Amǝ Mishan 20:33 - Maləmce Məfele mala Ɓakuli: Kurcau Məbəshe

³³ Ən sham ma kǝ boalo mala ɓwa ko agir-nggurǝu male ɗang.

Amǝ Mishan 20:33 ပူးပေါင်းရင်းမြစ်များ

1 Amǝ Korinti 9:12

Ɓǝ̀ wu pea aɓea aɓwana mana à hamnǝ cau mala Ɓakuli aban wun ngga gbasha aɓalǝ agirkuma ma'wun ngga, sǝm ngga ɓoaro ɓǝ̀ sǝm kumo ɓǝ̀ kuti malea re? Sǝa ma anggo ka, sǝm pak turo nǝ mǝnia yì bancame ka ɗang. A kúnì ka, sǝm bwal rǝ sǝm aɓalǝ agir kat, acemǝnana ɓǝ̀ sǝm ngga pak kǝgir mǝnana nǝ̀ tsǝa ɓwapǝndǝa nǝ̀ ɗwanyi ok Cau Amsǝban mala Kǝrǝsti ka ɗang.

1 Amǝ Korinti 9:15

Sǝ yale ǝn pak turo nǝ kǝ kina aɓalǝ amǝno yì agir ka ɗang. Sǝ ǝn pa aban gilǝa wun acemǝnana ɓǝ̀ wu pakkam anggo ado ka ɗang. Ɓoaribani ɓǝ̀ ǝn wú, amur mǝnana ɓeɓwa ɓǝ̀ tamsǝam arǝ nggori nǝ turo hama mǝnana alta mbweban ace pà kàm raka.

1 Amǝ Korinti 9:18

Mana nda tangnakusǝam? Kǝ gir mǝnana nda tangnakusǝam ngga, nda njar mana Ən kumo mala hamnǝ Cau Amsǝban mǝnana pà a tarǝia andǝ mbweban raka. Nda gir mana tsǝa sǝ pà mǝ nǝ alta gir mǝnana nǝma à nǝ̀ pakkam ace turo hamnǝ Cau Amsǝban mǝnana ǝn nggǝ pak ka ɗang.

1 Amǝ Korinti 9:4

Nggearǝ sǝm ngga, sǝm kārǝa ɓǝa pà sǝm girlina andǝ girnuna re?

2 Amǝ Korinti 11:7

Ən ɓwarkí nǝ́ ɓwarkio, yi mǝnana ǝn nyesǝ muram a nzali, sǝ ǝn loasǝ wun a kuli nǝ hamba wun bǝsa Cau Mǝɓoarne mala Ɓakuli ɓà, wu mbwem kǝgir raka le?

2 Amǝ Korinti 11:9

Mǝnana mǝ nda aban wun sǝ mǝ nda aɓa tǝle ka, ǝn duk twalo amur kǝɓwa ɗang. Amǝ'eamrǝarǝu mǝnana à pur nǝ Masǝdoniya ka, à yinǝam nǝ gir mǝnana ǝn earkiyi ce ka kat. Ən yal ɓamuram, ǝn eare mǝ duk twalo amur wun aɓa koya kǝ njari ka ɗang, sǝ pa mǝ nǝ duk ɗang.

2 Amǝ Korinti 7:2

Wu lǝmndǝa sǝm earcearǝu a ɓabum wun. Sǝm pakki kǝɓwa mǝɓane ɗang; sǝm tsǝk kǝɓwa a njargula ɓwarkio ɗang, sǝ sǝm ɓǝmbǝri kǝɓwa ɗang.

1 Amǝ Tasalonika 2:5

Sǝ wu sǝlǝna gbal ama, sǝm yiu aban wun nǝ kúnɓoarna, ko sǝm sǝmbǝrǝ ɓe kǝ ɓealǝu mala kunligir nǝ acau ma'sǝm ɗang. Ɓakuli ka nda mǝ'nakún sǝm amur mani!

1 Bitǝrus 5:2

Wu yal domwan mala Ɓakuli mǝnana tsǝk wun a yale ka. Wu tsǝk mǝsǝ wun a rǝì nǝ eare ma'wun, kǝla mǝnana Ɓakuli earce ka, pa kǝla à tsǝk wun púp ɗang. Wu pak ture sǝ wu kǝa tsǝk ɓalǝ wun arǝ gir mǝnana wu nǝ̀ kumo a ɓalǝi ka ɗang, wu pe acemǝnana wu ndanǝ rǝɓǝla mala pakki Ɓakuli turo ka.

3 Yohana 1:7

Acemǝnana gya malea ka, nda àkǝ̀ ce turo mala Kǝrǝsti, sǝ yia ka à kǝ ak kǝgir a bu aɓwana mǝnana amǝkwaɗi na raka ɗang.