Amǝ Mishan 20:31 - Maləmce Məfele mala Ɓakuli: Kurcau Məbəshe

³¹ Ace mani ka, wu tsǝkir wun pepe! Wu ɗenyi ama, nǝ amǝrǝm a mǝsǝam, du andǝ pwari, mǝ nda aban kani ko yan ata wun ngga cau mala Ɓakuli kat ba apǝlǝa tārú.

Amǝ Mishan 20:31 ပူးပေါင်းရင်းမြစ်များ

Matiu 13:25

Lang aɓwana na ntulo kat ka, ɓimǝbura yiu yi ɓeal nkwangŋan aɓa mǝssa, sǝ pǝlǝa o.

Matiu 3:7

Sǝ lang Yohana sǝn amǝ Farisi andǝ amǝ Saduki à nǝ̀ nggǝ yiu pas abani ace mǝnana ɓǝa pakkia wia batisǝma ka, nea wia ama, “Wun amuna an'yau barya! Yan nun kir wun ama ɓǝ̀ wu ɓanggi ɓashi mala Ɓakuli mǝnana kǝ yiu ka?

Luka 21:36

Wu dum nǝ mǝsǝ wun ko aya pwari, nǝ́ pak hiwi ace mǝnana ɓǝ̀ wu api amǝnia yì agir mana à mala à nǝ̀ kumban, sǝ ɗǝm ngga ɓǝ̀ wu kum kusǝu came a ɓadǝm Muna mala Ɓwa ka.

Amǝ Mishan 19:10

Bulǝs lidǝmbǝa nǝ kanigir a mǝno yì ndà-kanigir ka, kya bwal pǝlǝa ɓari, sǝ ace mǝno ka aɓwana kat mana nǝ do a bu-nzali mala Asiya ka, amǝ Yahudi andǝ amǝ Gǝrik, à ok cau mala Mǝtalabangŋo.

Amǝ Mishan 19:8

Anzǝm mǝno ka, Bulǝs twal zongŋo tārú kǝ wario aɓa ndakpapi, camarǝ ne aɓwana cau nǝ mǝsǝkang-kangŋa. Aɓa nakia cau andǝ aɓwana ka, kǝ ɓariki nǝ̀ nyesǝ ɓabumia arǝ do murǝm mala Ɓakuli amur aɓwana.

Amǝ Mishan 20:11

Pǝlǝa Bulǝs andǝ acili aɓwana nyare à o a ndakuli ɗǝm. Anzǝm mǝnana à lina girlina a tarǝia ka, Bulǝs lidǝmbǝa nǝ nea wia cau ba kwaro mala ban. Pǝlǝa bwal njar kutio o.

Amǝ Mishan 20:19

Nǝ nyesǝɓamuru andǝ mǝrǝm a mǝsǝam sǝ ǝn pakki Mǝtalabangŋo turo, acemǝnana mǝ nda mǝguro male. Ən do nǝ gandǝrǝu aɓa nutanni mala agir mǝnana à yipam nǝ kurkunarǝu mala amǝ Yahudi mǝnana amǝkwaɗi na raka.

Amǝ Mishan 20:7

Nǝ pwari kpǝra a pwari Ladi ka, sǝm yì rambǝa a tarǝ sǝm aban li girlina. Bulǝs tita hami aɓwana cau, sǝ acemǝnana ɓǝ̀ ban kwarǝna ka nǝ̀ bwal njar nǝ̀ o ka, camarǝ na cau kya bwal ɓadu.

Amǝ Mishan 24:17

Anzǝm apǝlǝa pas mǝnana ǝn ɗekina Urǝshalima nǝi ka, ǝn nyare ǝn wario abanì ace mǝnana ɓǝ̀ ǝn nggea pe aɓwana mem aɓoro ace amǝtǝr, sǝ ɓǝ̀ ǝn pâ gir-ɗarǝa aban Ɓakuli.

1 Amǝ Korinti 4:14

Mim ngga, ǝn pa aban gilǝa wun mǝnia ka ace mǝnana ɓǝ̀ ǝn tsǝk wun, wu kum kǝsǝkya ka ɗang. Ən pa anggo ace mǝnana ɓǝ̀ ǝn kwarkir wun kǝla amuna mem mǝnana ǝn earkiyi acea raka.

Amǝ Filipi 3:18

Kǝla mǝnana ǝn nunkir wun tutu ɗiɗyal ka, sǝ adyan ngga, mǝ nda ban ɓǝsǝlǝa wunì ɗǝm nǝ mǝrǝm a mǝsǝam, ama aɓwana pas ka, aɓia amǝbura mala nggun-gangndi mala Kǝrǝsti na.

Amǝ Kolosi 1:28

Nda gir nî sǝ sǝm nggǝ banggi aɓwana cau mala Kǝrǝsti, sǝm nggǝ nunkir koyan ngga. Sǝm nggǝ kani koyan ngga nǝ sǝlǝe mǝnana kat Ɓakuli pa sǝm ngga. Sǝm nggǝ earce ama sǝm nǝ̀ yinǝia a ɓadǝm Ɓakuli kǝla aɓwana mǝnana à lumsǝna aɓa do malea andǝ Kǝrǝsti ka.

1 Amǝ Tasalonika 5:14

Wun amǝ'eambǝam, sǝm nggǝ kwarkir wun, wu nun kir aɓwana mǝnana à ndanǝ nkundǝr ka. Wu ɓak ɓabum amǝ'ɓangciu, wu bwalia aɓwana mǝnana à pànǝ rǝcandǝa raka. Wu dum nǝ munyi arǝ aɓwana kat.

2 Amǝ Tasalonika 2:5

Ɓalǝ wun kasǝ arǝ agir mǝnana mǝ nda ata wun ɗiɗyal ka, ǝn nggǝ bangga wun ngga re?

2 Amǝ Tasalonika 3:8

Sǝm li girlina mala kǝɓwa sǝ sǝm ginǝ mbwe gir akuni ɗang. Sǝm pak turo nǝ rǝcandǝa ma'sǝm du andǝ pwari, ace mǝnana ɓǝ̀ sǝm ngga duk twalo amur kǝɓwa ɗang.

2 Timoti 4:5

Sǝ we ka, hami rǝo aɓa koya ulang ɓealǝu mala do, dumnǝ gandǝrǝu aɓa nutanni, pak turo mala Mǝhama, lumsǝ turo mǝnana a pakkiyi ace Ɓakuli ka.

Amǝ Ibǝru 13:17

Wu oki aɓwana mǝnana a múr wun ngga, wu pà ɓamur rǝ wun a ɓatea. Acemǝnana à ndaka amǝyal wun, sǝ à ndaka aɓwana mǝnana Ɓakuli nǝ̀ ngga ɗia amur mǝnia yì turo pea wia ka. Ace mani ka, wu cia ɓǝa pak ture nǝ bumpwasǝa, pà aɓa bumkiɗikea ɗang. Ɓǝ̀ ana raka, pà nǝ̀ ɓoara wun ɗang.

Sǝna 16:15

“Wu sǝni, mǝ nǝ yiu aɓa yasǝlǝban kǝla mǝn'i. Tsǝkbu mala Ɓakuli na amur ɓwa mǝnana kat kǝ dum nǝ mǝsǝì aɓa kundǝmuram, sǝ kǝ bwal agir-nggurǝu male pepe, ace mǝnana ɓǝ̀ kǝa ging nǝ ɓate, ɓǝ̀ kum kǝsǝkya a mǝsǝ aɓwana raka!”