Amǝ Mishan 20:4 - Maləmce Məfele mala Ɓakuli: Kurcau Məbəshe

⁴ Aɓea burana mǝnana à o ate ka à ndaka Sopata, muna mala Pirus ɓwa Biriya, andǝ Aristakus andǝ Sekundus amǝnana à pur nǝ nggeala Tasalonika ka. Gayus ɓwa Dabe, andǝ Tikikus andǝ Tǝrofimus, amana à pur a bu-nzali mala Asiya ka, à o ate gbal, yia andǝ Timoti.

Amǝ Mishan 20:4 ပူးပေါင်းရင်းမြစ်များ

Amǝ Mishan 14:20

Lang amǝkwaɗi yi karǝì aɓalǝu ka, kara par bui lo nyare kutio aɓa nggeala. Ɓe banfana ka, yì andǝ Barnabas, à lo, à kutio a Dabe.

Amǝ Mishan 14:6

Lang ce nǝ̀ yia kpa a kir amǝ'mishan ngga, kara à ɓangŋa à o arǝ anggea-là Listǝra andǝ Dabe mala amǝ Likoniya, andǝ cili bum-ban mana kàrǝì ban mǝno ka.

Amǝ Mishan 16:1

Bulǝs andǝ Silas wario a nggeala Dabe, sǝ à kya kutio à o a nggeala Listǝra. Abanì ka ɓe mǝkwaɗi na kam lullǝi ama Timoti. Ngge yì Timoti gbal ka mǝkwaɗi na, ɓwa Yahudi, sǝ tarrí ka ɓwa Gǝrik na.

Amǝ Mishan 16:6

Bulǝs andǝ aɓi amǝgya à o arǝ abu-nzali Firigiya andǝ Galati, acemǝnana Bangŋo Mǝfele earia wia ama ɓǝa hamnǝ cau a bu-nzali Asiya ɗang.

Amǝ Mishan 17:1

Bulǝs andǝ Silas yi gya arǝ ala Amfipolis andǝ Apoloniya, à yì bwal Tasalonika, ban mǝnana ɓe ndakpapi mala amǝ Yahudi nakam ngga.

Amǝ Mishan 17:13

Lang amǝ Yahudi mana a Tasalonika ongŋǝna ama a Bulǝs na ban hamnǝ cau mala Ɓakuli a Biriya ka, à yiu abanì à yì soakita aɓwana kam pas, à lo loasǝban.

Amǝ Mishan 19:29

Zuku ka, loasǝban mǝno akinaban, ɓa nggeala kat lo cam nǝ kusǝì. Ɓwabunda nyāri, à pur nǝ mire aban ká a bankpapi mala nggeala. À bwal aburana ɓari, Gayus andǝ Aristakus, aɓi amǝ gya mala Bulǝs, mǝnana à pur a Masǝdoniya sǝ à yiu ka. À nunggia à um nǝia a bankpapi.

Amǝ Mishan 2:9

Sǝm ngga sǝm purki arǝ anzali Pataya, andǝ Medes, andǝ Elam, andǝ Mesopotamiya, andǝ Yahudi andǝ Kapadosiya. Sǝ aɓea ɓwana ata sǝm ngga à purki arǝ anzali Pwantus andǝ Asiya,

Amǝ Mishan 20:16

Amur njar aban ká Miletus ka, waru samsǝa yi kuti nǝ ban nggeala Afisu. Bulǝs ka angŋǝna dǝmbǝa twalǝna a ɓabumi ama pà nǝ̀ came a Afisu ɗang, ace mǝnana ɓǝ̀ kǝa kiɗiki pwari kǝrkǝr aɓa bu-nzali Asiya raka. Yì ka, nda mur larri nǝ̀ ngga bwal Urǝshalima, ɓǝ̀ nǝ̀ gandǝ pa ka ɓǝ̀ yi kum pwari Pakiɗire Pentikos.

Amǝ Mishan 20:18

Lang à yina ka, pǝlǝa nea wi ama: Wun ngga wu surǝna ulang do mem andǝ turo mǝnana ǝn pa aɓalǝ apwari mǝno kat mǝ nda aban wun ngga, tite àkǝ̀ pwari mǝnana ǝn yiu nǝi a bu-nzali Asiya ka.

Amǝ Mishan 21:29

(Yia ka à bangŋa anggo, acemǝnana à sǝn Tǝrofimus ɓwa Afisu a tarǝia andǝ Bulǝs aɓa nggeala, nda sǝ à twali ama Bulǝs warina nǝi aɓa Ndàmǝgule mala Ɓakuli ka.)

Amǝ Mishan 27:2

Pǝlǝa sǝm kutio aɓa waru mǝnana puro a nggeala Adǝrametiyom, sǝ lo gya nǝ̀ ngga karkya arǝ aban-kpashia mala awaru akun nggeamur mala bu-nzali Asiya ka. Sǝm lo gya sǝm puro aɓa nggeamur. Aristakus, yì ɓwa mǝnana pur nǝ nggeala Tasalonika aɓa bu-nzali Masǝdoniya ka, nda ata sǝm.

