Amǝ Mishan 20:3 - Maləmce Məfele mala Ɓakuli: Kurcau Məbəshe

³ Abanì sǝ kya do pak azongŋo tārú. Lang Bulǝs mala nǝ̀ twal gya a waru nǝ̀ o a Suriya ka, yi ok ama aɓea amǝ Yahudi kùrna kunia amuri à nǝ̀ wal-lui a njar. Nda gir mǝnana tsǝa sǝ nyar a kusǝì twal nza, pǝlǝ nǝ njar ɓa bu-nzali Masǝdoniya ka.

Amǝ Mishan 20:3 ပူးပေါင်းရင်းမြစ်များ

Matiu 4:24

Cau male gya akiban aɓa bu-nzali Suriya kat. À yinǝi wi nǝ amǝkwano ɗàngɗáng: a mǝnana à nda ɓa rǝkwana kǝrkǝr, andǝ a mǝnana akukwar kutia rǝia, andǝ a mǝnana à ndanǝ kwano wukiaban, andǝ a mǝnana ɓe kǝ barea wu ka, yi twalia wia ban akwano malea kat.

Amǝ Mishan 16:12

Akano ka sǝm eauwe a nza aban ká a Filipi, ɓe nggeala mǝgule mala bu-nzali Masǝdoniya aɓa nzali domurǝm mala amǝ Roma. Sǝm pakki aɓea anonggeo akano.

Amǝ Mishan 16:9

A bu mǝno yì du ka, Bulǝs kum sǝnǝ aɓa Bangŋo; sǝn ɓeɓwa mala bu-nzali Masǝdoniya aban came, aban zǝmbǝi wi ama, “Yiu a Masǝdoniya, yiu bwala sǝm!”

Amǝ Mishan 18:18

Bulǝs do andǝ amǝkpata Yesu mana aɓa Korinti ka arǝ anonggeo pas. Pǝlǝa nyia, nǝ̀ o a bu-nzali Suriya. À kpapi gya a tarǝia andǝa Pǝrisǝla andǝ Akila. Lang à yì bingŋǝna Sǝnkǝriya, la a kun nggeamur ka, Bulǝs mwa muri ace mǝnana ɓǝ̀ lǝmndǝ ama yì ka, lumsǝna nzongcau mala amǝ Yahudi mǝnana twalo a ɓadǝm Ɓakuli nǝ̀ pe ka. Pǝlǝa à kutio a waru-mur aban ká.

Amǝ Mishan 19:21

Anzǝm amǝno yì agir ka, Bulǝs kum ɗenyicau a ɓabumi ama ɓǝ̀ kar aɓalǝ abu-nzali Masǝdoniya andǝ Akaya sǝ ɓǝ̀ kutio ɓǝ̀ kyane a Urǝshalima. Na ama, “Anzǝm mana ɓǝ̀ ǝn warina a Urǝshalima ka, dumǝnam púp mǝ nǝ kutio, mǝ ká gbal a Roma.”

Amǝ Mishan 20:1

Anzǝm mana loasǝkiaban malǝna ka, Bulǝs tunǝ amǝkwaɗi à yì rambǝa abanarǝia, pǝlǝa ɓak ɓabumia nǝ cau mala Ɓakuli, pea wia rǝcandǝa sǝ cia a ndà. Pǝlǝa nying banì kutio o a bu-nzali Masǝdoniya.

Amǝ Mishan 20:19

Nǝ nyesǝɓamuru andǝ mǝrǝm a mǝsǝam sǝ ǝn pakki Mǝtalabangŋo turo, acemǝnana mǝ nda mǝguro male. Ən do nǝ gandǝrǝu aɓa nutanni mala agir mǝnana à yipam nǝ kurkunarǝu mala amǝ Yahudi mǝnana amǝkwaɗi na raka.

Amǝ Mishan 20:2

Lang gingna arǝ abumban aɓa mǝno yì bu-nzali aban ɓak ɓabum amǝkwaɗi nǝ cau mala Ɓakuli ka, pǝlǝa kutio wario a Gǝris mǝnana gbal à tunǝki ama bu-nzali Akaya ka.

Amǝ Mishan 21:3

Sǝm nda aban samsǝa aɓa nggeamur aban o ka, mǝsǝ sǝm yi kpa arǝ luran mala Sayipǝrus kuko, sǝm yi turi nǝ bu sǝm mǝnggare, sǝm lidǝmbǝa aban o. Sǝm yì kpashi a kunmur mala nggeala Taya, aɓa bu-nzali Suriya. Abanì sǝ amǝturo ɓa-waru sulǝ twalo.

Amǝ Mishan 25:3

À zǝmbǝi Festus ama ɓǝ̀ pakkia wia gir mǝnana nǝ̀ pwasǝbumia ka, ɓǝ̀ eare ɓǝa tusǝ Bulǝs a Urǝshalima ɓǝa yi pakki wi ɓashi kam. À earce anggo acemǝnana yia ka à kùrnakun a rǝia à nǝ̀ wal-lui amur njargula.

2 Amǝ Korinti 1:15

Acemǝnana mǝ ndanǝ makɓalǝu arǝ mǝno kat ka sǝ ǝn yi kani a ɓabumam ama mǝ nǝ ká aban wun atadǝmbe, ace mǝnana ɓǝ̀ wu yi kum tsǝkbu kusǝ ɓari.

2 Amǝ Korinti 11:26

Kusǝ pas mǝ nda rǝ twalbǝri mǝsauwe. Sǝ arǝ amǝno yì agya ka, ǝn kum ɓamuram aɓa ká-mǝɓane arǝ anggeasala a mùr-longŋa, ká-mǝɓane a bu amǝ'ɓǝmbǝriban, ká-mǝɓane a bu aɓwana mem amǝ Yahudi andǝ aɓwana mǝnana amǝ Yahudi na raka. Ən kum ɓamuram aɓa ká-mǝɓane a bu amǝ loasǝ munǝo aɓa nggeala; ɓǝ́n wuna a ɓabondo; ɓǝ́n wuna aɓa nggeamur, sǝ ɓǝ́n wuna a bu amǝ'eamrǝarǝu amǝ'nyir nì.

2 Amǝ Korinti 7:5

Lang sǝm yì bwalǝna Masǝdoniya ka, ko sǝm kum usǝlǝo a nggurǝ sǝm ɗang. A koya ban sǝm pǝlǝ ka, kǝ tanni na. Nǝ nza ka, kúnɓuana na, nǝ ɓaɓalǝu ka, ɓalǝkasǝkya na.

Amǝ Galati 1:21

Anzǝm mǝno ka ǝn wario arǝ aɓea ban aɓalǝ abu-nzali Suriya andǝ Sǝlisiya.