Amǝ Mishan 20:35 - Maləmce Məfele mala Ɓakuli: Kurcau Məbəshe

³⁵ Aɓa koya gir ǝn nggǝ pak ka, mǝ nda ban lǝmndǝa wun ama, aɓa pak turo mǝnana nkundǝr pa a rǝì raka sǝ sǝm nǝ̀ bwali aɓwana mana à pànǝi raka. Ɓǝ̀ sǝm ɗenyi nǝ acau mala Mǝtalabangŋo Yesu, mǝnana na nǝ ɓamuri ama, “Tsǝkbu mala Ɓakuli mana amur amǝ pa ɓoro ka nda kpǝm kuti do kúndǝo ɓǝa po.”

Amǝ Mishan 20:35 ပူးပေါင်းရင်းမြစ်များ

Matiu 10:8

Wu twalban rǝkwana, wu loasǝ alú, wu sonzǝ amǝdakali, wu pusǝki akukwar. Ɓah sǝ à pa wun. Wu pe aɓwana gbal ɓah.

Amǝ Mishan 20:20

Wun ngga wu sǝlǝna ama aɓa hamnǝ cau mala Ɓakuli bwāng, mǝnana ǝn pe aɓalǝ aɓwana, andǝ kanigir arǝ aɓala ma'wun ngga, ǝn nying kǝgir mǝnana ɓoaro ɓǝ̀ ǝn bangga wun, mǝnana nǝ̀ bwala wun nggam ngga ɗang.

Amǝ Mishan 20:27

Acemǝnana kane kat mǝnana Ɓakuli ndanǝi a ɓabumi, sǝ kǝ earce ama ɓǝ̀ wu surǝì ka, ǝn nyar nǝ tam arǝ hamnǝ ce aban wun ɗang.

Amǝ Mishan 20:34

Sǝ wun, nǝ́ ɓamur rǝ wun ngga, wu sǝlǝna ama, nǝ́ abuam mǝnia ka, sǝ ǝn nggǝ kum girlina mǝnana mǝ nǝ li sǝnǝ aɓwana mana sǝm nda sǝnǝia ka.

Amǝ Mishan 20:36

Lang Bulǝs malǝna na cau ka, pǝlǝa kūndǝo amur ankuni andǝia kat, sǝ à pak hiwi.

Amǝ Roma 15:1

Sǝm mǝnana sǝm ndanǝ rǝcandǝa ka, ɓoaro ɓǝ̀ sǝm bwali aɓwana mǝnana à gatti ka, ce sǝm lǝmndǝ earce ɓamuru ɗang.

1 Amǝ Korinti 9:12

Ɓǝ̀ wu pea aɓea aɓwana mana à hamnǝ cau mala Ɓakuli aban wun ngga gbasha aɓalǝ agirkuma ma'wun ngga, sǝm ngga ɓoaro ɓǝ̀ sǝm kumo ɓǝ̀ kuti malea re? Sǝa ma anggo ka, sǝm pak turo nǝ mǝnia yì bancame ka ɗang. A kúnì ka, sǝm bwal rǝ sǝm aɓalǝ agir kat, acemǝnana ɓǝ̀ sǝm ngga pak kǝgir mǝnana nǝ̀ tsǝa ɓwapǝndǝa nǝ̀ ɗwanyi ok Cau Amsǝban mala Kǝrǝsti ka ɗang.

2 Amǝ Korinti 11:12

Mǝ nǝ lidǝmbǝa nǝ pak agir mǝnana ǝn pakkiyi ado ka, ace mǝnana mǝ tamsǝ aɓwana mǝnana à ndaban alta njar à nǝ̀ bangŋa ama turo mishan malea arǝ agir mana à kǝ nggori nǝia ka mǝ'mwashati na andǝ ma'sǝm ngga.

2 Amǝ Korinti 11:9

Mǝnana mǝ nda aban wun sǝ mǝ nda aɓa tǝle ka, ǝn duk twalo amur kǝɓwa ɗang. Amǝ'eamrǝarǝu mǝnana à pur nǝ Masǝdoniya ka, à yinǝam nǝ gir mǝnana ǝn earkiyi ce ka kat. Ən yal ɓamuram, ǝn eare mǝ duk twalo amur wun aɓa koya kǝ njari ka ɗang, sǝ pa mǝ nǝ duk ɗang.

2 Amǝ Korinti 12:13

Mana gir nì na ǝn pakki acilia a'ikǝlisiya sǝ ǝn pakka wun ɗang? Kǝgir mǝnana ǝn pakka wun raka nda mǝnana ama ǝn dupa wun twalo a bui mala boalo raka. Ida wu twalam ban mǝnia yì ɓwarkio ka!

2 Amǝ Korinti 8:9

Wu sǝlǝna nǝ ɓwamuru mala Mǝtala sǝm Yesu Kǝrǝsti; mǝnana kat andǝ amani ama yì ka, mǝkume na ka, yi duk mǝtǝ̀r ace wun, ace mǝnana wun, aɓa dotǝ̀r male ka, ɓǝ̀ wu pǝlǝa amǝkume.

Amǝ Afisu 4:28

Ɓǝ̀ a kǝ iun'i ɗiɗyal ka, nying buo a rǝì. Pak turo mǝɓoarne nǝ abuo, ace mǝnana wu kumo wu pe aɓwana mǝnana à ɗwanyi ka.

1 Amǝ Tasalonika 4:11

Wu ɓariki wu soa mǝsǝ wun arǝ dukdo bwalrǝu aɓa ɓukɓuka, wu kǝ tsǝk ɗenyicau arǝ aturo ma'wun, wu kǝa kutiki aɓalǝ acau mala aɓwana ɗang; sǝ wu kǝ pak turo nǝ abu wun, kǝla mǝnana sǝm bangga wun ɗiɗyal ka.

1 Amǝ Tasalonika 5:14

Wun amǝ'eambǝam, sǝm nggǝ kwarkir wun, wu nun kir aɓwana mǝnana à ndanǝ nkundǝr ka. Wu ɓak ɓabum amǝ'ɓangciu, wu bwalia aɓwana mǝnana à pànǝ rǝcandǝa raka. Wu dum nǝ munyi arǝ aɓwana kat.

Amǝ Ibǝru 13:16

Ɓǝ̀ ɓalǝ wun ɓǝ̀ kǝa lorǝ ce pak mǝɓoarne, andǝ gau gir mǝnana wu ndanǝi ka wunǝ aɓwana ɗang, acemǝnana nǝ ulang amǝno yì aɓoro ka sǝ bum Ɓakuli kǝ pwasǝo.

Amǝ Ibǝru 13:3

Wu ɗenyi nǝ aɓwana mǝnana à nda a ndàkurban ngga, kǝla wu ndakam atea, sǝ aɓwana mǝnana à ɓinǝ mǝsǝia, à kǝ pakkia wia mǝɓane ka, wu ɗenyi nǝia kǝla gir nî ka nda rǝ wun.

3 Yohana 1:7

Acemǝnana gya malea ka, nda àkǝ̀ ce turo mala Kǝrǝsti, sǝ yia ka à kǝ ak kǝgir a bu aɓwana mǝnana amǝkwaɗi na raka ɗang.