Amǝ Mishan 21:11 - Maləmce Məfele mala Ɓakuli: Kurcau Məbəshe

¹¹ Yiu sǝ yi twal nggur-ɓunu mala Bulǝs, pǝlǝa kùr akusǝ ɓamuri andǝ abui nǝi. Pǝlǝa bangŋa ama, “Bangŋo Mǝfele na aban na ama, ‘Anggo sǝ amǝ Yahudi nǝ̀ ngga kùr mǝtala nggur-ɓunu mǝnia ka a Urǝshalima, sǝ à nǝ̀ twali à nǝ̀ pea aɓwana mǝnana amǝ Yahudi na raka.’ ”

Amǝ Mishan 21:11 ပူးပေါင်းရင်းမြစ်များ

Yohana 18:1

Anzǝm mǝnana Yesu malǝna hiwi ka, pǝlǝa lo andǝ alaggana male a eauwe a nkaring mala Ɓangŋaban Kidǝron. À kya kutio a ɓe ɓaban mala anggun olif.

Amǝ Mishan 13:2

A ɓe pwari lang à nǝ̀ nggǝ peri aban Mǝtalabangŋo andǝ gilmur ka, Bangŋo Mǝfele na ama, “Wu taram Barnabas andǝ Sawul wu cia ɗàng ace turo mǝnana ǝn tunǝia à nǝ̀ pakkam ngga.”

Amǝ Mishan 16:6

Bulǝs andǝ aɓi amǝgya à o arǝ abu-nzali Firigiya andǝ Galati, acemǝnana Bangŋo Mǝfele earia wia ama ɓǝa hamnǝ cau a bu-nzali Asiya ɗang.

Amǝ Mishan 20:23

Kǝ gir mǝnana ǝn sǝlǝ ka nda mǝnana ama, a ko ya nggeala ǝn kuti kam ngga, Bangŋo Mǝfele kǝ nunkiram ama oasǝban a ndàkurban andǝ tanni na à kǝ kundǝam ngga.

Amǝ Mishan 21:33

Mǝsarǝban mala asoje yi bwal Bulǝs, bangŋa ama ɓǝa ta abui nǝ ansolo ɓari. Pǝlǝa ɗiban ama, “Yana nda man, sǝ mana ɗe pa?”

Amǝ Mishan 21:4

Sǝm nggea alta amǝkwaɗi mǝnana abanì ka sǝm do atea limo mwashat. Bangŋo mala Ɓakuli lǝmndǝì amǝkwaɗi mǝno ka ama ɓǝa ne Bulǝs ɓǝ̀ kǝa na ama nǝ̀ ká Urǝshalima ɗang.

Amǝ Mishan 22:25

À kurkina Bulǝs nǝ nggur ama à nǝ̀ kwe. Pǝlǝa ɗi soje mǝgulo mǝnana came abanì ka ama, “Nggearǝì ka, nggurcau mala nzali eara wun ama ɓǝ̀ wu kwak ɓwa nzali Roma mǝnana à malaká ɓashi wi, a kumi nǝ ɓe kǝ cauɓikea raka le?”

Amǝ Mishan 24:27

Anzǝm mǝnana apǝlǝa ɓari kutina ka, ɓe bǝsa Nggwamna Posiyos Festus yi aki Felis turo do Nggwamna. Sǝ acemǝnana Felis earce pwasǝbum amǝ Yahudi ka, nying Bulǝs a ndàkurban.

Amǝ Mishan 26:29

Bulǝs ne wi ama, “Ko aɓa do mgbeatuk ko mǝsauwe, hiwi mem aban Ɓakuli ka, nda mǝnana ama, we andǝ acili aɓwana mǝnana ado à kǝ oem yalung ngga, wu nǝ̀ do kǝla mim, sǝa ma, ɓǝ̀ kǝa pa andǝ ansolo man ɗang!”

Amǝ Mishan 28:17

Anzǝm anongŋo tārú ka, Bulǝs tunǝ aɓwana-mǝgule mala amǝ Yahudi mǝnana aban mǝno ka à kpapi. Lang à yì rambǝna ka, pǝlǝa banggia wia ama: Wun amǝ'eambǝam amǝ Isǝrayila, kat andǝ amani ama ǝn pak kǝgir mǝɓane aban aɓwana mem ko arǝ acau mala do kpata kuncau mala aká sǝm raka, à bwalam à kùrram a Urǝshalima. Sǝ à yiu nǝ mim à yì pe amǝ Roma.

