Amǝ Mishan 20:28 - Maləmce Məfele mala Ɓakuli: Kurcau Məbəshe

²⁸ Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

Amǝ Mishan 20:28 ပူးပေါင်းရင်းမြစ်များ

Matiu 16:18

Sǝ we Bitǝrus ka a nda tali, sǝ amur tali mǝnia ka mǝ nǝ ɓak Ikǝlisiya mem, sǝ rǝcandǝa mala Lú pa nǝ̀ gandǝi ɗang.

Matiu 2:6

“ ‘We Betalami, a nzali Yahudi, a gatti pale ɗang a ta amurǝma mala nzali Yahudi. Acemǝnana a ɓalǝo sǝ murǝm nǝ̀ puro, mǝnana nǝ̀ yal aɓwana mem amǝ Isǝrayila ka.’”

Markus 13:9

Wu do nǝ yal ɓamur rǝ wun! À nǝ̀ oasǝki mur wun aban amǝ ɓashi, à nǝ̀ kwak wun arǝ andakpapi. Sǝ acemǝnana wu nda ka amǝ kpatam ngga, à nǝ̀ kánǝ wun a ɓashi a ɓadǝmbǝa anggwamna andǝ amurǝma. Aɓa mǝno anggo ka wu nǝ̀ kumo wu nǝ̀ duk amǝ'nakunam abania.

Luka 12:32

Domwan mǝkyauwe, ɓangciu ɓǝ̀ kǝa pakka wun ɗang, acemǝnana Tar wun ngga ban kǝ ɓoari wi ɓǝ̀ pa wun agir mǝɓoarne mala Domurǝm male.

Luka 21:34

Wu parkir wun wu kǝa eare ɓǝ̀ ɗenyicau ma'wun lumsǝ nǝ likiagir, wal-wale andǝ pisǝ ɓalǝu arǝ alta agir ɓanza, gandǝa mǝno yì pwari ka nǝ̀ yia yasǝlǝ wun ngga ɗang.

Amǝ Mishan 13:2

A ɓe pwari lang à nǝ̀ nggǝ peri aban Mǝtalabangŋo andǝ gilmur ka, Bangŋo Mǝfele na ama, “Wu taram Barnabas andǝ Sawul wu cia ɗàng ace turo mǝnana ǝn tunǝia à nǝ̀ pakkam ngga.”

Amǝ Mishan 14:23

Bulǝs andǝ Barnabas twal aɓwana-mǝgule mǝnana à cia amur amǝkwaɗi a koya ikǝlisiya ka. Nǝ hiwi andǝ gilmur, à tsǝk aɓwana-mǝgule mǝnia aɓata yalban mala Mǝtalabangŋo mana à guli a rǝi ka.

Amǝ Mishan 20:17

A Miletus sǝ Bulǝs turban ata aɓwana-mǝgule mala ikǝlisiya mana a Afisu ɓǝa yiu ɓǝa yi kumi a Miletus.

Amǝ Mishan 20:29

Ən sǝlǝna ama anzǝm mǝnana ǝn nyingŋǝna ban wun ngga, amǝkanigir-nyir, kǝla anvwa bondo mǝɓealɓike, à nǝ̀ yiu aɓalǝ wun, ace mǝnana à nǝ̀ kiɗiki domwan mala Ɓakuli, amǝkwaɗi ka.

Amǝ Roma 16:16

Wu makki arǝ wun kun, nǝ kur rǝarǝu mala amǝkpata Ɓakuli. Amǝkwaɗi mǝnana arǝ a'ikǝlisiya mala Kǝrǝsti kat à kǝ makka wun kun.

1 Amǝ Korinti 1:2

À tasǝi aban ká aban ikǝlisiya mala Ɓakuli mana a Korinti, yia aɓwana mǝnana à tària ɓǝa duk aɓwana mala Ɓakuli aɓa Kǝrǝsti Yesu ka. Yia andǝ aɓwana kat arǝ aban kat mǝnana à kǝ tunǝ lullǝ Mǝtalabangŋo Yesu mǝnana nda Mǝtalea andǝ Mǝtala sǝm ngga.

1 Amǝ Korinti 10:32

Kǝa duk tǝr annda mala kǝɓwa ɗang, ko amǝ Yahudi, ko aɓwana mǝnana amǝ Yahudi na raka, ko ikǝlisiya mala Ɓakuli.

