat ka sǝm kpa a nzali, sǝ ǝn ok giu ɓeɓwa aban nam cau nǝ kun Ibǝru ama, “Sawul, Sawul! Palang sǝ a kǝ pam tanni le? Walki rǝǔ mo arǝ nkpako ka nda ɓà.”

Amǝ Mishan 6:1

Aɓalǝ amǝno yì anonggeo, lang lakki mala amǝkpata Yesu nǝ̀ nggǝ lidǝmbǝa ka, nggwani kutio a nre ka amǝ Yahudi mǝnana à kǝ na kun Gǝrik, andǝ amana à kǝ na kun Ibǝru ka. Amǝnana à kǝ na kun Gǝrik ka, à na ama à kǝ tsǝkir aman-lú malea aban gau girlina mala koya pwari ka ɗang.

Sǝna 16:16

Pǝlǝa abangŋo mǝɓane mǝno ramnggi amurǝma andǝ amǝ'lwa malea abanɓwáná aban mǝnana à tunǝki nǝ kun Ibǝru ama Armagedon ngga.

Sǝna 9:11

Murǝm malea ka nda mǝturonjar mala tuli-tàtǝkǝtè. Lullǝi nǝ kun Ibǝru ka nda Abbadon, sǝ nǝ kun Gǝrik ka nda Apoliyon, Mǝkiɗikiban.