Amǝ Roma 16:21

Timoti, ɓeam mǝturo, kǝ makka wun kun. Anggo gbal sǝ Lukiyus, andǝ Jasǝn, andǝ Sosipata, aɓǝla mem, à kǝ makka wun kun.

Amǝ Roma 16:23

Gayus, ɓwa mǝnana ǝn sulǝo a ɓala male, sǝ a ɓala male sǝ amǝkpata Ɓakuli mana akani kǝ̀ kpapi ka, kǝ̀ makka wun kun. Arasǝtus, mǝ'tsǝk boalo mala nggeala, andǝ mǝ'eam sǝm Kwartus, à kǝ makka wun kun.

2 Amǝ Korinti 1:1

Mǝnia yì cautera ka, pur nǝ bu Bulǝs mǝnana nǝ eare mala Ɓakuli sǝ tàri, ama ɓǝ̀ duk mǝ'mishan mala Kǝrǝsti Yesu ka, andǝ mǝ'eam sǝm Timoti. Sǝm nda ban gilǝì ikǝlisiya mala Ɓakuli mǝnana a Korinti, andǝ aɓwana mala Ɓakuli kat mǝnana a nzali Akaya ka.

2 Amǝ Korinti 1:19

Acemǝnana Yesu Kǝrǝsti Muna mala Ɓakuli, mǝnana mim sǝnǝ Silas andǝ Timoti, sǝm hamnǝ cau male aban wun ngga, “E” na andǝ “Awo” a tarǝia ɗang. A ɓalǝi ka, “E” na, a koya pwari ka.

Amǝ Afisu 6:21

Gir mana mǝ nda ɓālǝi ado, turo mǝnana ǝn pakkiyi ka, andǝ rǝcandǝa mala nggūrǝam ngga, Tikikus nǝ yia bǝla wun ɓālǝi kat. Yì ka, mǝ'eamrǝarǝu na, mǝnana sǝm earkiyi ace raka, sǝ ɓwa na mǝnana dum nǝ mǝsǝcau aɓa turo aban Mǝtalabangŋo ka.

Amǝ Filipi 2:19

Ɓǝ̀ Mǝtalabangŋo Yesu ear ka, mǝ ndanǝ tsǝkɓalǝu ama mǝ nǝ tasǝta Timoti aban wun, adyan tu, ace mǝnana ɓǝn yi kum ɓakɓabum arǝ cau mǝnana mǝ nǝ yia oe amur wun ngga.

Amǝ Kolosi 4:10

Aristakus mǝnana nda kani atam a ndàkurban ngga, kǝ makka wun kun, anggo gbal sǝ Markus mǝnana kèa mwashat andǝ Barnabas ka, kǝ makka wun kun. Kǝla mǝnana à bangŋǝna wun cau amuri yì Markus ka, ɓǝ̀ yina ka wu gingsǝi caca.

Amǝ Kolosi 4:7

Gyajam mǝɓoarne ma'sǝm Tikikus nǝ̀ bǝla wun ce gir mǝnana mǝ nda a ɓalǝi ka kat. Yì ka, mǝ'eamrǝarǝu mǝɓafoe na aɓa turo, ɓwa na mǝnana à nǝ̀ guli a rǝì ka, sǝ ɓi'sǝm guro na aɓa turo mala Mǝtalabangŋo.

1 Timoti 1:1

Mǝnia yì cautera ka, pur nǝ ban Bulǝs, mǝ'mishan mala Kǝrǝsti Yesu nǝ tasǝban mala Ɓakuli mǝ'amsǝ sǝm, andǝ mala Kǝrǝsti Yesu mǝnana nda tsǝkɓalǝu ma'sǝm ngga.

2 Timoti 1:2

Mǝ nda ban gilǝì Timoti munem mǝnana ǝn earkiyi ace raka. Ɓǝ̀ Ɓakuli Tárrû, andǝ Kǝrǝsti Yesu Mǝtala sǝm, lǝmndǝo ɓwamuru, ɓǝ̀ sǝn tǝ̀r mo, sǝ ɓǝ̀ cio wu kum dorǝpwala.

2 Timoti 4:12

Tikikus ka, ǝn turni a Afisu.

2 Timoti 4:20

Arasǝtus ka, nda piu a Korinti, sǝ Tǝrofimus ka, ǝn nyi nǝ rǝkwana a Miletus.

Titus 3:12

Ən nggǝ earce nǝma mǝ nǝ tasǝ Atimas ko Tikikus aban wun. Ɓǝ̀ yana atea sǝ bingŋǝna ka, ɓariki yiu abanam a Nikapolis, acemǝnana ǝn twalni a bumam mǝ nǝ ngga duk kano a kunɗwal.

Filimon 1:24

Sǝ anggo gbal, sǝ Markus, andǝ Aristakus, andǝ Dimas andǝ Luka, aɓeam amǝturo.

3 Yohana 1:1

Mǝnia yì cautera ka, pur nǝ banam, mim ɓwamǝgule Yohana aban ká aban Gayus, gyajam mem mǝ'mǝsǝcau nì, mǝnana ǝn earkiyi ace raka.