1 Amǝ Korinti 11:22

Wu pànǝ aɓala mǝnana wu nǝ̀ lili, wu nǝ̀ nu kàm ngga re? Ko wu kǝ earce wu nǝ̀ nyesǝ ikǝlisiya mala Ɓakuli ɓà, sǝ wu nǝ̀ pe amǝtǝr kǝsǝkya? Mana ado mǝ nǝ bangga wun? Wu kǝ earce ama ɓǝ̀ ǝn ɓwangsǝ wun le? Pà mǝ nǝ ɓwangsǝ wun ace mǝnia ka ɗang, ko bǝti!

1 Amǝ Korinti 15:9

Mim ngga, mǝ nda rítǎu aɓalǝ amǝ'mishan. Ɓafo ka, ǝn kārǝa ɓǝa ɓallam aɓalǝ amǝ'mishan ɗang, ace kǝ pàtanni mǝnana ǝn pe ikǝlisiya mala Ɓakuli ka.

1 Amǝ Korinti 6:20

Yesu kúr wun nǝ gǝna mǝkǝrkǝr nì. Ace mani ka, wu gusǝlǝ Ɓakuli nǝ nggūrǝ wun.

Amǝ Galati 1:13

Wu surǝna rǝ pa mem ɗiɗyal, mǝnana mǝ nda ban peri, peri mala amǝ Yahudi ka, yi mǝnana ǝn pe ikǝlisiya mala Ɓakuli tanni kǝrkǝr, yale eare mem ngga nǝma ɓǝa mesǝkea ɓǝa ueɓà.

Amǝ Afisu 1:14

Sǝ yì Bangŋo Mǝfele ka nda lǝmndǝa sǝm aɓa mǝsǝcau ama, agir kat mǝnana Ɓakuli pàcau acea, ama tsǝngŋǝnia nǝ̀ pà sǝmia ka, nda anggo à dumǝna ma'sǝm, ba pwari akmúr aɓwana kat mana à ndaka mala Ɓakuli ka. Pak mǝnia ka ace mǝnana ɓǝ̀ sǝm ɓwangsǝi, sǝ ɓǝ̀ sǝm nggǝ pe wi gulo.

Amǝ Afisu 1:7

Yì ka, mǝsǝswatǝr andǝ ɓwamuru male ka à gul kǝrkǝr, nda sǝ yi kúr panzǝban ma'sǝm nǝ nkila mala Muni, pǝlǝa twala sǝm ban acauɓikea ma'sǝm ngga.

Amǝ Afisu 4:11

Kǝ yì na mǝnana pākiyi aɓwana aɓoro ka; aɓea ɓwana ka pea wia ɓoro mala turo mishan, aɓea aɓwana ka amǝ'ɓangna mala Ɓakuli, aɓea ɓwana ka amǝham nǝ Cau Amsǝban, aɓea ɓwana ka amǝyal aɓwana, sǝ aɓea ɓwana ka amǝkanigir.

Amǝ Filipi 1:1

Cautera mǝnia ka, pur nǝban Bulǝs andǝ Timoti, aguro mala Kǝrǝsti Yesu. Aban ká aban aɓwana amǝ fele mala Ɓakuli a Filipi, yia mǝnana à nda aɓa dotarǝu andǝa Kǝrǝsti Yesu ka, kat andǝ aɓwana-mǝgule andǝ amǝ'bwalturo ɓa ndahiwi.

Amǝ Kolosi 1:14

mǝnana akmúr sǝm sǝ twalban acauɓikea ma'sǝm ngga.

Amǝ Kolosi 4:17

Sǝ wu banggi Arkipus mǝnia yì cau ka: “Tsǝkiro arǝ turo mǝnana Mǝtalabangŋo po ka, masǝlǝte.”

1 Timoti 3:1

Mǝnia yì cau ka, mǝsǝcau na, mǝnana ama: Ɓǝ̀ ɓwa earce buno mala ɓwamǝgule mur ikǝlisiya ka, earǝna ce turo mǝɓoarne.