Amǝ Mishan 28:20

Nda gir mǝnana tsǝa sǝ ǝn na nǝma ɓǝa tunǝ wun mǝ nǝ na cau nǝ wun ngga. Aɓa mǝsǝcau ka, nda ace gir mǝnana amǝ Isǝrayila tsǝk ɓalǝia a rǝì ka, sǝ à kùrram nǝ ansolo man.

Amǝ Mishan 28:25

Pǝlǝa à tita nying banì, nǝ makgir a rǝarǝia. Bulǝs ka angŋa dǝmbǝa bangŋǝnia wia mǝnia yì cau ka ama: Bangŋo Mǝfele banggi aká wun mǝsǝcau nǝ kun Ishaya, mǝɓangna mala Ɓakuli. Nea wia ama:

Amǝ Mishan 8:29

Pǝlǝa Bangŋo mala Ɓakuli ne Filip ama, “Kyane, bwalta mǝno yì waru ka.”

Amǝ Mishan 9:16

Mǝ nǝ lǝmndǝì wi agir mǝnana nǝ̀ tanni a rǝia kat ace lullǝam ngga.”

Amǝ Afisu 3:1

Ace mǝnia, sǝ mim Bulǝs ka mǝ nda a kùrban ace Kǝrǝsti Yesu, ace wun, wun aɓwana mana wu ndaka amǝ Yahudi raka.

Amǝ Afisu 4:1

Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

Amǝ Afisu 6:20

Àkǝ̀ ce mǝnia yì cau ka sǝ mǝ nda a ndàkurban ado, sǝa ma ǝn lidǝmbǝa nǝ hamnǝ cau, acemǝnana Ɓakuli nǝ́ turam kǝla mǝ'pwantu male. Wu pak hiwi acem ama mǝ camarǝ nakuni nǝ mǝsǝkang-kangŋa, kǝla mǝnana ɓoaro ɓǝ̀ ǝn ne ka.

1 Timoti 4:1

Adyan ngga, Bangŋo Mǝfele kǝ na sǝm bwāng ama a masǝlǝata apwari ka, aɓea aɓwana nǝ̀ pǝlǝì paɓamuru mǝ'mǝsǝcau nì nzǝmia. À nǝ̀ kpata abangŋo mǝ'nyirì andǝ akanigir mǝnana à pur nǝ ban akukwar ka.

2 Timoti 2:9

Sǝ acemǝnana ǝn nggǝ hamnǝ mǝnia yì Cau Amsǝban ngga, mǝ ndya ǝn nggǝ tanni, à kùrram nǝ ansolo kǝla ɓwa mǝnana mǝɓealɓikea na ka. Sǝa ma cau mala Ɓakuli ka, à kùrrì ɗang.

Amǝ Ibǝru 10:34

Aɓwana mǝnana à turia aɓa ndàkurban ngga, wu sǝn mǝsǝswatǝr malea. Ko nggearǝ akume ma'wun mǝnana à ea arǝ wun nǝ rǝcandǝa ka, wu pak bumpwasǝa nǝ mǝno, acemǝnana wu sǝlǝna ama wu ndanǝ kume mana kuti mǝno ka, sǝ ɗǝm ngga pà nǝ̀ mal raka.

Amǝ Ibǝru 3:7

Ace mani ka, kǝla mǝnana Bangŋo Mǝfele kǝ na ama: “Ɓǝ̀ yalung, sǝ wu ongŋa gi ka,

1 Bitǝrus 1:12

Ɓakuli lǝmndǝi amǝnia yì amǝ'ɓangna male ka ama acau mǝno banggiyi nǝ kunia ka, à pà ace ɓamuria ɗang, à nda ace wun. Sǝ adyan ngga, mǝnia yì Cau Mǝɓoarne ka, à hamǝna nǝi a banfana aban wun. Aɓwana mǝnana à hamnǝi ka, à hamnǝi aɓa rǝcandǝa mala Bangŋo Mǝfele mǝnana Ɓakuli tasǝi nǝ kuli ka. Nggearǝ amǝturonjar mala Ɓakuli ka, à tsǝk mǝsǝia à nǝ̀ sǝni lang sǝ amǝnia yì agir ka, à nǝ̀ pa.