1 Timoti 3:2

Sǝ ɓwamǝgule mur ikǝlisiya ka, ɓǝ̀ duk do ɗwanyi cau a rǝǔ. Yì ka, nǝ̀ duk bura mɓwama mwashat, andǝ do bwalrǝu, andǝ kwaro aɓa ɗenyicau, sǝ ɓwa na mǝnana aɓwana kǝ pe wi gulo ka. Yì ka, nǝ̀ duk mǝ ak abǝri a ɓala male, sǝ nǝ̀ duk mǝsǝlǝ kanigir.

1 Timoti 3:5

Sǝ ɓǝ̀ ɓwa pà nǝ̀ gandǝ bwal ɓala male raka, lang sǝ nǝ̀ gandǝ tsǝk kir ikǝlisiya mala Ɓakuli?

1 Timoti 4:14

Ce a burice ɓoro mala Bangŋo mǝnana a ndanǝi, mana à po nǝ na gi Ɓakuli, a pwari mǝnana amǝkurcau aɓwana-mǝgule amur ikǝlisiya tsǝko buia a muro ka.

1 Timoti 4:16

Tsǝk kiro arǝ do andǝ kanigir mo. Lidǝmbǝa aɓa mǝnia ka, acemǝnana ɓǝ̀ a pa anggo ka, a wu nǝ amsǝ ɓamuro andǝ aɓwana mǝnana à kǝ oeo ka.

1 Timoti 5:17

Aɓwana-mǝgule mala ikǝlisiya mǝnana à kǝ pak turo malea pepe ka, ɓǝa kǝ pea wia gulo, ɓǝa kǝ mbwea pepe, nggeamurǝmi ka aɓwana mǝnana à kǝ pak turo kǝrkǝr aɓa hamnǝ cau andǝ kanigir ka.

Titus 1:7

Sǝ acemǝnana ɓwamǝgule amur ikǝlisiya ka, Ɓakuli panì wi turo ɗenyi nǝ aɓwana male yì Ɓakuli ka, dumǝna púp ama nǝ̀ dukdo ɗwanyi cau a rǝǔ. Pà nǝ̀ gulǝsǝmuru andǝ kaurǝ pak bumlulla ɗang. Pà nǝ̀ duk mǝ'nu'mba andǝ mǝ'munǝki amunǝo ɗang, sǝ pà nǝ̀ duk mǝ rufi ata kume ɗang.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Amǝ Ibǝru 12:15

Wu parkir wun, kǝɓwa ɓǝ̀ kǝa gatti kum ɓwamuru mala Ɓakuli ɗang. Ce wu eare nlerǝ bumkpǝmna to aɓalǝ wun, mana nǝ̀ yinǝ tanni, sǝ nǝ̀ tsǝk aɓwana pas ɓǝa pǝndǝki ka ɗang.

Amǝ Ibǝru 13:17

Wu oki aɓwana mǝnana a múr wun ngga, wu pà ɓamur rǝ wun a ɓatea. Acemǝnana à ndaka amǝyal wun, sǝ à ndaka aɓwana mǝnana Ɓakuli nǝ̀ ngga ɗia amur mǝnia yì turo pea wia ka. Ace mani ka, wu cia ɓǝa pak ture nǝ bumpwasǝa, pà aɓa bumkiɗikea ɗang. Ɓǝ̀ ana raka, pà nǝ̀ ɓoara wun ɗang.

1 Bitǝrus 2:25

Ɗiɗyal ka, wu nda kǝla anzur mǝnana à ɓwarki tanjar ka. Sǝ ado ka, wu nyarǝna aban Yál wun andǝ Mǝtsǝkkir ayilǝmi wun.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

1 Yohana 1:7

Sǝa ma ɓǝ̀ sǝm gya aɓa tǎlaban, kǝla mǝnana yì ka, nda aɓa tǎlaban ngga, lǝmndǝ ama sǝm ndanǝ dotarǝu nǝ rǝarǝ sǝm, sǝ nkila mala Muni Yesu kǝ lak sǝm arǝ acauɓikea kat.

Sǝna 5:9

Pǝlǝa agiryilǝmu andǝ aɓwana-mǝgule mǝno tu bǝsa nggyal ama: “A karǝna wu ak malǝmce nî, sǝ wu fasǝki amyang-kuni. Acemǝnana we ka à pwanmealo, sǝ nǝ nkilio sǝ a akmúr aɓwapǝndǝa ace Ɓakuli, aɓa koya kun, andǝ koya lasǝu, andǝ aɓwana arǝ anzali ɗàngɗáng.